Antonio de Cora Sabater
Antonio de Cora Sabater, nado en Lugo o 18 de outubro de 1889 e finado en Madrid o 6 de xuño de 1943, foi un avogado e xornalista galego.
| Biografía | |
|---|---|
| Nacemento | 18 de outubro de 1889  Lugo, España |
| Morte | 6 de xuño de 1943 (53 anos) Madrid, España |
| Actividade | |
| Ocupación | xornalista |
| Familia | |
| Pai | Purificación de Cora Más-Villafuerte |
  | |
Traxectoria
editar
Fillo de Purificación de Cora Más-Villafuerte e mais Teresa Sabater Becerra, e irmán de Purificación de Cora Sabater. Estudou Dereito nas universidades de Madrid e Santiago de Compostela. Trasladouse a Lugo para formar parte da redacción de El Progreso, do que foi director entre 1914 e 1927 e no que escribiu numerosos artigos utilizando o pseudónimo de D’Orca. Foi o creador do personaxe Pelúdez, presente nas páxinas do xornal dende a súa fundación.
Baixo o pseudónimo de Roberto Caín de Santaoya escribe revistas ou apropósitos en galego e castelán que se estrean no Círculo das Artes, como El Parque da Fala, en marzo de 1917.
Colaborou noutros medios informativos e dende a Librería Religiosa editou publicacións e postais de Lugo. Foi presidente do Orfeón Gallego e do Círculo das Artes. Foi primeiro tenente de alcalde do concello de Lugo. Foi designado maxistrado suplente na Audiencia de Lugo e apoderado dos exportadores de gando da provincia. En 1927 trasladou a súa residencia a Madrid, onde continuou exercendo a avogacía, actuou como correspondente político de El Progreso e presidiu a Casa de Galicia.
Véxase tamén
editarBibliografía
editar- "Cora Sabater, Antonio de". Enciclopedia Galega Universal. Ir Indo. 1999-2002. ISBN 84-7680-288-9.
- "Cora Sabater, Antonio de". Dicionario biográfico de Galicia. Ir Indo Edicións. 2010-2011.
- "Cora Sabater, Antonio de". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
- Couceiro Freijomil, Antonio (1951-53). Diccionario bio-bibliográfico de escritores (en castelán). Bibliófilos Gallegos.