Cáucaso

Este artigo trata sobre a rexión xeográfica do Cáucaso. Para a cordilleira vexa cordilleira do Cáucaso

A rexión do Cáucaso atópase en Asia occidental, entre o mar Negro e o mar Caspio. Hoxe compoñen esta rexión as repúblicas independentes de Xeorxia, Armenia e Acerbaixán, con Rusia ó norte e Turquía e Irán ó sur. No entanto, son numerosas as nacións que viven dentro destes estados, moitas delas en territorios con grandes autogobernos, noutros casos con azos de alcanza-la independencia, o que fai desta rexión un punto quente de violencia a nivel mundial.

Cáucaso

Tipo	rexión xeográfica rexión cultural
Situado na entidade xeográfica	Cordilleira do Cáucaso
42°15′40″N 44°07′16″L
Composto por	Mamison Pass (en)
Características
Altitude	5.642 m
Dimensións	1.200 () km
Punto máis alto	Monte Elbrus  (5.642 m )

Seis estados que agochan un mosaico de culturas.

A cordilleira do Cáucaso na que se asentan Xeorxia, Acerbaixán e Armenia acotío é chamada Transcaucasia; hai maior intrincamento lingüístico e cultural na zona norte dependente da Federación rusa.

Repúblicas Caucásicas da Federación Rusa.

Á parte dos mencionados países, existen estoutras nacións non independentes:

• Alania (Osetia do Norte)
• Osetia do Sur
• Calmuquia
• Carachai-Circasia
• Cabardino-Balcaria
• Alto Karabakh (Nagorno Karabakh)
• Ingushetia
• Chechenia
• Daguestán

Así mesmo existen numerosas minorías entre as que se poden incluír: cumuquios, avaros, tátaros, bielorrusos, alemáns, ucraínos, e naturalmente rusos, que son unha importante minoría en todas estas repúblicas ex-soviéticas. No sur, sobre todo en Armenia, hai importantes grupos de presión turcománs, iranianos, curdos e árabes.