Camariñas

Camariñas é un concello da provincia da Coruña, encravado na Costa da Morte e pertencente á comarca da Terra de Soneira. Segundo o IGE en 2014 tiña 5774 habitantes (6226 no 2010, 6323 no 2006, 6467 no 2005, 6502 no 2004, 6597 no 2003). O seu xentilicio (véxase no Galizionario) é camariñán ou camariñés.

Camariñas

Localización
43°07′48″N 9°11′06″O
Estado	España
Comunidade autónoma	Galicia
Provincia	Provincia da Coruña
Capital	Camariñas
Poboación
Poboación	5.151 (2023) (99,83 hab./km²)
Xeografía
Superficie	51,6 km²
Bañado por	Océano Atlántico
Altitude	10 m
Comparte fronteira con	Muxía Vimianzo
Organización política
• Alcalde	Manuel Valeriano Alonso de León
Eleccións municipais en Camariñas
Identificador descritivo
Código postal	15123
Fuso horario	UTC+01:00
Código INE	15016
Sitio web	camarinas.net…

Poboación

Censo total 2014	5774 habitantes
Menores de 15 anos	613 (10,62 %)
Entre 15 e 64 anos	3612 (62,56 %)
Maiores de 65 anos	1549 (26,83 %)

Evolución da poboación de Camariñas   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
4153	5288	5707	7220	6502	6226		6082
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Topónimo

Camariñas é un fitónimo procedente da camariña, arbusto que medraba no areal de Camariñas e que antano tiña difusión por toda a franxa atlántica de Iberia^{[Cómpre referencia]}. Tamén lle deu nome á vila da Pobra do Caramiñal. Agora esta planta medra unicamente en escasos lugares, coma nos Azores, Punta Umbría en Andalucía, e abundantemente no areal de Trece (Camariñas), o corazón da Costa da Morte.

Cultura

No quebraondas do pobo de Camelle o alemán Manfred Gnädinger creou unha casa-escultura que, decorada coas súas obras artísticas e que reflectía a súa relación co mar. Tras o falecemento do artista (relacionado coa contaminación deixada polo chapapote verquido polo petroleiro Prestige), unha Fundación coida o seu legado

O porto de Camariñas tamén é punto final da 5º etapa e principio da 6º do Camiño dos Faros.

Produtos típicos

Son célebres os encaixes de Camariñas.

Camariñas na cultura popular galega

O nome da vila é mencionado en ditos como:

• Camariñas, Camariñas,/ El-Rei te quixo vender,/ o que merque Camariñas/ moito diñeiro ha de ter .
• Nosa Señora da Barca/ ten uns zapatiños brancos,/ as mozas de Camariñas/ vanllos ver os días santos

Camariñas é o título dunha cantiga popular galega que foi cantada, entre outros por Rosa Cedrón, Luz Casal con Luar na Lubre, e a escocesa Julie Fowlis, nunha versión coa orquestra da BBC que combina as linguas galega e a gaélica de Escocia.

Galería de imaxes

Artigo principal: Galería de imaxes de Camariñas.

• 
  Camariñas
• 
  Porto de Camariñas
• 
  Cabo Vilán en San Xurxo de Camariñas
• 
  Faro de Cabo Vilán

Lugares de Camariñas

Para unha lista completa de todos os lugares do concello de Camariñas vexa: Lugares de Camariñas.

Véxase tamén

Outros artigos

• Camiño dos Faros

Ligazóns externas

• www.camarinas.net
• Camariñas en OpenStreetMap.

---

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---