Wikipedia

Carl Sandburg

poeta, escritor e editor estadounidense

Carl August Sandburg, nado en Galesburg, Illinois o 6 de xaneiro de 1878 e finado en Flat Rock, Carolina do Norte o 22 de xullo de 1967 foi un poeta, escritor e editor estadounidense. Gañou en tres ocasións o premio Pulitzer, dúas pola súa poesía e un pola súa biografía de Abraham Lincoln. Durante a súa vida, Sandburg foi recoñecido como "unha figura fundamental da literatura contemporánea", especialmente polos volumes das súas compilacións de versos, incluíndo Chicago Poems (1916), Cornhuskers (1918) e Smoke and Steel (1920).[1] Gozou de "atractivo sen rival como poeta no seu día, quizais a causa da amplitude das súas experiencias que o conectan con tantos fíos da vida estadounidense",[2] e na súa morte en 1967, o presidente Lyndon B. Johnson observou que "Carl Sandburg era máis que a voz dos Estados Unidos, máis que o poeta da súa forza e xenio. El era os Estados Unidos".[3]

Modelo:BiografíaCarl Sandburg

Editar o valor en Wikidata
Biografía
Nacemento6 de xaneiro de 1878 Editar o valor en Wikidata
Galesburg, Estados Unidos de América (pt) Traducir Editar o valor en Wikidata
Morte22 de xullo de 1967 Editar o valor en Wikidata (89 anos)
Flat Rock, Estados Unidos de América Editar o valor en Wikidata
Lugar de sepulturaCarl Sandburg Birthplace Historic Site (en) Traducir Editar o valor en Wikidata
EducaciónLombard College Editar o valor en Wikidata
Actividade
Ocupaciónpoeta, guionista, xornalista, biógrafo, sindicalista, escritor, historiador, novelista, musicólogo, escritor de literatura infantil Editar o valor en Wikidata
Partido políticoPartido Socialista da América (pt) Traducir Editar o valor en Wikidata
Membro de
Carreira militar
Rango militarSoldado raso Editar o valor en Wikidata
ConflitoGuerra Hispano-Estadounidense Editar o valor en Wikidata
Obra
Arquivos en
Familia
CónxuxeLilian Steichen Editar o valor en Wikidata
Premios
Sinatura Editar o valor en Wikidata
Descrito pola fonteGrande Enciclopedia Soviética 1969-1978, (sec:Сэндберг Карл)
Obálky knih,
The Encyclopedia Americana Editar o valor en Wikidata
IMDB: nm0761325 Allmovie: p300452 TV.com: people/carl-sandburg IBDB: 11159
BNE: XX996980 Musicbrainz: f5c5ccdf-779a-49e0-8853-3bd6013ccf57 Discogs: 635338 IMSLP: Category:Sandburg,_Carl Allmusic: mn0000792272 WikiTree: Sandburg-27 Find a Grave: 925 Editar o valor en Wikidata

Traxectoria

editar

Carl Sandburg naceu nunha cabana de tres cuartos en 313 East Third Street en Galesburg, Illinois, fillo de Clara Mathilda (de solteira Anderson) e August Sandberg,[4] ambos de orixe sueca.[5] Adoptou o alcume de "Charles" ou "Charlie" na escola elemental arredor do tempo no que el e os seus dous irmáns máis vellos cambiaron o deletreo do seu apelido a "Sandburg".[4][6][7]

Aos trece anos, deixou a escola e comezou a conducir un camión de leite. Dende os catorce aos dezasete ou dezaoito, traballou como porteiro na barbería do Union Hotel en Galesburg.[8] Tras isto, volveu estar na ruta do leite outros dezaoito meses. Entón fíxose albanel e traballador de granxa nas chairas de trigo de Kansas.[9] Tras pasar un tempo no Lombard College en Galesburg,[10] traballou como servente de hotel en Denver e como estibador de carbón en Omaha. Comezou a súa carreira como escritor como xornalista para o Chicago Daily News. Despois escribiu poesía, historia, biografías, novelas, literatura infantil e crítica cinematográfica. Tamén recompilou e editou libros de baladas e folclore. Pasou a maior parte da súa vida no Medio Oeste antes de mudarse a Carolina do Norte.

Sandburg ofreceuse voluntario para ir ao exército e foi enviado a Porto Rico co 6th Illinois Infantry durante a guerra hispano-americana,[11] desembarcando en Guánica, Porto Rico o 25 de xullo de 1898, aínda que nunca foi enviado a combate. Asistiu á academia de West Point só dúas semanas, antes de suspender un exame de matemáticas e gramática. Volveu entón ao Lombard College, mais abandonouno sen graduarse en 1903. Entón mudouse a Milwaukee, Wisconsin, e uniuse ao Partido Socialdemócrata. Sandburg traballou de secretario de Emil Seidel, alcalde socialista de Milwaukee entre 1910 e 1912.[12]

En 1907, coñeceu a Lilian Steichen (1883-1977) no despacho do Partido Socialdemócrata e casaron o ano seguinte. O irmán de Lilian era o fotógrafo Edward Steichen. Sandburg e a súa dona, á que chamaba Paula, tiveron tres fillas. Mudáronse a Harbert, Míchigan e despois aos suburbios de Chicago. Tamén viviron en Evanston, Illinois, antes de establecerse no 331 South York Street de Elmhurst,[13] Illinois, entre 1919 e 1930. Durante ese tempo, Sandburg escribiu Chicago Poems (1916), Cornhuskers (1918) e Smoke and Steel (1920).[1] En 1919, gañou o premio Pulitzer pola súa colección Cornhuskers.[14] En Elmhurst tamén escribiu tres libros infantís: Rootabaga Stories (1922), Rootabaga Pigeons (1923) e Potato Face (1930). Ademais escribiu Abraham Lincoln: The Prairie Years, biografía en dous volumes (1926), The American Songbag (1927) e o libro de poemas Good Morning, America (1928). A familia marchou para Míchigan en 1930.

En 1940 gañou o premio Pulitzer de Historia polos catro volumes The War Years, secuela de Abraham Lincoln, e en 1951 novamente o premio Pulitzer de Poesía por Complete Poems.[14][15][note 1]

En 1945 mudouse a Connemara, propiedade rural de 246-acre (100 ha) en Flat Rock, Carolina do Norte. Aquí produciu pouco máis dun terzo da súa obra publicada e viviu coa súa esposa, fillas e dous netos.[16]

O 12 de febreiro de 1959, por mor da conmemoración do 150 aniversario do nacemento de Abraham Lincoln, o Congreso realizou unha sesión conxunta para oír o actor Fredric March nunha lectura dramatizada do discurso de Gettysburg, seguida dun discurso de Sandburg.[17]

Sandburg apoiou o movemento polos dereitos civís e foi o primeiro home branco galardoado pola NAACP coa placa de prata como un "profeta principal dos dereitos civís no noso tempo".[18]

 
"Remembrance Rock" na tumba de Sandburg

Sandburg faleceu por causas naturais en 1967 e foi incinerado. As súas cinzas foron enterradas baixo a "Remembrance Rock", unha rocha de granito situada detrás da súa casa natal.[19][note 2]

Obras

editar
  • In Reckless Ecstasy (1904) (poesía, publicado orixinalmente como Charles Sandburg)
  • Incidentals (1904) (poesía e prosa, publicado orixinalmente como Charles Sandburg)
  • Plaint of a Rose (1908) (poesía, publicado orixinalmente como Charles Sandburg)
  • Joseffy (1910) (prosa, publicado orixinalmente como Charles Sandburg)
  • You and Your Job (1910) (prosa, publicado orixinalmente como Charles Sandburg)
  • Chicago Poems (1916) (poesía)
  • Cornhuskers (1918) (poesía)
  • Chicago Race Riots (1919) (prosa, con introdución de Walter Lippmann)
  • Clarence Darrow of Chicago (1919) (prosa)
  • Smoke and Steel (1920) (poesía)
  • Rootabaga Stories (1922) (contos infantís)
  • Slabs of the Sunburnt West (1922) (poesía)
  • Rootabaga Pigeons (1923) (contos infantís)
  • Selected Poems (1926) (poesía)
  • Abraham Lincoln: The Prairie Years (1926) (biografía)
  • The American Songbag (1927) (cancións folclóricas)[20][21]
  • Songs of America (1927) (cancións folclóricas, compiladas por Sandburg e editadas por Alfred V. Frankenstein)
  • Abe Lincoln Grows Up (1928) (biografía para nenos)
  • Good Morning, America (1928) (poesía)
  • Steichen the Photographer (1929) (historia)
  • Early Moon (1930) (poesía)
  • Potato Face (1930) (contos infantís)
  • Mary Lincoln: Wife and Widow (1932) (biografía)
  • The People, Yes (1936) (poesía)
  • Abraham Lincoln: The War Years (1939) (biografía)
  • Storm over the Land (1942) (biografía, fragmentos de Abraham Lincoln: The War Years)
  • Road to Victory (1942) (catálogo de exposición, texto de Sandburg e imaxes de Edward Steichen, publicado polo Museum of Modern Art)
  • Home Front Memo (1943) (ensaios)
  • Remembrance Rock (1948) (novela)
  • Lincoln Collector: the story of the Oliver R. Barrett Lincoln collection (1949) (prosa)
  • The New American Songbag (1950) (cancións folclóricas)
  • Complete Poems (1950) (poesía)
  • The Wedding Procession of the Rag Doll and the Broom Handle and Who Was In It (1950) (conto infantil)
  • Always the Young Strangers (1953) (autobiografía)
  • Selected Poems of Carl Sandburg (1954) (poesía, editada por Rebecca West)
  • The Family of Man (1955) (catálogo de exposición, imaxes de Edward Steichen)
  • Prairie-Town Boy (1955) (autobiografía, esencialmente fragmentos de Always the Young Strangers)
  • Sandburg Range (1957) (prosa e poesía)
  • Harvest Poems, 1910–1960 (1960) (poesía)
  • Wind Song (1960) (poesía)
  • Honey and Salt (1963) (poesía)
  • The Letters of Carl Sandburg (1968) (correspondencia, editada por Herbert Mitgang)
  • Breathing Tokens (poesía, editada por Margaret Sandburg) (1978) (poesía)
  • Ever the Winds of Chance (1983) (autobiografía, comezada por Sandburg e completada por Margaret Sandburg e George Hendrick)
  • Carl Sandburg at the Movies: a poet in the silent era, 1920–1927 (1985) (selección das súas críticas de filmes mudos, compiladas e editadas por Dale Fetherling e Doug Fetherling)
  • Billy Sunday and other poems (1993) (editado con introdución de George Hendrick e Willene Hendrick)
  • Poems for Children Nowhere Near Old Enough to Vote (1999) (compilado e con introdución de George e Willene Hendrick)
  • Poems for the People. (1999) 73 poemas inéditos dos seus primeiros anos en Chicago, editados con introdución de George Hendrick e Willene Hendrick
  • Abraham Lincoln: The Prairie Years and the War Years (2007) (edición ilustrada con introdución de Alan Axelrod)

Notas

editar
  1. ↑ O premio Pulitzer de Poesía foi establecido en 1922 pero na actualidade a organización considera como os primeiros gañadores tres receptores de premios especiais de 1918 e 1919.
  2. ↑ A súa esposa e dúas das súas fillas tamén foron enterradas aquí.

Referencias

editar
  1. ↑ 1,0 1,1 Danilov, Victor (26 de setembro de 2013). Famous Americans: A Directory of Museums, Historic Sites, and Memorials. Scarecrow Press. p. 198. Consultado o 6 de xaneiro de 2015. 
  2. ↑ Heitman, Danny (marzo-abril de 2013). "A Workingman's Poet". Humanities. Consultado o 6 de xaneiro de 2014. 
  3. ↑ Orixinal en inglés: Carl Sandburg was more than the voice of America, more than the poet of its strength and genius. He was America. Callahan, North (1 de outubro de 1990). Carl Sandburg: His Life and Works. Pennsylvania State University Press. p. 233. ISBN 978-0271004860. Consultado o 7 de xaneiro de 2015. 
  4. ↑ 4,0 4,1 Sandburg, Carl (1953). Always the Young Strangers. Nova York: Harcourt, Brace and Company. pp. 29, 39.  O apelido do pai de Sandburg era orixinalmente "Danielson" ou "Sturm". El non sabía ler nin escribir e aceptaba calquera outro deletreo que empregase a xente. O mozo Carl, a súa irmá Mary e o seu irmán Mart cambiárono a "Sandburg" na escola elemental.
  5. ↑ History
  6. ↑ Sandburg en 1953 non puido recordar as razóns do cambio, pero conta que poder pronunciar correctamente "ch" era un sinal de asimilación entre os inmigrantes suecos.
  7. ↑ Penelope Niven (18 de agosto de 2012). "American Masters: Carl Sandburg Timeline". PBS. Consultado o 19 de xaneiro de 2014. 
  8. ↑ Sandburg, Carl (1955). "Prairie-Town Boy" (en inglés). p. timforsythe.com. Arquivado dende o orixinal o 16 de febreiro de 2013. Consultado o 10 de setembro de 2018. 
  9. ↑ Selected Poems of Carl Sandburg, editado por Rebecca West, 1954
  10. ↑ Carl Sandburg College. "History" Arquivado 07 de febreiro de 2013 en Wayback Machine.
  11. ↑ Mason, Jr., Herbert Molloy (1999). Kolb, Richard K., ed. VFW: Our First Century. Lenexa, Kansas: Addax Publishing Group. pp. 13, 90. ISBN 1-88611072-7. LCCN 99-24943. 
  12. ↑ "Revolt Develops Poet", The Western Comrade, vol. 2, no. 3 (xullo de 1914), páx. 23.
  13. ↑ A casa foi demolida e no seu lugar construíuse un aparcadoiro.
  14. ↑ 14,0 14,1 "Poetry". The Pulitzer Prizes. Consultado o 24 de novembro de 2013.
  15. ↑ "12 Search Results". Pulitzer.org. Consultado o 25 de abril de 2013. 
  16. ↑ "Sandburg Grandchildren - Carl Sandburg Home National Historic Site (U.S. National Park Service)". www.nps.gov (en inglés). Consultado o 21 de xaneiro de 2017. 
  17. ↑ "Nation Honor Lincoln On Sesquicentennial" (PDF). Yonkers Herald-Statesman (Northern Illinois University Libraries). Associated Press. 11 de febreiro de 1959. Arquivado dende o orixinal (PDF) o 01 de novembro de 2013. Consultado o 25 de abril de 2013. Congress gets into the act tomorrow, when a joint session will be held. Carl Sandburg, famed Lincoln biographer, will give and address, and actor Fredric March will read the Gettysburg Address. 
  18. ↑ "Carl Sandburg cited by NAACP". Baltimore Afro-American. 30 de novembro de 1965. 
  19. ↑ "Carl Sandburg's ashes placed under Remembrance Rock". The New York Times. 2 de outubro de 1967. p. 61. 
  20. ↑ "Carl Sandburg Sings On WMAQ Today". The Milwaukee Journal. 10 de xaneiro de 1928. Arquivado dende o orixinal o 21 de setembro de 2015. Consultado o 6 de decembro de 2010. 
  21. ↑ "The American Songbag (1927)". Archive.org. Consultado o 25 de abril de 2013. 

Véxase tamén

editar

Bibliografía

editar
  • Niven, Penelope. Carl Sandburg: A Biography. Nova York: Scribner's, 1991.
  • Sandburg, Carl. The letters of Carl Sandburg. Nova York: Harcourt, Brace & World, 1968.
  • Sandburg, Helga. A Great and Glorious Romance: The Story of Carl Sandburg and Lilian Steichen. Nova York: Harcourt Brace Jovanovich, 1978.

Ligazóns externas

editar
Traído desde «https://gl.wikipedia.org/w/index.php?title=Carl_Sandburg&oldid=6658017»
  NODES
Note 2
todo 1