Casa dos Toubes
A casa dos Toubes é un pazo situado na parroquia de Osmo, no concello de Cenlle. Atópase illada e foi obxecto de moitas reformas posteriores á súa construción. Tamén é coñecida como a Casa de Outeiro. Sitúase na parte alta da aba do monte que domina as viñas no val do río Avia .
| Casa dos Toubes | |
|---|---|
 | |
| Concello | Cenlle |
| Provincia | Ourense |
| Comunidade | Galicia |
| Coordenadas | 42°22′29″N 8°05′52″O / 42.37477162575, -8.0978258141621 |
| Estilo arquitectónico | |
| [ editar datos en Wikidata ] | |
Atención: Este artigo ou sección semella conter investigacións orixinais. |
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xuño de 2017.) |
Descrición
editarA casa atópase moi cambiada polas reformas realizadas ao longo do tempo. Conserva porén elementos testemuña da súa pasada grandeza.
Posúe planta rectangular con patio posterior ó redor do cal se xuntan as dependencias agrícolas: un alpendre de grandes dimensións sostido por piares poligonais e o cabaceiro.
A súa fábrica é de perpiaño rico e ben labrado e presenta dúas plantas. A fachada principal oriéntase a ao poñente, ten as dúas plantas divididas por unha imposta e todo o seu lenzo rematado por unha cornixa moldurada.
Na planta principal ábresen catro portas de aire con balaustrada de ferro e no centro, entre as xanelas, unha pedra de armas timbrada con helmo e cimeira e lambrequíns moi decorativos. No piso baixo ábrese unha gran porta alintelada cunha pequena ménsula decorada cunha cruz sobre o seu lintel. A fachada sur posúe as mesmas características.
A cuberta, a catro augas, leva tellado de tella e destaca unha cheminea de corte transversal trapezoidal con remates apiramidados con bola.
Historia
editarEsta casa foi coñecida como Casa do Outeiro e foi propiedade dos Toubes. No Catastro de Ensenada, don Félix de Toubes y Somoza posúe "una casa que auita de un alto con su cozina, caualleriza y bodega terrena en el lugar de Outeiro"