Celtic F.C.

O Celtic Football Club é un club de fútbol escocés da zona de Parkhead, en Glasgow, que actualmente compite na Scottish Premier League. Fundouse en 1887 e disputou o seu primeiro partido en 1888. Desde a súa fundación, o Celtic conseguiu 50 títulos de liga –só superado polo Rangers FC– e 39 copas escocesas –máis que ningún outro club escocés. O club disputa os seus partidos como local no Celtic Park, o estadio con maior capacidade do fútbol escocés, que alberga 60.832 espectadores sentados.

Celtic
Nome	Celtic Football Club
Alcume(s)	The Bhoys
Fundación	6 de novembro de 1887 (137 anos)
Estadio	Celtic Park, Glasgow, Escocia
Inauguración	20 de agosto de 1892
Capacidade	60.832
Presidente	Ian Bankier
Adestrador	Neil Lennon
Liga	Scottish Premier League
2023/24	1º
Vestimenta	New Balance
Patrocinador	Dafabet
Na rede
http://www.celticfc.net/
Titular Alternativo Terceiro

Historia

É moi sonada a grande rivalidade que o Celtic ten co Rangers dende 1888 (ano do nacemento do Celtic). É o derbi por excelencia de Escocia e pode que do mundo posto que o mesmo Sir Alex Ferguson (que xa leva visto moito fútbol na súa vida) fala na súa autobiografía de que endexamais vira nun enfrontamento de rivalidade unha atmosfera e unha paixón semellantes ás que se poden vivir nos encontros entre Celtic e Rangers. De feito, dicía que nin nos derbis que vira en España, Italia, Inglaterra... tivera visto nada que se lle achegase. E tamén boa conta disto pode dála o futbolista ferrolán do Rangers Nacho Novo que recoñeceu nunha entrevista concedida a un xornal deportivo que aquilo era impresionante e que se algún compañeiro lle quería dicir algo, como estivese a 3 ou 4 metros xa non oía o que lle quería comentar. Tanto esta rivalidade, por intres da historia esaxerada, coma cando se fai referencia a ámbolos dous clubs se fala do Old Firm.

O equipo xoga os seus partidos coma conxunto local no Celtic Park tamén coñecido coma Parkhead por estar chantado nesa avenida e coma The Paradise ou simplemente Paradise grazas ós boísimos momentos que alí puideron pasar moitos seareiros. O estadio ten unha capacidade de 60.832 prazas todas elas de sentar sendo o estadio con meirande capacidade da Escocia e o segundo do Reino Unido en canto a clubs se refire.

Abofé que o fito por excelencia do club foi a proclamación do mesmo coma campión de Europa no 1967 trala vitoria acadada cun xogo de reis sobre o Inter de Milán por 2-1 en Lisboa. E velaquí a explicación de que tódolos xogadores que artellaban o equipo recibiran a denominación de Lisbon Lions. Cómpre salientar tamén ó falar deles que, hogano, inda segue a se-lo único club de Europa que foi quen de gaña-la máxima competición continental botando man tan só de xente do país da orixe do equipo. E é máis, os xogadores tiveran nacido todos eles nun raio de 30 millas (algo máis de 55 quilómetros) con respecto á casa do club, Celtic Park.

O Celtic tamén é coñecido coma o equipo dos católicos, estando formada a súa afección principalmente pola minoría católica de Escocia, polos norteirlandeses católicos e polos irlandeses. Tamén ten importantes núcleos de seguidores en Australia, Estados Unidos ou Inglaterra, e aínda noutros países anglosaxóns coma o Canadá ou Nova Zelandia alén de moitos milleiros máis de afeccionados do equipo que están espallados polo resto do mundo.

O estadio adoita estar cheo en cada partido e nas últimas tempadas as estatísticas indican unha asistencia media ó terreo de xogo de arredor dunhas 57.000-58.000 persoas; cifras tan só superadas polos seguidores do Manchester United a nivel británico.

Uniforme

O primeiro equipamento do equipo é a de camisola con franxas horizontais verdes e brancas, pantalonciño cor branca e medias brancas inda que hai que dicir ó respecto que houbo ó longo da historia do club diversas tempadas nas que as medias eran, á imaxe da camisola, con franxas verdes e brancas. En canto ó segundo equipamento hai que salientar que foi mudando ó longo dos anos pero por pór un exemplo a da tempada 2005-2006 era completamente verde.

Xogadores

Cadro actual

Datos do 1 de febreiro de 2012.

Nº Posto País Xogador 1 GK Fraser Forster 2 DF Adam Matthews 3 DF Emilio Izaguirre 4 MF Efraín Juárez 5 DF Daniel Majstorović 6 DF Kelvin Wilson 8 MF Scott Brown 9 FW Georgios Samaras 10 FW Anthony Stokes 11 DF Cha Du-Ri 12 DF Mark Wilson 14 FW Mohamed Bangura 15 MF Kris Commons 16 MF Joe Ledley 17 FW Paweł Brożek 18 MF Ki Sung-Yueng 19 FW Morten Rasmussen

Nº Posto País Xogador 20 MF Paddy McCourt 21 DF Charlie Mulgrew 22 DF Glenn Loovens 23 DF Mikael Lustig 24 GK Łukasz Załuska 25 DF Thomas Rogne 33 MF Beram Kayal 39 DF Andre Blackman 40 MF Rabiu Ibrahim 44 DF Marcus Fraser 46 MF Dylan McGeouch 47 GK Dominic Cervi 49 FW James Forrest 56 MF Filip Twardzik 58 MF Patrik Twardzik 67 MF Victor Wanyama 88 FW Gary Hooper

Xogadores famosos

• Xogadores importantes: Roy Aitken, Bertie Auld, Tommy Burns, Dennis Connaghan, Pat Crerand, Kenny Dalglish, Patsy Gallacher, Tommy Gemmell, John Hartson, David Hay, Harry Hood, Jimmy Johnstone, Paul Lambert, Henrik Larsson, Neil Lennon, Bobby Lennox, Lou Macari, Willie Maley, Danny McGrain, Jimmy McGrory, Billy McNeill (Caesar), Paul McStay, Charlie Nicholas, Ronnie Simpson, Jock Stein, Chris Sutton, John Thomson (morto nun partido entre Celtic e Rangers), Charlie Tully, Stilian 'Stan' Petrov, Roy Keane, Aiden McGeady.

Palmarés

Torneos nacionais

• Liga escocesa: (53) 1893, 1894, 1896, 1898, 1905, 1906, 1907, 1908, 1909, 1910, 1914, 1915, 1916, 1917, 1919, 1922, 1926, 1936, 1938, 1954, 1966, 1967, 1968, 1969, 1970, 1971, 1972, 1973, 1974, 1977, 1979, 1981, 1982, 1986, 1988, 1998, 2001, 2002, 2004, 2006, 2007, 2008, 2012, 2013, 2014, 2015, 2016, 2017, 2018, 2019, 2020, 2022, 2023
• Copa de Escocia: (39) 1892, 1899, 1900, 1904, 1907, 1908, 1911, 1912, 1914, 1923, 1925, 1927, 1931, 1933, 1937, 1951, 1954, 1965, 1967, 1969, 1971, 1972, 1974, 1975, 1977, 1980, 1985, 1988, 1989, 1995, 2001, 2004, 2005, 2007, 2011, 2013, 2017, 2018, 2019
• Copa de Liga Escocesa: (14) 1957, 1958, 1966, 1967, 1968, 1969, 1970, 1975, 1983, 1998, 2000, 2001, 2006, 2009.

Torneos internacionais

• Copa de Europa: (1) 1967.
• Finalista da Copa de Europa: 1970
• Finalista da Copa da UEFA: 2003

Véxase tamén

Ligazóns externas

• Páxina oficial do Celtic FC (en inglés)
• Flower Of Glasgow