Clupeiformes

Clupeiformes
Clupeiformes

Arenque do Atántico (Clupea harengus)

Reino:	Animalia
Filo:	Chordata
Subfilo:	Vertebrata
Infrafilo:	Gnathostomata
Superclase:	Osteichthyes
Clase:	Actinopterygii
Subclase:	Neopterygii
Infraclase:	Teleostei
Superorde:	Clupeomorpha
Orde:	Clupeiformes Bleeker, 1959

Subordes e Familias

Véxase o texto

Os clupeiformes (Clupeiformes) son unha orde de peixes osteíctios da superorde dos clupeomorfos (Clupeomorpha), entre os que se inclúen especies de tanta importancia pesqueira e comercial como os arenques, as sardiñas ou os bocareus.^[1]^[2]

A orde comprende 397 especies agrupadas en 6 familias. Son peixes de pequeno tamaño e coloración prateada polos flancos e o ventre, peláxicos, que viaxan a miúdo en grandes cardumes.^[2]^[3]

Características

Caracterízanse por presentaren unha aleta caudal homocerca (é dicir, formada por dous lobos iguais e sen prolongación da columna vertebral), careceren de raios espiñosos nas aletas e presentaren —normalmente— grandes escamas cicloides. Teñen unha curta aleta dorsal, coas ventrais xusto por debaixo.^[3]

Carecen de aleta adiposa e de liña lateral; porén, poden percibir e identificar a dirección dos sons e as ondas de presión porque son peixes fisóstomos, é dicir, coa vexiga natatoria unida por un conduto á parte anterior do tubo dixestivo e conectada ao oído medio.^[3]

Clasificación

Divídense en dúas subordes:^[4]

Suborde Clupeoidei:^[5]
- Familia Chirocentridae
- Familia Clupeidae (arenques e sardiñas)
- Familia Engraulidae (bocareus)
- Familia Pristigasteridae
- Familia Sundasalangidae
Suborde Denticipitoidei:^[6]
- Familia Denticipitidae

En Galicia

Nas augas da nosa comunidade están citadas s seguintes especies da orde:^[7]

Familia Clupeidae
- Alosa alosa, a zamborca,^[8]^[9]^[10]^[11] sabela,^[8]^[9] tasca,^[9] nai da sardiña ^[10] ou sábalo.^[10]^[12]
- Alosa fallax, moi semellante á anterior, e chamada tamén zamborca ^[9] e sabela.^[11]^[12]
- Sardina pilchardus, a sardiña
- Sprattus sprattus, a trancha,^[9]^[13] trancho ^[9]^[10]^[14] ou espadín.^[9]^[10]
Familia Engraulidae
- Engraulis encrasicolus, o bocareu, bocarte ou bucareu.

Notas

↑ Nelson, Joseph S. (2006)
↑ ^2,0 ^2,1 Clupeiformes en ADW. (en inglés)
↑ ^3,0 ^3,1 ^3,2 Muus, Bent J. (1998), p. 87.
↑ Clupeiformes (Taxonomic Serial No.: 161694) en SIIT. (en inglés)
↑ Clupeoidei(Taxonomic Serial No.: 161699) en SIIT. (en inglés)
↑ Denticipitoidei (Taxonomic Serial No.: 161695) en SIIT. (en inglés)
↑ Solórzano et al. (1988), pp. 18-19.
↑ ^8,0 ^8,1 "Dicionario da RAG". Arquivado dende o orixinal o 22 de xullo de 2013. Consultado o 04 de agosto de 2013.
↑ ^9,0 ^9,1 ^9,2 ^9,3 ^9,4 ^9,5 ^9,6 Ríos Panisse (1977), pp. 210-218.
↑ ^10,0 ^10,1 ^10,2 ^10,3 ^10,4 Rodríquez Solórzano (1983), p. 62.
↑ ^11,0 ^11,1 Lahuerta e Vázquez (2000), p. 65-
↑ ^12,0 ^12,1 Rodríguez Villanueva et al. (1995), pp. 24-25.
↑ Rodríquez Solórzano (1983), p. 61.
↑ Lahuerta e Vázquez (2000), p. 164.

Véxase tamén

Bibliografía

Lahuerta Mouriño, F. e Vázquez Álvarez, F. X. (2000): Vocabulario multilingüe de organismos acuáticos. Santiago de Compostela: Xunta de Galicia. ISBN 84-453-2913-8.
Muus, Bent J.; Jørgen G. Nielsen; Preben Dahlstrøm e Bente O. Nyström (1998): Peces de mar del Atlántico y del Mediterráneo. Barcelona: Ediciones Omega. ISBN 84-282-1161-2.
Nelson, Joseph S. (2006): Fishes of the World. John Wiley & Sons, Inc. ISBN 0-471-25031-7.
Ríos Panisse, M. C. (1977): Nomenclatura de la flora y fauna marítimas de Galicia. I Invertebrados y peces. Santiago: Universidad de Santiago de Compostela. ISBN 84-7191-008-X.
Rodríguez Solórzano, Manuel; Sergio Devesa Regueiro e Lidia Soutullo Garrido (1983): Guía dos peixes de Galicia. Vigo: Editorial Galaxia. ISBN 84-7154-433-4.
Rodríguez Villanueva, X. L. e Xavier Vázquez (1995): Peixes do mar de Galicia. (III) Peixes óseos (continuación). Vigo: Edicións Xerais de Galicia. ISBN 84-7507-870-2.
Solórzano, Manuel R[odríguez]; José L. Rodríguez, José Iglesias, Francisco X, Pereira e Federico Álvarez (1988): Inventario dos peixes do litoral galego (Pisces: Cyclostomata, Chondrichthyes, Osteichthyes). O Castro-Sada, A Coruña: Cadernos da Área de Ciencias Biolóxicas (Inventarios). Seminario de Estudos Galegos, vol. IV. ISBN 84-7492-370-0.
Xunta de Galicia (1999): Guía do consumidor de peixe fresco. Consellería de Pesca, Marisqueo e Acuicultura.

Outros artigos

Ligazóns externas

Clupeiformes en NCBI. (en inglés)
Clupeiformes en FishBase. Taxonomía e algunhas informacións sobre as características da orde. (en inglés)

[Nelson-1] Nelson, Joseph S. (2006)

[ADW-2] 2,0 ^2,1 Clupeiformes en ADW. (en inglés)

[M-3] 3,0 ^3,1 ^3,2 Muus, Bent J. (1998), p. 87.

[4] Clupeiformes (Taxonomic Serial No.: 161694) en SIIT. (en inglés)

[5] Clupeoidei(Taxonomic Serial No.: 161699) en SIIT. (en inglés)

[6] Denticipitoidei (Taxonomic Serial No.: 161695) en SIIT. (en inglés)

[7] Solórzano et al. (1988), pp. 18-19.

[A-8] 8,0 ^8,1 "Dicionario da RAG". Arquivado dende o orixinal o 22 de xullo de 2013. Consultado o 04 de agosto de 2013.

[RP-9] 9,0 ^9,1 ^9,2 ^9,3 ^9,4 ^9,5 ^9,6 Ríos Panisse (1977), pp. 210-218.

[RS-10] 10,0 ^10,1 ^10,2 ^10,3 ^10,4 Rodríquez Solórzano (1983), p. 62.

[LV-11] 11,0 ^11,1 Lahuerta e Vázquez (2000), p. 65-

[RV-12] 12,0 ^12,1 Rodríguez Villanueva et al. (1995), pp. 24-25.

[RS61-13] Rodríquez Solórzano (1983), p. 61.

[LV2-14] Lahuerta e Vázquez (2000), p. 164.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]