Comisión Central para a Navegación do Rin
A Comisión Central para a Navegación do Rin (CCNR), (en francés: Commission Centrale pour la Navigation du Rhin; en alemán: Zentralkommission für die Rheinschifffahrt), con sede en Estrasburgo, é un organismo internacional que ten por misión favorecer a prosperidade da navegación fluvial ao longo do río Rin, garantindo a súa seguridade e o respecto pola súa contorna. É a organización de cooperación internacional máis antiga do mundo, creada en 1815 polo Congreso de Viena e está regulada pola Convención para a Navegación do Rin de 1868.
| Comisión Central para a Navegación do Rin | |
|---|---|
 | |
 | |
 | |
| Acrónimo | CCNR, ZKR, CCNR e CCR |
| Tipo | organización internacional e river commission |
| Data de fundación | 1815 |
| Sede | Estrasburgo |
| País | Francia |
| Na rede | |
| http://www.ccr-zkr.org/ | |
    | |
| [ editar datos en Wikidata ] | |
Historia
editarEstabelecida en 1815 polo Congreso de Viena, a CCNR inclúe os países ribeiregos do Rin: Alemaña, Bélxica, Francia, Países Baixos e Suíza. A primeira reunión tivo lugar en Maguncia o 15 de agosto de 1816. En 1831 é adoptada a "Convención de Maguncia" que constituíu un conxunto de disposicións regulamentarias para a navegación do Rin.
En 1861 a sede da comisión trasládase a Mannheim. En 1868 asínase a acta que leva o nome desta cidade e que contén os principios vixentes até hoxe. En 1920, ao final da primeira guerra mundial, o Tratado de Versalles dispón o cambio de sede a Estrasburgo.
En 2003 a Comisión Europea, no marco do proxecto de ampliación da Unión Europea. solicitou un mandato do Consello da Unión Europea para negociar a adhesión da Unión Europea á CCNR e á Comisión do Danubio.