Coney Island

Coney Island é unha península, antigamente unha illa, situada ao sur de Brooklyn, na cidade estadounidense de Nova York, cunha gran praia sobre o océano Atlántico. O barrio do mesmo nome é unha comunidade de preto de 60 000 habitantes ao oeste da península, coa ponte de Seagate ao oeste, Brighton Beach e Manhattan Beach ao leste, e Gravesend ao norte.

Coney Island

Epónimo	Coello, Konoh (en) e John Colman (en)
Localización
40°34′30″N 73°58′57″O
Estado	Estados Unidos de América
Estado federado	Nova York
Cidade	Nova York
Borough	Brooklyn
Poboación
Poboación	24.711 (2010) (13.807,48 hab./km²)
Xeografía
Superficie	1,7896818 km²
Comparte fronteira con	Sea Gate (pt) Brighton Beach (pt) Gravesend (en)
Identificador descritivo
Código postal	11224

Vista aérea da península de Coney Island.

A península foi unha gran estación turística con parques de atraccións que tiveron o seu auxe a comezos do século XX. A súa popularidade decaeu despois da segunda guerra mundial, sendo durante anos unha zona esquecida da cidade. Recentemente a zona revitalizouse, en parte grazas á inauguración do KeySpan Park, sede do equipo de béisbol Brooklyn Cyclones.

A película de 2017 Wonder Wheel, de Woody Allen está ambientada no parque de atraccións de Coney Island durante os anos 1950 e toma o nome da súa famosa nora.

Xeografía

Coney Island é a máis occidental das illas de barra de Long Island, e ten aproximadamente 6 quilómetros de longo e 800 metros de largo. Antigamente estaba separada do territorio de Brooklyn por unha canle do mesmo nome, parte da cal era pouco menos que bancos de area. Durante o século XX houbo varios proxectos para dragar e alargar o regato co fin de convertelo nunha canle navegable, mais non se concretaron, e o seu centro reencheuse para a construción do sistema de circunvalación de Nova York.

Véxase tamén

Ligazóns externas

• Evolución de Coney Island (en inglés)