Copa Korać

Copa Korać
Tipo	competición deportiva
Deporte	baloncesto
Epónimo	Radivoj Korać
Número de participantes	67
Localización e Datas
Vixencia	1971 –
Intervalo de tempo	– 2002
Período de ocorrencia	1 ano
Outro
Páxina web oficial	fibaeurope.com…

A Copa Korać é o nome que recibiu unha das competicións europeas de clubs de baloncesto organizadas pola Federación Internacional de Baloncesto (FIBA). O torneo concibiuse en 1971 e disputou os seus primeiros partidos o 4 de xaneiro de 1972. Foi bautizada como Korać en homenaxe ao baloncestista iugoslavo Radivoj Korać, un grande xogador do OKK Belgrado que finara en 1969 nun accidente de tráfico aos 30 anos. O trofeo foi ofrecido polo OKK e tódolos beneficios xerados pola competición foron destinados á fundación que se creou no seu nome.

Na súa primeira edición, celebrada na tempada 1971-72, foron convidados a participar só oito equipos: dous da liga española (Bàsquet Manresa e Picadero Jockey Club), dous franceses (Olympique d'Antibes Basket e Caen BC), dous iugoslavos (Lokomotiva Zagreb e OKK Belgrado), un belga (Standard BC) e un alemán (USC München). A final, disputada a dobre partido (ida e volta), foi gañada polo Lokomativa (actualmente Cibona) ante o OKK Belgrado.

Nas seguintes edicións ampliouse o número de participantes e o formato de competición foi variando ao longo dos anos, de xeito que puideran participar nunha competición europea os clubs mellor clasificados de cada país que non puidesen competir na Copa de Europa nin na Recopa.

A competición deixou de celebrarse ao remate da tempada 2001-02 a causa da crise do baloncesto europeo propiciada pola escisión entre a FIBA e a Unión de Ligas Europeas de Baloncesto (ULEB). Ese ano optouse por suprimir a competición ao tomar partido pola ULEB os principais clubs do continente.

Porén, a ULEB creou un ano despois unha nova competición, a Copa ULEB, que recolleu a testemuña da Copa Korać.

Historial

Final a dobre partido (1972-1976)

Tempada	Sede	Campión	Subcampión	Resultados
1971-72	Belgrado & Zagreb	KK Lokomotiva	OKK Belgrado	71-83 e 94-73
1972-73	Cantú & Malinas	Pallacanestro Cantù	Racing Mechelen Basket	106-75 e 85-94
1973-74	Cantú & Belgrado	Pallacanestro Cantù	KK Partizan	99-86 e 75-68
1974-75	Barcelona & Cantú	Pallacanestro Cantù	FC Barcelona	71-69 e 110-85
1975-76	Split & Turín	Jugoplastika Split	Auxilium Pallacanestro Torino	97-84 e 82-82

Final a Partido Único (1977-1985)

Tempada	Sede	Campión	Subcampión	Resultado
1976-77	Xenebra	Jugoplastika Split	Fortitudo Bologna	87-84
1977-78	Banja Luka	KK Partizan	KK Bosna	117-110
1978-79	Belgrado	KK Partizan	AMG Sebastiani Rieti	108-98
1979-80	Liexa	AMG Sebastiani Rieti	KK Cibona	76-71
1980-81	Barcelona	Joventut de Badalona	Pallacanestro Venezia	105-104
1981-82	Padua	CSP Limoges	KK Šibenik	90-84
1982-83	Berlín	CSP Limoges	KK Šibenik	94-86
1983-84	París	ÉB Pau-Orthez	KK Estrela Vermella	97-73
1984-85	Bruxelas	Olimpia Milano	Pallacanestro Varese	91-78

Final a Dobre Partido (1986-2002)

Tempada	Sede	Campión	Subcampión	Resultados
1985-86	Caserta & Roma	Pallacanestro Virtus Roma	Juvecaserta Basket	84-78 e 73-72
1986-87	Barcelona & Limoges	FC Barcelona	CSP Limoges	106-85 e 97-86
1987-88	Madrid & Zagreb	Real Madrid CF	Cibona Zagreb	102-89 e 93-94
1988-89	Cantú & Belgrado	KK Partizan	Pallacanestro Cantù	76-89 e 101-82
1989-90	Pésaro & Badalona	Joventut de Badalona	Victoria Libertas Pesaro	99-98 e 96-86
1990-91	Madrid & Cantú	Pallacanestro Cantù	Real Madrid CF	73-71 e 95-93
1991-92	Roma & Pésaro	Pallacanestro Virtus Roma	Victoria Libertas Pesaro	94-94 e 99-86
1992-93	Roma & Milán	Olimpia Milano	Pallacanestro Virtus Roma	95-90 e 106-91
1993-94	Tesalónica & Trieste	PAOK	Pallacanestro Trieste	75-66 e 100-91
1994-95	Milán & Berlín	ALBA Berlin	Olimpia Milano	87-87 e 85-79
1995-96	Istambul & Milán	Efes Pilsen SK	Olimpia Milano	76-68 e 70-77
1996-97	Bursa & Tesalónica	Aris Tesalónica BC	Tofaş S.K.	66-77 e 70-88
1997-98	Verona & Belgrado	Scaligera Basket Verona	KK Estrela Vermella	68-74 e 64-73
1998-99	Madrid & Barcelona	FC Barcelona	CB Estudiantes	77-93 e 97-70
1999-00	Limoges & Málaga	CSP Limoges	Unicaja Málaga	80-58 e 51-60
2000-01	Málaga & Vrsac	Unicaja Málaga	KK Hemofarm	77-47 e 71-69
2001-02	Nancy & Rostov	SLUC Nancy	Lokomotiv Kuban	98-72 e 74-95

Palmarés

Clubs

Equipo	Títulos	Anos campión
Pallacanestro Cantù	4	1972-73, 1973-74, 1974-75 e 1990-91.
KK Partizan	3	1977-78, 1978-79 e 1988-89.
CSP Limoges	3	1981-82, 1982-83 e 1999-00.
KK Split	2	1975-76 e 1976-77.
Joventut de Badalona	2	1980-81 e 1989-90.
Pallacanestro Virtus Roma	2	1985-86 e 1991-92.
Olimpia Milano	2	1984-85 e 1992-93.
FC Barcelona	2	1986-87 e 1998-99.
KK Cibona	1	1971-72.
AMG Sebastiani Rieti	1	1979-80.
ÉB Pau-Orthez	1	1983-84.
Real Madrid	1	1987-88.
PAOK	1	1993-94.
ALBA Berlin	1	1994-95.
Efes Pilsen S.K.	1	1995-96.
Aris Tesalónica BC	1	1996-97.
Scaligera Basket Verona	1	1997-98.
Unicaja Málaga	1	2000-01.
SLUC Nancy	1	2001-02.

Ligas

Títulos	País	Equipos
10	Italia	Pallacanestro Cantù (4), AMG Sebastiani Rieti, Olimpia Milano (2), Pallacanestro Virtus Roma (2), Scaligera Basket Verona
6	España	Joventut Badalona (2), FC Barcelona (2), Real Madrid, Unicaja Málaga
5	Francia	CSP Limoges (3), ÉB Pau-Orthez, SLUC Nancy
3	Croacia	KK Cibona, KK Split (2)
3	Serbia	KK Partizan
2	Grecia	PAOK, Aris Tesalónica
1	Turquía	Efes Pilsen S.K.
1	Alemaña	ALBA Berlin

Adestradores

Adestrador	Títulos	Anos
Arnaldo Taurisano	3	1972-73, 1973-74 e 1974-75.
Petar Skansi	2	1975-76 e 1976-77.
Pierre André Buffière	2	1981-82 e 1982-83.
Aíto García Reneses	2	1986-87 e 1998-99.