Costanza, duquesa de Lancaster

Costanza de Lancaster ou Costanza de Castela, nada en 1354 en Castrojeriz e finada o 24 de marzo de 1394 no castelo de Lancaster, foi unha nobre castelá, duquesa de Lancaster desde 1371 até á súa morte.

Costanza, duquesa de Lancaster

Biografía
Nacemento	1354 Castrojeriz, España
Morte	24 de marzo de 1394 (39/40 anos) Castelo de Leicester, Reino Unido
Lugar de sepultura	Church of the Annunciation of Our Lady of the Newarke (en)
Pretendente á Coroa de Castela
Datos persoais
Relixión	Catolicismo
Actividade
Ocupación	política
Outro
Título	Infanta of Castile (en) Duquesa Princesa
Familia	Anscáridas (pt)
Cónxuxe	Xoán de Gante (1371 (Gregoriano)–)
Fillos	Catarina de Lancaster, John Plantagenet
Pais	Pedro I de Castela   e Maria de Padilla
Irmáns	Isabel de Castela, Duquesa de Iorque Sancho de Castilla Xoán de Castela Diego de Castilla

Traxectoria

Costanza era filla lexítima de Maria de Padilla e de Pedro I de Castela. Descendía, por vía paterna, dos reis de Portugal, pois a súa avoa paterna, a infanta María de Portugal, era filla de Beatriz de Castela e de Afonso IV de Portugal, e o seu avó paterno, Afonso IX de Castela, era fillo da infanta Constanza de Portugal e de Fernando IV de Castela.

Tras a morte do seu irmán, o príncipe herdeiro Afonso, en 1362, tendo el só 3 anos, Costanza foi nomeada herdeira de seu pai, pois era a súa filla máis vella (máis aló dela, só había as súas irmás, Beatriz, e Sabela).

Coa morte do pai, asasinado polo medio-irmán Henrique, en 1369, o trono dos reinos da Coroa de Castela fica sen herdeiro.

Os pretendentes ao trono eran Costanza, con só 15 anos e o seu tío ilexítimo Henrique de Trastámara, medio-irmán de seu pai e bastardo de Afonso XI de Castela e de Leonor de Guzmán.

En 1371, Costanza casa con Xoán de Gante, duque de Lancaster ou Lencastre (nome dado en Galiza e Portugal), fillo de Eduardo III de Inglaterra e de Filipa de Hainaut, posteriormente, ela e o seu marido serían aférrimos pretendentes ao trono da Coroa de Castela, chegando temporalmente dominar o reino de Galiza que lle solicitara axuda contra o castelán Henrique de Trastámara.

Esta cuestión ficou resolta coa subida ao trono de Henrique, en 1372.

Do casamento de Costanza e de Xoán de Gante, naceron:

• Catarina de Lancaster ou Plantagenet (1372?1418), consorte de Henrique III de Castela.
• Xoán Plantagenet (1372-1375).

Costanza faleceu en 1394, con tan só 40 anos, precozmente, debido á peste.