David Fernández Ortiz

David Fernández Ortiz, nado en Igualada, Barcelona, o 24 de xuño de 1970, é un humorista catalán, aínda que tamén exerce de cantante, actor e mesmo actor de dobraxe.

David Fernández Ortiz

Biografía
Nacemento	24 de xuño de 1970 (54 anos) Igualada, España
Actividade
Ocupación	actor, cantante, humorista, humorista
Instrumento	Guitarra
Participou en
2008	Festival de Eurovisión 2008

Traxectoria

Comezos

Estudou xoiería industrial. En 1998 entrou a formar parte da compañía La Cubana; o seu primeiro espectáculo foi "Me lo dijo Pérez", e participou en varias obras de teatro, como Equipatge al 2000 e Una nit d’òpera.

Televisión e teatro

En 2002, empezou a colaborar coa produtora El Terrat e foi protagonista da obra de teatro producida por El Terrat: Comando a Distancia.

A súa primeira aparición en televisión foi co programa Una Altra Cosa, na TV3, dirixido por Andreu Buenafuente, en 2004. Nesta época fíxose famoso dando vida a personaxes como el Gilipollas ou Narcís Reyerta.

Despois foi fichado polo programa Buenafuente (primeiro en Antena 3 e despois en laSexta), presentado polo mesmo Andreu Buenafuente. Foi alí onde se deu a coñecer como humorista en toda España encarnando a personaxes propios como el Gilipollas, Zuloaga, Nataly Pussy, Marcia ou Santi Clima e outras imitaciones a personaxes famosos como Michael Jackson.

Buenafuente

Na etapa de Buenafuente en LaSexta, David Fernández interpretou a varios personaxes relacionados con noticias reais de actualidade, de forma aleatoria. O 21 de xaneiro de 2008, encarnou o papel dun arxentino anónimo que inventara a guitarra con vibrador incorporado. Días despois, reapareceu no espazo, bautizado co nome de Rodolfo Chiquilicuatre, que, a modo de agradecemento, presentou a Buenafuente unha canción denominada Baila el Chiki Chiki, peza presuntamente composta por Santiago Segura (letra) e Pedro Guerra (música), tal e como o reflicten moitos medios de comunicación; porén todo foi unha parodia á que se prestaron para o programa. Buenafuente decidiu presentar a canción ó concurso que TVE e Myspace organizaran para a selección da canción representante de España no Festival de Eurovisión do mesmo ano.

Predecesor: "I love you mi vida" D'Nash

España no Festival de Eurovisión 2008

Sucesor: "La noche es para mí" Soraya Arnelas