Edificio Central da Xunta de Galicia en Pontevedra
O Edificio Central da Xunta de Galicia en Pontevedra (ou Edificio Administrativo da Xunta de Galicia en Pontevedra) é un complexo administrativo deseñado para albergar as distintas delegacións provinciais do Goberno galego en Pontevedra. O edificio alberga moitos dos departamentos da administración galega na cidade e foi deseñado polos arquitectos Manuel Gallego Jorreto e Jacobo Rodríguez-Losada Allende.[1]
| Complexo administrativo da Xunta de Galicia en Pontevedra | |
|---|---|
 Fachada principal na avenida María Victoria Moreno | |
| Edificio | |
| Estilo | Arquitectura moderna |
| Sistema estrutural | Vigas periféricas |
| Enderezo | Avenida María Victoria Moreno, 43 |
| Localización | Pontevedra |
| Coordenadas | 42°25′29″N 8°38′42″O / 42.424861111111, -8.6450277777778 |
| Propietario | Xunta de Galicia |
| Uso(s) | Complexo administrativo das delegacións provinciais da Xunta de Galicia |
| Construción | |
| Inicio | 2005 |
| Construción | 2008 |
| Remate | 2008 |
| Dimensións | |
| Superficie | 42 404 m2 |
| Plantas | 13 (planta baixa + 9 andares + semisoto + 2 sotos) |
| Equipo | |
| Arquitecto(s) | Manuel Gallego Jorreto Jacobo Rodríguez-Losada Allende |
| Contratista | Grupo San José |
| [ editar datos en Wikidata ] | |
Localización
editarO Complexo Administrativo de Pontevedra está situado na Avenida María Victoria Moreno 43, no barrio de Campolongo.
Historia
editarO edificio, concibido para aglutinar os servizos administrativos provinciais da Xunta de Galicia en Pontevedra, ata entón dispersos pola cidade, estaba previsto xa nos anos 90, pero non foi ata principios da década de 2000 cando finalmente materializouse o proxecto.[2][3]
O 12 de xuño de 2002, o Concello de Pontevedra e o Ministerio de Defensa asinaron un convenio para transformar o soar do antigo cuartel de Campolongo (que databa de 1924 para as expropiacións e de 1933 para as obras) nun complexo administrativo e residencial.[4][5][6] Con anterioridade, o predio pertencera ao marquesado de Leis. En 1917 creouse un campo de fútbol para o Pontevedra Sporting Club, pero en 1918 o club mudouse ao campo de Pasarón ao estar prevista a construción do cuartel, se ben ata xaneiro de 1921 o terreo non se vendeu ao Concello[7].
O proceso de selección do proxecto arquitectónico comezou en agosto de 2003.[8] O deseño do complexo administrativo de Campolongo foi elixido entre seis proxectos o 27 de decembro de 2004.[9] A Xunta de Galicia elixiu o proxecto dos arquitectos Manuel Gallego Jorreto e Jacobo Rodríguez-Losada Allende e da construtora San José para construír a súa nova sede en Pontevedra.[10]
As obras do complexo administrativo comezaron en abril de 2005 e a demolición do antigo cuartel de artillaría finalizou en xullo de 2005.[11][12]
As obras finalizaron en 2008 e a Xunta de Galicia anunciou o traslado dos seus servizos administrativos provinciais. A Delegación Provincial de Presidencia foi a primeira en instalarse o 15 de decembro de 2008 e o complexo administrativo inaugurouse o 16 de decembro de 2008.[13][14]
Descrición
editarEste complexo é representativo da arquitectura moderna[15] da década de 2000. O complexo administrativo de Pontevedra ocupa 12.501 metros cadrados no lugar do antigo cuartel de Campolongo e alberga a 1.000 funcionarios.[16][17]
O complexo administrativo consta de varios edificios interconectados. O edificio principal ten a súa base en tres plantas que ocupan toda a lonxitude do espazo do edificio, en cuxo centro se atopan dúas torres xemelgas de dez plantas.[18] Toda a fachada está formada por grandes xanelas lonxitudinais que proporcionan moita luz. O edificio conta con varios xardíns interiores e unha praza pavimentada na parte dianteira.[19] Os patios interiores e os lucernarios proporcionan acceso á luz natural. O edificio ten un total de dous sotos, un semisoto e dez plantas.[20]
O edificio alberga 42.404 metros cadrados de oficinas e espazo para laboratorios, arquivos, almacéns, unha sala de conferencias, unha biblioteca, salas de formación, talleres e unha cafetería.[21][22]
O interior do edificio está deseñado como un contedor de grandes espazos de traballo abertos que poden subdividirse. O interior non ten piares intermedios senón vigas periféricas.[23] O complexo administrativo alberga todos os departamentos provinciais excepto a Consellería de Obras Públicas, Vivenda e Solo (situada na rúa Alcalde Hevia nun edificio de 1993) e algúns servizos da Consellería de Sanidade (situados na avenida de Vigo nun edificio de 1920).[24][25] O edificio tamén alberga a sede da Policía Autonómica de Galicia, unha gardería e unha oficina de correos, esta última desde abril de 2014.[26][27] A Xunta de Galicia tamén ten outro edificio en Pontevedra na rúa Benito Corbal, 47.
O edificio está separado da avenida María Victoria Moreno por unha gran zona verde, o Parque María Vinyals, de 9125 metros cadrados.[28] O parque absorbe parte da sombra proxectada polo edificio, á vez que reduce o seu impacto visual.
O complexo administrativo tamén conta cun aparcadoiro subterráneo con capacidade para 716 vehículos no complexo residencial veciño.[29] Inaugurouse o 15 de marzo de 2009.[30]
Galería
editar-
-
-
-
-
-
-
-
-
Fachada sur -
Delegación de Obras Públicas e Vivenda na rúa Alcalde Hevia -
Delegación de Sanidade na avenida de Vigo -
Edificio da Xunta de Galicia na rúa Benito Corbal
Notas
editar- ↑ "La Xunta centralizará sus servicios en Campolongo en otoño de 2007". Faro (en castelán). 14 de xaneiro de 2006.
- ↑ "La nueva sede de la Xunta concentrará en Campolongo a más de mil funcionarios". La Voz de Galicia (en castelán). 26 de decembro de 2001.
- ↑ "ANUNCIO da aprobación inicial da modificación puntual do Plan Xeral de Ordenación Urbana no ámbito da súa unidade de actuación número 16-Cuartel de Campolongo, para regulación urbanística do seu ámbito, que permita a execución do protocolo que se vai subscribir entre o Ministerio de Defensa, a Xunta de Galicia e o Concello de Pontevedra.". Diario Oficial de Galicia. 19 de novembro de 2001.
- ↑ "La Xunta da el visto bueno al convenio de urbanización del cuartel de Campolongo". La Voz de Galicia (en castelán). 13 de xuño de 2002.
- ↑ "1924: Expropian los terrenos para el cuartel de Campolongo". La Voz de Galicia (en castelán). 11 de marzo de 2020.
- ↑ "O tesouro de Benito Soto agóchase en Cerdedo (II)". Faro. 10 de agosto de 2014.
- ↑ Bará, Milagros (26 de maio de 2019). "La Tablada y el marquesado de Leis". Diario de Pontevedra.
- ↑ "La Xunta prevé tener redactado en abril el proyecto de su nueva sede". La Voz de Galicia (en castelán). 8 novembro de 2003.
- ↑ "El diseño del edificio administrativo de Campolongo entra en su fase final". La Voz de Galicia (en castelán). 29 de marzo de 2004.
- ↑ "La Xunta elige el diseño de Manuel Gallego Jorreto para su nueva sede". La Voz de Galicia (en castelán). 28 de decembro de 2004.
- ↑ "El concello ultima la recalificación de las sedes de la Xunta para edificar 130 pisos". Faro (en castelán). 16 de xullo de 2007.
- ↑ "Comienza el derribo de los edificios del viejo cuartel de Campolongo". La Voz de Galicia (en castelán). 15 de xullo de 2005.
- ↑ "La Xunta reúne en el nuevo edificio oficinas dispersas por 14 calles". La Voz de Galicia (en castelán). 16 de decembro de 2008.
- ↑ "La Xunta de Galicia se centraliza en Campolongo". Diario de Pontevedra (en castelán). 16 de decembro de 2008.
- ↑ "La nueva sede de la Xunta concentrará en Campolongo a más de mil funcionarios". La Voz de Galicia (en castelán). 26 de decembro de 2001.
- ↑ "La Xunta prevé tener redactado en abril el proyecto de su nueva sede". La Voz de Galicia (en castelán). 8 de novembro de 2003.
- ↑ "El concello ultima la recalificación de las sedes de la Xunta para edificar 130 pisos". Faro (en castelán). 16 de xullo de 2007.
- ↑ "El concello ultima la recalificación de las sedes de la Xunta para edificar 130 pisos". Faro (en castelán). 16 de xullo de 2007.
- ↑ "La Xunta elige el diseño de Manuel Gallego Jorreto para su nueva sede". La Voz de Galicia (en castelán). 28 de decembro de 2004.
- ↑ "La Xunta centralizará sus servicios en Campolongo en otoño de 2007". Faro (en castelán). 14 de xaneiro de 2006.
- ↑ "El concello ultima la recalificación de las sedes de la Xunta para edificar 130 pisos". Faro (en castelán). 16 de xullo de 2007.
- ↑ "La Xunta centralizará sus servicios en Campolongo en otoño de 2007". Faro (en castelán). 14 de xaneiro de 2006.
- ↑ "La Xunta centralizará sus servicios en Campolongo en otoño de 2007". Faro (en castelán). 14 de xaneiro de 2006.
- ↑ "El concello ultima la recalificación de las sedes de la Xunta para edificar 130 pisos". Faro (en castelán). 16 de xullo de 2007.
- ↑ "Un edificio noble que alberga servicios sanitarios y sociales". La Voz de Galicia (en castelán). 16 de abril de 2016.
- ↑ "El diseño del edificio administrativo de Campolongo entra en su fase final". La Voz de Galicia (en castelán). 29 de marzo de 2004.
- ↑ "Ya está abierta al público la nueva oficina de Correos en Pontevedra". Pontevedra Viva (en castelán). 1 de abril de 2014.
- ↑ "La Xunta prevé tener redactado en abril el proyecto de su nueva sede". La Voz de Galicia (en castelán). 8 de novembro de 2003.
- ↑ "La transformación urbanística de Campolongo será visible en un año". La Voz de Galicia (en castelán). 13 de maio de 2006.
- ↑ "Campolongo estrena un moderno parking subterráneo con 716 plazas". Diario de Pontevedra (en castelán). 16 de marzo de 2009.
Véxase tamén
editarWikimedia Commons ten máis contidos multimedia na categoría: Edificio Central da Xunta de Galicia en Pontevedra  |
Bibliografía
editar- González Caporale, Alejandro (2008). Edificio Administrativo de la Xunta de Galicia en Campolongo-Pontevedra (en castelán). Barcelona: Grupo San José.
- González Vicente, Manuel (2010). Revista arquitectura COAM Nº360 Segundo Trimestre 2010 (en castelán). Madrid: Madrid-Zurich. pp. 28–33. ISSN 0004-2706.