Elemento (matemáticas)

En matemáticas, un elemento (ou membro) dun conxunto é calquera dos obxectos distintos que pertencen a ese conxunto.

Conxuntos

Escribindo $A=\{1,2,3,4\}$ significa que os elementos do conxunto A son os números 1, 2, 3 e 4. Os conxuntos de elementos de A, por exemplo $\{1,2\}$, son subconxuntos de A.

Os conxuntos tamén poden ser por si mesmos elementos. Por exemplo, considere o conxunto $B=\{1,2,\{3,4\}\}$, os elementos de B son tres: os números 1 e 2, e o conxunto $\{3,4\}$.

Os elementos dun conxunto poden ser calquera cousa. Por exemplo, $C=\{\mathrm {\color {Red}vermella} ,\mathrm {\color {green}verde} ,\mathrm {\color {blue}azul} \}$ é o conxunto cuxos elementos son as cores vermella, verde e azul.

Notación e terminoloxía

A relación "é un elemento de", tamén chamada pertenza ao conxunto, denotase co símbolo "∈".

Por tanto,

$x\in A$

significa que "x é un elemento de A ". Temos varias expresións verbais equivalentes como "x é membro da que A ","x pertence A ","x está en A ","A inclúe x" e " A contén x".

A negación da pertenza do conxunto denotase co símbolo "∉". Podemos escribir

$x\notin A$

que significa que "x non é un elemento de A".

Exemplos

Usando os conxuntos definidos anteriormente, é dicir, A = {1, 2, 3, 4}, B = {1, 2, {3, 4}} e $C=\{\mathrm {\color {Red}vermella} ,\mathrm {\color {green}verde} ,\mathrm {\color {blue}azul} \}$, as seguintes afirmacións son verdadeiras:

• 2 ∈ A
• 5 ∉ A

• {3, 4} ∈ B
• 3 ∉ B
• 4 ∉ B
• violeta ∉ C

Cardinalidade dos conxuntos

O número de elementos dun conxunto en particular é unha propiedade coñecida como cardinalidade; informalmente, este é o tamaño dun conxunto. Nos exemplos anteriores, a cardinalidade do conxunto A é 4, mentres que a cardinalidade do conxunto B e do conxunto C son ambos os dous 3.

Véxase tamén

Bibliografía

• Halmos, Paul R. (1974) [1960]. Naive Set Theory. Undergraduate Texts in Mathematics (Hardcover ed.). NY: Springer-Verlag. ISBN 0-387-90092-6. .
• Jech, Thomas (2002). "Set Theory". Stanford Encyclopedia of Philosophy. Metaphysics Research Lab, Stanford University. 
• Suppes, Patrick (1972) [1960]. Axiomatic Set Theory. NY: Dover Publications, Inc. ISBN 0-486-61630-4. .

Outros artigos

• Conxunto.
• Elemento identidade.