Encontros na terceira fase

Encontros na terceira fase (en inglés: Close Encounters of the Third Kind) é un filme estadounidense de 1977 escrito e dirixido por Steven Spielberg, e protagonizado por Richard Dreyfuss, Melinda Dillon, Teri Garr, Bob Balaban, Cary Guffey e François Truffaut. Conta a historia de Roy Neary, un traballador de Indiana, cuxa vida cambia após un encontro cun obxecto voador non identificado (ovni).

Encontros na terceira fase
Logo do filme.
Ficha técnica
Título orixinal	Close Encounters of the Third Kind
Director	Steven Spielberg
Produtor	Julia Phillips Michael Phillips
Guión	Steven Spielberg
Intérpretes	Richard Dreyfuss Teri Garr Melinda Dillon François Truffaut
Música	John Williams
Fotografía	Vilmos Zsigmond
Montaxe	Michael Kahn
Estudio	EMI Films
Distribuidora	Columbia Pictures
Estrea	16 de novembro de 1977
Duración	135 minutos (versión nos cinemas) 132 minutos (edición especial) 137 minutos (versión do director)
Orixe	Estados Unidos
Xénero	Ciencia ficción
Orzamento	19,4 millóns de dólares
Recadación	306,1 millóns de dólares
Na rede
http://www.sonypictures.com/homevideo/closeencountersofthethirdkind/

Sinopse

A Devils Tower serviu como escenario para a película.

Frase musical utilizada na película para comunicarse con alieníxenas.

No deserto de Sonora, o científico francés, investigador do fenómeno OVNI e invitado principal da Conferencia de Montsoreau, Claude Lacombe (François Truffaut) e o seu tradutor estadounidense David Laughlin (Bob Balaban), entre outros científicos de investigación do goberno, descobren os avións que compuñan o Voo 19, un escuadrón aéreo perdido pouco despois da segunda guerra mundial. Os avións están intactos e operativos, pero non hai rastro dos pilotos.

Un buque de carga, o Cotopaxi, desaparecido no Triángulo das Bermudas, aparece no medio do deserto de Gobi. Un avión está sendo perseguido por un obxecto brillante que o piloto non sabe describir.

Mentres tanto, Roy Neary (Richard Dreyfuss), un empregado da compañía eléctrica, está a investigar un apagón cando o seu camión para e é inundado de luz brillante do ceo. Experimenta un encontro próximo cun OVNI, Roy é inmediatamente atrapado no medio dunha persecución policial tras catro Ovnis.

Despois desta experiencia, Roy queda fascinado polos Ovnis, para consternación da súa esposa, Ronnie (Teri Garr). Roy obsesiónase cada vez máis con cinco estrañas notas musicais e imaxes mentais en forma de montaña e comeza a modelalas. Jillian (Melinda Dillon) tamén se obsesiona con crear bosquexos desa montaña única. Pouco despois, aterroriza na casa un encontro de Ovnis, no que Barry, o seu fillo pequeno, é secuestrado por seres indistinguibles a pesar dos esforzos que fixo para protexer a súa casa.

Mentres tanto, o aumento do comportamento errático de Roy fai que Ronnie o deixe, levando consigo os seus tres fillos.

Desesperado, Roy ve un telexornal sobre un descarrilamento de tren preto da Devil's Tower National Monument en Wyoming, Estados Unidos. Alí decátase de que a imaxe mental que o molestaba é real. Jillian ve a mesma transmisión, polo que ela e Roy, así como moitos outros coa mesma experiencia, diríxense ao sitio.

Elenco e personaxes

• Richard Dreyfuss como Roy Neary
• François Truffaut como Claude Lacombe
• Teri Garr como Ronnie Neary
• Melinda Dillon como Jillian Guiler
• Bob Balaban como David Laughlin
• J. Patrick McNamara como líder do proxecto
• Warren Kemmerling como Maior “Wild Bill” Walsh
• Roberts Blossom como Farmer
• Philip Dodds como Jean Claude
• Cary Guffey como Barry Guiler
• Lance Henriksen como Robert
• Merrill Connally como líder de equipo
• George DiCenzo como Maior Benchley
• Gene Dynarski como Ike
• Josef Sommer como Larry Butler
• Carl Weathers como policía militar

Véxase tamén

Bibliografía

• McBride, Joseph (1997). Steven Spielberg: A Biography. Nova York: Faber and Faber. ISBN 0-571-19177-0.