Espectrómetro
O espectrómetro, espectrofotómetro, espectrógrafo ou espectroscopio, é un aparello capaz de analizar o espectro de frecuencias característico dun movemento ondulatorio. Aplícase a diferentes instrumentos que operan sobre un amplo campo de lonxitudes de onda.
Espectroscopio
editar
Un espectrómetro óptico, ou espectroscopio, é un instrumento que serve para medir as propiedades da luz nunha determinada porción do espectro electromagnético. A variable que se mide xeralmente é a intensidade luminosa, pero pódese medir tamén, por exemplo, o estado de polarización electromagnética. A variable independente adoita ser a lonxitude de onda da luz, xeralmente expresada en submúltiplos do metro, aínda que algunhas veces poida ser expresada en calquera unidade directamente proporcional á enerxía do fotón, como a frecuencia ou o electronvolt que manteñen unha relación inversa coa lonxitude de onda. Utilízanse espectrómetros en espectroscopia para producir liñas espectrales e medir as súas lonxitudes de onda e intensidades.
En xeral, debido ás diferentes técnicas necesarias para medir distintas porcións do espectro, un instrumento concreto só operará sobre unha pequena porción deste campo total. O analizador de espectro é un dispositivo electrónico moi parecido por embaixo das frecuencias ópticas (é dicir, microondas e radiofrecuencia).
Esta ferramenta pode ser usada para ver os espectros de emisión xerados polos elementos ao absorber ou emitir fotóns enerxéticos. Das frecuencias de onda, un moi pequeno prisma é visible ao ollo humano, entre os raios ultravioleta e os infravermellos; o espectrómetro dá unha visión máis clara destes.
Cabe resaltar que cada elemento ten un espectro particular, e que dependendo da súa estrutura química algúns reaccionan máis rápido que outros, polo que algúns espectros de emisión non requiren unha descarga enerxética moi grande, mentres que outros unha maior. En 1920, por exemplo o científico Niels Bohr escribiu os seus postulados con base na descarga enerxética que lle deu a un átomo de hidróxeno, dando a idea para que un espectrómetro fose construído.
Véxase tamén
editarOutros artigos
editarBibliografía
editar- J. F. James and R. S. Sternberg (1969), The Design of Optical Spectrometers (Chapman and Hall Ltd)
- James, John (2007), Spectrograph Design Fundamentals (Cambridge University Press) ISBN 0-521-86463-1
- Browning, John (1882), How to work with the spectroscope : a manual of practical manipulation with spectroscopes of all kinds
- Palmer, Christopher, Diffraction Grating Handbook, 6a edition, Newport Corporation (2005).
Ligazóns externas
editar- Artigo sobre espectrómetros en Espectrometria com, (en castelán).
- Espectroscopia Astronómica Arquivado 04 de marzo de 2016 en Wayback Machine., (en castelán).
- Web sobre maquinaria industrial e equipos de laboratorio Arquivado 12 de maio de 2018 en Wayback Machine., (en castelán).
- Construción dun espectrómetro, (en inglés).