Estafilococo

Os Staphylococcus son un xénero de microorganismos bacterianos que están presentes na mucosa e na pel dos humanos e doutros mamíferos e aves. O xénero comprende na actualidade a 35 especies e 17 subespecies, moitas das cales se achan nos humanos. As especies que se asocian con máis frecuencia ás enfermidades en humanos son Staphylococcus aureus (o membro máis virulento e coñecido do xénero), Staphylococcus epidermidis, Staphylococcus saprophyticus, Staphylococcus capitis e Staphylococcus haemolyticus.

Características xerais

• Os estafilococos medran facilmente sobre case tódolos medios bacteriolóxicos, en condicións aeróbicas dáse o mellor crecemento. A súa maior velocidade de crecemento é a 5-25 °C; pero tamén se pode ver en activa fisión binaria entre 30 e 27 °C
• Os estafilococos producen catalase, o que os diferenza dos estreptococos.
• Ten importancia médica maioritariamente o aureus, e en humanos ademais deste, o saprophyticus e o epidermidis

Factores de virulencia

Na súa estrutura áchanse os ácidos teicoico e lipoteicoico, e os peptidoglicanos.

Os ácidos sérvenlle para se adherir a superficies corporais xunto coas especies de estafilococo que teñen cápsula, e en conxunto os ácidos teicoicos e o péptidoglicano teñen a característica de que activan o sistema inmune do complemento e serven ademais de evasores da fagocitose.

Entre os factores de virulencia que lle serven para a invasión e sérvenlle ó laboratorista para a súa identificación están:

• A presenza de catalase
• A presenza de coagulase no caso do estafilococo aureus (patogneumonico)
• A fermentación do azucre Manitol específico como a coagulase do estafilococo aureus (o máis importante)
• Presenza de B lactamase, que rompe o anel b lactámico dos antibióticos con esta estrutura

Papel na enfermidade

As enfermidades que pode desenvolver o xénero estafilococo están mediadas pola produción de toxinas:

• Enterotoxinas - Diarreas, vómito, náuseas
• Dano na pel, separando o estrato granuloso do córneo dando o signo de pel escaldada
• Enfermidades comúns
  • Forúnculos
  • Impétigo
• A máis grave para o home, o Staphylococcus aureus pode matar por insuficiencia cardiaca debido a unha endocardite bacteriana, sendo esta a orixe máis frecuente das endocardites humanas. Algúns illamentos producen a toxina TSST-1.

Véxase tamén

Outros artigos

• SARM
• Taxonomía bacteriana