Estilomatóforos
| Estilomatóforos Stylommatophora Caracois terrestres e lesmas Rango fósil: cretáceo - actualidade [1] | |||||||||||||
|---|---|---|---|---|---|---|---|---|---|---|---|---|---|
 Varios exemplos de estilomatóforos | |||||||||||||
| Clasificación científica | |||||||||||||
| |||||||||||||
| Subordes | |||||||||||||
A dos estilomatófoross (Stylommatophora) é, nas clasificacións clásicas, unha orde de moluscos gasterópodos da subclase dos prosobranquios.[2]
É un grupo que reúne aos gasterópdos coñecidos como caracois[3] e lesmas[4] ou limachas.[5] Trátase polo tanto de moluscos case exclusivamente terrestres, en contraposición aos basomatóforos que, aínda que comparten con eles a particularidade de teren un pulmón, órgano da respiración aérea, volveron a un estilo de vida acuático.
As dúas sinapomorfias máis características das especies deste grupo son a presenza duna glándula pedia longa situada debaixo dunha membrana,[Cómpre referencia] e de dous pares de tentáculos retráctiles.
Características
editarA maioría das especies desta orde (os caracois terrestres) presentan unha cuncha ben desenvolvida, no interior da cal o animal pode retraerse por completo. Noutras (as lesmas) a cuncha pode estar moi reducida ou mesmo falta. A diferenza dos basomatóforos, os condutos xenitais masculinos e femininos ábrense nun único orificio.[6]
Taxonomía
editar
Descrición
editarA orde foi descrita en 1856 polo malacólogo alemán Adolf Schmidt.
Etimoloxía
editarO nome científico Stylommatophora está construído cos elementos do latín científico styl-, tirado do grego antigo στὖλος stýlos, 'columna'; ommat-, derivado do grego ὄμμα, -ατος ómma, -atos, 'ollo'; -o- (para facilitar a pronuncia) e -phora, plural de -phorus, derivado do grego φορέω phoreõ, 'levar'. Literalmente: 'os que levan os ollos en columnas', aludindo á posición dos seus ollos no extremo dos tentáculos.
Clasificación
editarUnha clasificación en continua revisión
editarDesde que Darwin formulara a súa teoría da evolución, a taxonomía biolóxica intentou reflectir a filoxenia dos organismos. As clasificacións utilizadas en taxonomía intentan, por tanto, representaren as interrelacións entre os distintos taxons. Porén, a taxonomía dos pulmonados, como a dos demais grupos de gasterópodos está continuamente sendo revisada e, debido a isto, as versións que se mostran en diversos textos poden diferir de maneira importante.
Distintas consideracións sobre a categoría taxonómica do grupo
editarSegundo os distintas bases de datos, o grupo dos Stylommatophora é considerado como:
- unha orde
- da subclase Pulmonata, en Animal Diversity Web.[7]
- da infraclase Pulmonata, no WoRMS.[8]
- unha subordre
- da orde Pulmonata en Fauna Europaea.[9]
- unha infraorde
- da subclase Pulmonata en The Paleobiology Database.
- Non é considerado polo Sistema Integrado de Información Taxonómica,[10] nin, polo tanto, no Catalogue of Life,[11] nin pola IUCN.[12]
Clasificacións tradicionais
editarUnha das máis seguidas clasificacións tradicionais, divide a orde dos estilomatóforos nas subordes dos Orthurethra e os Sigmurethra. Outros autores engaden a dos Elasmognatha.[8].
Clasificacións modernas
editar- Artigo principal: Pulmonados#Clasificacións modernas.
Situación do grupo dos estilomatóforos (Stylommatophora) dentro da clase dos gasterópodos, segundo as modernas clasificacións:
Clase Gastropoda
- Clado Heterobranchia
- Clado Euthyneura
- Clado Panpulmonata
- Clado Eupulmonata
- Clado Systellommatophora
- Clado Stylommatophora
Notas
editar- ↑ Pek I., Vašíček Z., Roček Z., Hajn. V. & Mikuláš R. (1996): Základy zoopaleontologie. Olomouc, Moravia, República Checa: Palacký University. ISBN 80-7067-599-3.
- ↑ WoRMS: An outline for the classification of Phylum Mollusca in taxonomic databases (texto completo en PDF).
- ↑ caracol1 no dicionario da RAG.
- ↑ lesma1 no dicionario da RAG.
- ↑ limacha no dicionario da RAG.
- ↑ VV. AA. (1968): "Gasterópodos" en: Enciclopedia Salvat de las ciencias. Tomo 4. Animales invertebrados.
- ↑ Pulmonata na ADW.
- ↑ 8,0 8,1 Stylommatophora no WoRMS.
- ↑ Suborde Stylommatophora Arquivado 04 de marzo de 2016 en Wayback Machine. en Fauna Europaea.
- ↑ Stylommatophora non aparece no ITIS. Consultada o 08-03-2016.
- ↑ Pulmonata Arquivado 22 de abril de 2021 en Wayback Machine. non aparece no Catalogue of Life: 27th February 2016, en Species 2000, do ITIS. Consultada o 08-03-2016.
- ↑ Pulmonata non aparece na Lista vermella da IUCN. Consultada o 08-03-2016.
Véxase tamén
editarWikimedia Commons ten máis contidos multimedia na categoría: Estilomatóforos  |
| Wikispecies posúe unha páxina sobre: Estilomatóforos |
Bibliografía
editar- D'Ancona, Humberto (1972): Tratado de zoología. Tomo II. Zoología especial. Barcelona: Editorial Labor, S. A.
- Grassé, Pierre P.; Raymond A. Poisson e Odette Tuzet (1976): Zoología. Tomo 1 invertebrados. Barcelona: Ed. Toray-Masson, S. A. ISBN 84-311-0200-4.
- Remane, Adolf; Volker Storch e Ulrich Weisch (1980): Zoología sistemática. Barcelona: Ediciones Omega, S. A. ISBN 84-282-0608-2.
- VV. AA. (1968): "Gasterópodos" en: Enciclopedia Salvat de las ciencias. Tomo 4. Animales invertebrados. Pamplona: Salvat, S. A. de Ediciones, pp. 257–293.
Outros artigos
editarLigazóns externas
editar- Stylommatophora na EOL.
- Stylommatophora no NCBI.
- Snail and Slug: Care, Species, Health and much more... Arquivado 19 de outubro de 2006 en Wayback Machine. (Caracois e limachas: coidados, especies, saúde e moito máis...) (en inglés).
- El rincón de los caracoles (I) (en castelán).