Gammaproteobacterias

As gammaproteobacterias ou Gammaproteobacteria (ás veces escrito gamma-proteobacterias ou proteobacterias gamma) son un grupo de bacterias gramnegativas considerado unha clase dentro do filo Proteobacteria. Comprende bacterias importantes desde o punto de vista médico, ecolóxico e científico, como as Enterobacteriaceae (Escherichia coli), Vibrionaceae e Pseudomonadaceae. Un gran número de patóxenos importantes pertencen a esta clase, como por exemplo, Salmonella (enterites e febres tifoides), Yersinia (peste bubónica), Vibrio (cólera), Pseudomonas aeruginosa (infeccións pulmonares hospitalarias ou que afectan a pacientes de fibrose quística), e Klebsiella pneumoniae responsable de causar pneumonías. Tamén comprende un xénero que leva o nome de Galicia, Gallaecimonas.

Membros do xénero Chromatium son fotosintéticos e utilizan o sulfuro de hidróxeno en troques da auga na súa fotosíntese, expulsando xofre. Algunhas Gammaproteobacteria oxidan metano, e moitas delas viven en simbiose con animais que habitan chemineas oceánicas xeotérmicas.

Filoxenia

Véxase tamén: Taxonomía bacteriana.

As gammaproteobacterias son parafiléticas das betaproteobacterias por culpa de que inclúen o xénero Acidithiobacillus (ver Proteobacteria).

Móstrase a filoxenia das Gammaproteobacteria segundo a Filoxenia de gammaproteobacterias de K.P. Williams et al. Non todas as ordes son monofiléticas (as ordes terminan en -ales). Para as Pseudomonadales, Oceanospirillales e Alteromonadales móstranse as familias (terminación -aceae) e xéneros. Noutras ordes só se indica un xénero.

	Acidithiobacillus
	Betaproteobacteria       Xanthomonadales       Chromatiales     Methylococcus     Beggiatoa       Legionellales     Ruthia, Vesicomyosocius, Thiomicrospira, Dichelobacter, Francisella         Moraxellaceae, Alcalinovorax       Saccharophagus, Reinekea       Oceanospirillaceae       Marinobacter     Pseudomonadaceae               Pseudoalteromonadaceae, Alteromonas, Idiomarinaceae       Shewanellaceae       Psychromonadaceae       Aeromonas       Vibrionales       Pasteurellales     Enterobacteriales

Véxase tamén

Outros artigos

• Proteobacteria

• Alphaproteobacteria
• Betaproteobacteria
• Deltaproteobacteria
• Epsilonproteobacteria
• Zetaproteobacteria

• Gallaecimonas, a bacteria "galega"
• Thiomargarita namibiensis, a bacteria xigante

Ligazóns externas

• MeshName - Gammaproteobacteria [1]
• Sayers; et al. "Gammaproteobacteria". National Center for Biotechnology Information (NCBI). Consultado o 29 xuño 2012. 
• J.P. Euzéby. "Gammaproteobacteria". List of Prokaryotic names with Standing in Nomenclature (LPSN). Arquivado dende o orixinal o 27 de xaneiro de 2013. Consultado o 29 xuño 2012. 
• 'The All-Species Living Tree' Project."16S rRNA-based LTP release 106 (full tree)" (PDF). Silva Comprehensive Ribosomal RNA Database. Arquivado dende o orixinal (PDF) o 07 de maio de 2012. Consultado o 29 xuño 2012.