Henri Maspero
Henri Paul Gaston Maspero, nado o 15 de decembro de 1883 en París e finado o 17 de marzo de 1945 no campo de concentración de Buchenwald, foi un sinólogo francés coñecido polos seus estudos pioneiros sobre o daoísmo.
  | |
| Biografía | |
|---|---|
| Nacemento | 15 de decembro de 1883 París, Francia |
| Morte | 17 de marzo de 1945 (61 anos) Buchenwald |
| Presidente Academia de Inscricións e Linguas Antigas | |
| ← Gustave Dupont-Ferrier (pt)  – Adolphe Lods (pt) → | |
| Datos persoais | |
| Educación | Lycée Montaigne (en) Liceo Louis-le-Grand École nationale des langues orientales vivantes (en) |
| Actividade | |
| Campo de traballo | Sinoloxía |
| Ocupación | catedrático |
| Empregador | Collège de France (pt) , catedrático (1919–1945) |
| Membro de | |
| Familia | |
| Cónxuxe | Hélène Maspero-Clerc |
| Fillos | François Maspero |
| Pai | Gaston Maspero |
| Irmáns | Georges Maspero |
| Parentes | Eveline Porée-Maspero, sobriña |
| Premios | |
| Descrito pola fonte | Grande Enciclopedia Soviética 1969-1978, (sec:Масперо Анри) |
 | |
Traxectoria
editarHenri Maspero naceu o 15 de decembro de 1883 en París.[1] O seu pai, Gaston Maspero, foi un famoso exiptólogo francés de ascendencia italiana.[1] Os Maspero eran xudeus.[2] Tras estudar Historia e Literatura, en 1905 uniuse ao seu pai en Exipto. Posteriormente, publicou o seu estudo Les Finances de l'Egypte sous les Lagides. En 1907, regresou a París para estudar chinés con Édouard Chavannes, así como Dereito no Institut national des langues et civilisations orientales (INALCO). Ao ano seguinte visitou Hanoi, estudando na École française d'Extrême-Orient.[1]
En 1918 ocupou a cátedra de Chinés do Collège de France, en substitución de Chavannes.[1] En 1927, publicou a súa monumental La Chine Antique.[1] Durante os seguintes anos, tomou a cátedra de Civilización Chinesa da Sorbona (anteriormente ocupada por Marcel Granet), dirixiu o departamento de Relixións Chinesas na École pratique des hautes études, e foi elixido membro da Académie des inscriptions et belles-lettres.[1]
O 26 de xullo de 1944, Maspero e mais a súa muller, que vivían na París ocupada polos nazis, foron arrestados pola participación do seu fillo na resistencia francesa.[1] Maspero foi enviado ao campo de concentración de Buchenwald, onde morreu o 15 de marzo de 1945, aos 61 anos, só tres semanas antes da liberación do campo polas forzas estadounidenses.[1]
Traducións
editarEn castelán
editar- El taoísmo y las religiones chinas (2000). Tradución de Pilar González España e Rosa María López. Trotta.[3]
Notas
editarVéxase tamén
editarBibliografía
editar- Katz, Paul R. (2014). Religion in China & Its Modern Fate (en inglés). Brandeis University Press. ISBN 9781611685435.
- Maspero, Henri (2000). El taoísmo y las religiones chinas (en castelán). Trotta. ISBN 9788481643084.
- Yetts, W. Perceval (1946). "Henri Maspéro". Journal of the Royal Asiatic Society 78 (1-2): 95. doi:10.1017/S0035869X00100097.