Hipótese
explicación proposta para un fenómeno
Unha hipótese é unha proposición que establece relacións entre os feitos; para outros é unha posible solución ó problema; outros sustentan que a hipótese non é máis que unha relación entre as variables, e, por último, hai quen afirma que é un método de comprobación.
- A hipótese como proposición que establece relación entre os feitos: unha hipótese é o establecemento dun vínculo entre os feitos que o investigador vai aclarando na medida en que poida xerar explicacións lóxicas do por que se produce este vínculo.
- A hipótese como unha posible solución do problema: a hipótese non é soamente a explicación ou comprensión do vínculo que se establece entre os elementos inmersos nun problema. É tamén a formulación dunha posible solución ó mesmo.
- A hipótese como relación entre variables (Kerlinger 1985:12): unha expresión das relacións existentes entre dúas ou máis variables. A hipótese formúlase en termos de oración aseverativa, e relaciona, dunha forma xeral ou específica, unha variable con outra.