Karlos Arguiñano

Karlos Arguiñano Urkiola, nado en Beasain o 6 de setembro de 1948, é un cociñeiro vasco, aínda que tamén desenvolveu actividades interpretativas e empresariais. É moi popular en España dende que apareceu en TVE nun programa de cociña.

Karlos Arguiñano

(2008)
Biografía
Nacemento	(es) Karlos Arguiñano Urkiola 6 de setembro de 1948 (76 anos) Beasain, España
Residencia	Zarautz
Altura	172 cm
Actividade
Campo de traballo	Cociña, televisión, libro de receitas e cocedura
Lugar de traballo	Zarautz Aia
Ocupación	cociñeiro, gastrónomo, actor, actor de cinema, presentador de televisión, escritor, empresario, actor de dobraxe
Período de actividade	1963 -
Empregador	Atresmedia (2010–) Grupo Clarín (pt) (1997–2000) Mediaset España (1997, 1999, 2004–1998, 2000, 2010) Radio y Televisión Argentina Sociedad del Estado (en) (1996–1997) RTVE (1991, 2002–1996, 2004) EITB (1989, 2000–1991, 2002) Construcciones y Auxiliar de Ferrocarriles Hotel de Londres y de Inglaterra (en) Q12257425 Hotel María Cristina (en)
Xénero artístico	Libro de receitas
Familia
Fillos	Joseba Arguiñano
Irmáns	Eva Arguiñano
Premios
(2021)  Premio Nacional de Televisión (1992)  Golden TP (en)  Q24052054  Premio Ondas 1993  estrela Michelin
Sitio web	hogarmania.com…

Restaurante de Arguiñano.

Traxectoria

Aínda que naceu en Beasain (Guipúscoa), residiu dende mozo e reside actualmente en Zarautz (tamén en Guipúscoa), onde ten o seu hotel restaurante. Cursou estudos primarios nos Agustinos de Lazcano (Guipúscoa), posteriormente estudos de mestría industrial, traballou na fábrica de trens de Beasáin como chapista. Xa con 17 anos decidiu apuntarse á Escola de Hostalaría de Hotel Euromar en Zarautz dirixido por Luis Irizar.

En 1978 crea un Hotel Restaurante en Zarauz, sito nun castelo construído en pedra rústica que constitúe unha auténtica xoia arquitectónica. En 1996 inaugurou tamén en Zarauz a Academia de Cocina Aiala.

Dende 2005 realiza un programa de cociña en Telecinco xunto a Juan María Arzak. Escribiu varios libros orientados á cociña fácil. A súa empresa, Bainet, é responsable tanto do seu programa de televisión como dos seus libros de cociña. Publica tamén libros de Arzak, Eva Arguiñano (irmá de Karlos) e Mikel Corcuera, entre outros. Bainet é ademais socio do GAMP (Grupo Audiovisual de Medios de Producción), consorcio propietario de laSexta. Nesta cadea produce Hoy cocinas tú, presentado por Eva Arguiñano, e Un país de chiste, con Óscar Terol.

Karlos Arguiñano promocionou a cociña en xeral e a española en particular por diferentes países: Estados Unidos, Arxentina, México, Suecia, Italia, Suíza, Alemaña, Francia... Impartiu clases de cociña, cursos, participou en Xurados Gastronómicos, conferencias, mesas redondas ou charlas.

Participou en varios filmes como Airbag de Juanma Bajo Ulloa (1997), Año mariano de Karra Elejalde e Fernando Guillén Cuervo (2000) e El rey de la granja de Carlos Zabala e Gregorio Muro (2002).