Mainstream
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2013.) |
Mainstream é un anglicismo empregado para designar o pensamento da maioría, e a súa tradución literal é corrente principal. Así e todo, máis lonxe da definición, mainstream é considerado un concepto cultural, artístico e musical. Así, a música, arte, cinema e demais cultura mainstream é aquela que conta con grandes medios para a súa produción e comercialización, e que chegan facilmente ao público. Un bo exemplo do mainstream é a cultura pop, producida principalmente para a súa comercialización e en moitos casos co obxectivo primeiro a obtención de beneficios lucrativos. Tamén pode ser empregado o termo mainstream para se referir ás obras artísticas pouco innovadoras ou que non aportan nada novo. O antónimo de mainstream sería o termo underground.