Manuel González González
Manuel González González, nado en Beba (Mazaricos) o 25 de outubro de 1951, é catedrático de Filoloxía Románica da Universidade de Santiago de Compostela e coordinador científico do Centro Ramón Piñeiro para a Investigación en Humanidades.
 (2015)  | |
| Biografía | |
|---|---|
| Nacemento | 25 de outubro de 1951 (73 anos) Beba, España |
| Educación | Universidade de Santiago de Compostela |
| Actividade | |
| Ocupación | lingüista |
| Empregador | Universidade de Santiago de Compostela (1997–) Universidade de Santiago de Compostela (1983–1997) |
| Membro de | |
| Obra | |
| Doutorando | Xosé-Henrique Costas e Ernesto Xosé González Seoane |
| Descrito pola fonte | Gran Enciclopedia Galega Silverio Cañada Dicionario biográfico de Galicia Enciclopedia Galega Universal |
    | |
Foi Premio da Cultura Galega, modalidade Lingua en 2022.[1] Segundo a organización: é "un dos intelectuais galegos máis relevantes do último século" pola súa "dedicación ao estudo, defensa e promoción da lingua galega".[2]
Traxectoria
editarLicenciouse en 1974 coa memoria A fala do Incio e doutorouse en 1980 coa tese O xugo e o carro: contribución ó estudio das denominacións dos apeiros de labranza en Galicia (inédita).
Desde o momento da súa incorporación á Universidade de Santiago, dedícase ás investigacións dos problemas lingüísticos e sociolóxicos de Galiza, especialmente na dialectoloxía e xeografía lingüística, traballo en que destaca o Atlas Lingüístico Galego (do que é coautor), así como a súa colaboración no Atlas Lingüístico de España e Portugal e no Atlas Lingüístico Románico.
Foi coordinador do Diccionario Manual da Lingua Galega (de 1991) e codirector, con Constantino García, do Diccionario da Real Academia Galega (de 1997). En colaboración con Antón Santamarina Fernández foi o responsábel do Diccionario inverso da lingua galega (1990) e do Vocabulario ortográfico da lingua galega (VOLGa), a súa obra máis relevante.
Fixo parte das comisións que redactaron as Bases prá unificación das normas lingüísticas do galego (1977) e as Normas Ortográficas e Morfolóxicas do Idioma Galego (1982 e 2003). Presidiu a Comisión Técnica que redactou o Plan Xeral de Normalización da Lingua Galega (PXNLG), aprobado en setembro de 2004.
Foi nomeado académico numerario da Real Academia Galega en 1992[3], onde ingresou coa lectura do discurso Algunhas tarefas da lexicografía galega actual[4]. Foi secretario da institución, e coordina os seminarios de Lexicografía e de Terminoloxía da Academia. Así mesmo, é director do Servizo de Terminoloxía de Galicia (Termigal) e coordinador científico do Centro Ramón Piñeiro para a Investigación en Humanidades (CIRP).
Foi codirector, con Antón Santamarina Fernández, do Dicionario da Real Academia Galega do 2012.[5]
Tamén foi un dos tres coordinadores do Dicionario de Bioloxía galego-castelán-inglés.[6]
Recoñecementos
editar- Medalla de Bronce de Galicia no 1992.
- Premio Lois Peña Novo no 2018.
- Premio da Cultura Galega en 2022.
Notas
editar- ↑ "Os premios da Cultura Galega 2022 recaen en Marica Campo, María Victoria Carballo-Calero, Melania Cruz, Música en Compostela, Xosé Manuel Gayoso, Manuel González, Xacarandaina e o programa ConCiencia". Xunta de Galicia. 2022-10-04. Arquivado dende o orixinal o 04 de outubro de 2022. Consultado o 2022-10-04.
- ↑ "Os Premios da Cultura Galega recoñecen, entre outros, a Marica Campo, Gayoso e Melania Cruz". Nós Diario. 2022-10-04. Consultado o 2022-10-05.
|páxina-web=e|xornal=redundantes (Axuda) - ↑ "Manuel González González". Real Academia Galega.
- ↑ González González, M. (2005). Algunhas tarefas da lexicografía galega actual. A Coruña: Real Academia Galega.
- ↑ "Créditos do Dicionario da RAG". Arquivado dende o orixinal o 03 de xuño de 2012. Consultado o 06 de xuño de 2012.
- ↑ Dicionario de bioloxía: galego - castelán - inglés na páxina web da RAG.
Véxase tamén
editar| Wikimedia Commons ten máis contidos multimedia na categoría: Manuel González González |
Bibliografía
editar- "González González, Manuel". Diccionario enciclopédico galego universal 31. La Voz de Galicia. 2003-2004. p. 41. ISBN 84-7680-429-6.
- "González González, Manuel". Dicionario biográfico de Galicia 2. Ir Indo Edicións. 2010-2011. pp. 170–171.
- "González González, Manuel". Diciopedia do século 21 2. Do Cumio, Galaxia e do Castro. 2006. p. 996. ISBN 978-84-8288-942-9.
- "González González, Manuel". Enciclopedia Galega Universal 10. Ir Indo. 1999-2002. p. 50-51. ISBN 84-7680-288-9.
- "González González, Manuel". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
- Barrera, F., ed. (2002). Gallegos. Quién es quien en la Galicia del siglo XXI (en castelán). El Correo Gallego. p. 269-270. ISBN 84-8064-113-4.
- Fernández del Riego, F. (1992) [1990]. Diccionario de escritores en lingua galega (2ª ed.). Do Castro. p. 193. ISBN 84-7492-465-0.