Células 3T3
As células 3T3 son unha liña celular establecida en 1962 polos científicos do Departmento de Patoloxía da Escola de Medicina da Universidade de Nova York George Todaro e Howard Green. A liña celular 3T3 converteuse na liña celular de fibroblastos estándar. Todaro e Green obtiveron orixinalmente as células 3T3 dun tecido embrionario de rato albino Swiss.[1][2]
Nomenclatura
editarO nome '3T3' é unha abreviación en inglés de "3-day transfer, inoculum 3×105 cells" (transferencia de 3 días, inóculo de 3×105 células). Esta liña celular foi establecida orixinalmente a partir de células fibroblásticas embrionarias primarias de ratos que foron cultivados por un protocolo denominado 'protocolo 3T3'. As células fibroblásticas embrionarias primarias de rato eran transferidas (de aí o "T") cada 3 días (o primeiro "3"), e inoculadas a un valor de densidade de 3×105 células por 20 cm2 de placa (o segundo "3") continuamente. As células espontaneamente inmortalizadas cunha velocidade de crecemento estable foron establecidas despois de 20 a 30 xeracións en cultivo e despois chamadas células '3T3'. Unha das liñas actuais é a "3T3-L1".[3]
Características
editarAs Swiss 3T3 poden ser inhibidas polo temazepam e outras benzodiazepinas. Estas células son tamén inhibidas por contacto. As células son sensibles á formación de focos do virus do sarcoma e da leucemia. As células 3T3 poden ser transformadwas co virus SV40 e outros poliomavirus.[3]
Expresión
editarA lisofosfatidilcolina (lyso-PC) induce a actividade da AP-1 e a actividade da c-jun N-terminal quinase (JNK1) por medio dunha vía independente da proteína quinase C.[3]
Citoxenética
editarAs células de rato 3T3 son hipertriploides. O seu número modal de cromosomas é 68, que aparece no 30% das células. ´Poden aparecer ploidías máis altas a unha taxa moito menor do 2,4%.[3]
Usos
editarAs células 3T3 utilízanse a miúdo no cultivo de queratinocitos, xa que as células 3T3 segregan factores de crecemento favorables para esta tipo de células.
Notas
editar- ↑ Todaro, GJ; Green, H (1963). "Quantitative studies of the growth of mouse embryo cells in culture and their development into established lines". J. Cell Biol. (17): 299–313. doi:10.1083/jcb.17.2.299.
- ↑ 3T3 Cell Line - an overview - ScienceDirect Topics
- ↑ 3,0 3,1 3,2 3,3 NIH 3T3 Cell Line Origins, Characteristics, Expression, and Cytogenetics
Véxase tamén
editarWikimedia Commons ten máis contidos multimedia na categoría: Células 3T3  |
Ligazóns externas
editar- Entrada de Cellosaurus para NIH 3T3
- Entrada de Cellosaurus para 3T3-Swiss albino
- Entrada de Cellosaurus para 3T3-L1
- Nikon MicroscopyU Digital Video Gallery: 3T3 Cell Motility - a set of films of 3T3 cells in culture
|
Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |