Resonancia magnética nuclear

A resonancia magnética nuclear (RMN) é a tecnoloxía baseada no fenómeno físico que emprega as propiedades mecánico-cuánticas dos núcleos atómicos.

Imaxe combinada RMN e PET dunha cabeza humana.

Todos os núcleos que posúen un número impar de protóns ou neutróns teñen un momento magnético e un momento angular intrínseco, noutras palabras, teñen un spin > 0. Os núcleos máis comunmente empregados en RMN son o do protio (¹H, o isótopo máis sensíbel en RMN despois do inestábel tricio, ³H), o ¹³C e o ¹⁵N, aínda que os isótopos de núcleos de moitos outros elementos (²H, ¹⁰B, ¹¹B, ¹⁵N, ¹⁷O, ¹⁹F, ²³Na, ²⁹Si, ³¹P, ³⁵Cl, ¹¹³Cd, ¹⁹⁵Pt) son tamén utilizados.

As frecuencias ás cales un núcleo atómico resoa (por exemplo, dentro dunha molécula) son directamente proporcionais á forza do campo magnético exercido, de acordo coa ecuación da frecuencia de precesión de Larmor. A literatura científica até 2008 inclúe espectros dun grande intervalo de campos magnéticos, desde 100 nT até 20 T. Os campos magnéticos maiores son a miúdo preferidos xa que a correlación co incremento da sensibilidade de sinal é maior. Existen moitos outros métodos para incrementar o sinal observado. O incremento de campo magnético tamén se traduce nunha maior resolución espectral, cuxos detalles son descritos polo desprazamento químico e o efecto Zeeman.

A RMN foi descrita por vez primeira por Herman Carr en 1952, cando produciu unha imaxe por resonancia magnética dunha soa dimensión na súa tese de doutoramento de Harvard.^[1]^[2]^[3]

Notas

↑ Carr, Herman (1952). Free Precession Techniques in Nuclear Magnetic Resonance (PhD thesis). Cambridge, MA: Harvard University. OCLC 76980558. ^{[cómpre nº de páxina]}
↑ Carr, Herman Y. (xullo de 2004). "Field Gradients in Early MRI". Physics Today (American Institute of Physics) 57 (7): 83. Bibcode:2004PhT....57g..83C. doi:10.1063/1.1784322.
↑ Encyclopedia of Nuclear Magnetic Resonance 1. Hoboken, NJ: Wiley and Sons. 1996. p. 253. ^{[Ligazón morta]}

Véxase tamén

Outros artigos

Ligazóns externas

Sociedade Española de Neuroimaxe (en castelán)

Este artigo sobre medicina é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] Carr, Herman (1952). Free Precession Techniques in Nuclear Magnetic Resonance (PhD thesis). Cambridge, MA: Harvard University. OCLC 76980558. ^{[cómpre nº de páxina]}

[2] Carr, Herman Y. (xullo de 2004). "Field Gradients in Early MRI". Physics Today (American Institute of Physics) 57 (7): 83. Bibcode:2004PhT....57g..83C. doi:10.1063/1.1784322.

[3] Encyclopedia of Nuclear Magnetic Resonance 1. Hoboken, NJ: Wiley and Sons. 1996. p. 253. ^{[Ligazón morta]}

[1]

[2]

[3]