Nugallás, Arcos, Antas de Ulla
Nugallás é un lugar da parroquia de Arcos no concello lugués de Antas de Ulla na comarca da Ulloa. Segundo o IGE[1], en 2011 tiña catro habitantes (un home e tres mulleres). Sitúase a carón do lugar de Nugallás (San Fiz de Amarante).
| Nugallás | |
|---|---|
 Hórreo da Casa de Xan | |
| Parroquia | Arcos |
| Concello | Antas de Ulla |
| Coordenadas | 42°45′25″N 7°54′39″O / 42.75694444, -7.91083333 |
| Poboación | 4 hab. (2011) |
| [ editar datos en Wikidata ] | |
Toponimia
editarO topónimo Nugallás é un fitónimo derivado de Nucaliales, facendo referencia á abundancia de nogueiras.[2]
Xeografía
editarO Instituto Xeográfico Nacional de España sitúa neste lugar o Centro xeográfico de Galicia.[3][4] [5] O goberno da Deputación de Lugo comezou en xuño de 2020 a realizar xestións cos propietarios dos predios de Nugallás coa idea de poñer en valor a nivel turístico un feito tan obxectivo como simbólico: que Antas de Ulla se sinta orgullosa de ser o "centro de Galicia". A este efecto, o presidente da Deputación José Tomé Roca, e a responsábel de Turismo, Pilar García Porto (que ademais é concelleira de Antas), asinaron ante notario o 18 de xuño deste ano a escritura de compra da carballeira na que se encontra o centro xeográfico de Galicia. O presidente da Deputación afirmou que quere seguir comprando máis terreos lindeiros para crear «o antes posíbel e neste mandato» un grande espazo público de lecer e natureza, unha área recreativa que dignifique o punto central da comunidade, e que incluso se levantará un monólito que fará referencia ao centro xeográfico de Galicia, que estará rodeado dun parque público para o lecer dos veciños de Antas e de todos os visitantes, mentres que a deputada de Turismo mantén conversas cos propietarios dos terreos aínda por comprar, expoñendo o proxecto ao alcalde Antas e informándoo do compromiso do organismo provincial para desenvolver esta área recreativa.[6]
Lugares e parroquias
editarLugares de Arcos
editar| Lugares da parroquia de Arcos no concello de Antas de Ulla (Lugo) | |
|---|---|
|
Arcos | Barbalde | Cabo de Arcos | A Fraga | Nugallás | Pumar | Veloín | A Vila Pequena |
Parroquias de Antas de Ulla
editar
Notas
editar- ↑ IGE (ed.). "IGE - Nomenclátor de Galicia". Arquivado dende o orixinal o 30 de decembro de 2020. Consultado o 26 de abril de 2021.
- ↑ Santiso Arias, Andrea (2023). Toponimia de Antas de Ulla. A Coruña: Real Academia Galega. p. 57-58. ISBN 978-84-17807-36-8.
- ↑ "O verdadeiro centro da Galiza está na aldea de Nugallás". Sermos Galiza. Arquivado dende o orixinal o 26 de decembro de 2019. Consultado o 2019-12-26.
- ↑ Xavier Fonseca (06-05-2018). "¿Dónde está el verdadero centro geográfico de Galicia?". La Voz de Galicia. Consultado o 20-06-2020.
- ↑ Xosé María Palacios (19-06-2020). "El centro geográfico de Galicia, calculado con un algoritmo". La Voz de Galicia. Consultado o 20-06-2020.
- ↑ Suso Varela (19-06-2020). "El centro geográfico de Galicia tendrá un parque". La Voz de Galicia. Consultado o 20-06-2020.