Ofra Haza
Ofra Haza (en hebreo עפרה חזה), nada en Tel Aviv o 19 de novembro de 1957 e finada en Ramat Gan o 23 de febreiro de 2000, foi unha cantante mezzo-soprano [1] israelí que alcanzou unha gran popularidade en Israel e en todo o mundo cunha peculiar mestura da música tradicional dos xudeus iemenís e o pop.
 (1981, Heichal HaTarbut (en)  )  | |
| Nome orixinal | (he) עפרה חזה |
|---|---|
| Biografía | |
| Nacemento | (he) בת שבע חזה 19 de novembro de 1957 Hatikva Quarter, Israel (en) |
| Morte | 23 de febreiro de 2000 (42 anos) Ramat Gan, Israel (pt) |
| Causa da morte | doenza relacionada coa SIDA |
| Lugar de sepultura | Yarkon Cemetery (en) |
| Grupo étnico | Yemenite Jews in Israel (en) |
| Relixión | Xudaísmo |
| Actividade | |
| Ocupación | cantautora, pianista, actriz de cinema, actriz de teatro, xornalista, actriz de dobraxe, compositora, cantante |
| Período de actividade | 1969 - 2000 |
| Membro de | |
| Xénero artístico | World music, folk-pop, Música mizrahi (pt) , música pop, folk rock e pop rock |
| Tesitura | Mezzosoprano |
| Instrumento | Piano e voz |
| Selo discográfico | NMC Hed Arzi Music (en) CBS |
| Participou en | |
| 1983 | Festival de Eurovisión 1983 |
| Obra | |
Obras destacables
| |
| Premios | |
| |
Sinatura  | |
| Descrito pola fonte | Obálky knih,  |
| Sitio web | ofrahaza.org |
             | |
Traxectoria
editarNaceu no seo dunha familia de xudeus orixinarios do Iemen que emigraran a Israel. Aos doce anos uniuse ao grupo de teatro do barrio Hatikvah, ao sur de Tel Aviv. Tras servir durante dous anos no exército israelí, gravou o seu primeiro disco en solitario, co que obtivo gran popularidade en Israel. Ao longo da súa carreira, conseguiu 16 discos de ouro e platino. Cantou en hebreo, árabe, arameo e inglés, entre outras linguas como o español.[2]
En 1983 participou no Festival de Eurovisión, e obtivo o segundo posto coa canción Chai, o que lle proporcionou fama internacional. Dous anos despois publicou internacionalmente o seu disco Yemenite Songs, baseado nos poemas do rabino Shalom Shabazi. En 1988 a súa canción Im Nin'alu, do mencionado disco, alcanzou un grande éxito en Alemaña. Co álbum Kyria (1992) obtivo un nomeamento para os Premios Grammy. Interveu en numerosas bandas sonoras. Para a película de animación The Prince of Egypt, interpretou o tema Deliver Us (Libéranos) non só na versión orixinal en inglés, senón tamén en 18 das dobraxes internacionais da película, incluíndo as dúas versións en español diferenciando o acento ibérico e o latinoamericano (para o mercado de América Latina).
En 1992, colaborou facendo os coros con The Sisters of Mercy na canción Temple of Love. A colaboración de Ofra Haza, permitiu que dita canción colocásese en primeiros postos de listas de venda. Foi un dos vídeos máis vistos en MTV no ano 1992.
En 1994, a petición de Isaac Rabin, actuou na cerimonia de entrega do Premio Nobel da Paz.
A súa canción Im Nin 'Alu apareceu na BSO do videoxogo Grand Theft Auto Liberty City Stories.
Morreu, probablemente de pneumonía e un fallo multiorgánico complicado pola SIDA, o 23 de febreiro de 2000, aínda que as circunstancias da súa morte non foron confirmadas pola familia. Morreu no Sheba Medical Center da cidade de Ramat Gan.[3]
Discografía selecta
editar
- 1974 - Ahava rishona (+ Shejunat Hatikva Workshop Theatre)
- 1976 - Vejuts mizé hakol beseder (+ Shejunat Hatikvah Workshop Theatre)
- 1977 - Atik noshan (+Shejunat Hatikvah Workshop Theatre)
- 1979 - Shir hashirim beshaashuim (+ Shechunat Hatikvah Workshop Theatre)
- 1980 - Al ahavot shelanu
- 1981 - Bo nedaber
- 1982 - Pituyim
- 1982 - Liyeladim
- 1983 - Hai
- 1983 - Shirey moledet 1
- 1984 - Bayt ham
- 1984 - Shirey Teyman/Yemenite Songs
- 1985 - Adamah
- 1985 - Shirey Moledet 2
- 1986 - Yamim Nishbarim
- 1987 - Shirey Moledet 3
- 1987 - Álbum HaZahav (Golden Album)
- 1988 - Shaday
- 1988 - Yemenite Love
- 1988 - Fifty Gates Of Wisdom
- 1989 - Desert Wind
- 1992 - Kirya
- 1992 - The Sisters of Mercy- Temple of Love(con Ofra Haza)
- 1993 - Oriental Nights
- 1993 - And One - Friend Of Stars (Voice Ofra Haza)
- 1994 - Kol Haneshama
- 1995 - Queen in Exile
- 1997 - Ofra Haza
- 1998 - At Montreux Jazz Festival (Live 1990)
- 2000 - Greatest Hits vol.1
- 2001 - HTV Music History
- 2004 — Greatest Hits vol.2/Bemanginat Halev (Melody Of The Heart)
- 2008 — Forever Ofra Haza - Her Greatest Songs Remixed
Recompilacións
editarNotas
editar- ↑ Pareles, Jon (24 de febreiro de 2000). "Ofra Haza, 41, Israeli Pop Singer Who Crossed Cultural Bounds". The New York Times (New York, USA). Consultado o 28 de xullo de 2011.
- ↑ Linde, Steve; Yeffet, Hod (13 de decembro de 2009). "Ofra - the musical". The Jerusalem Post. Consultado o 24 de setembro de 2015.
For that movie, she sang the theme song Deliver Us in English and no less than 17 other languages, including Hebrew,...
- ↑ Sontag, Deborah (29 de febreiro de 2000). "A Pop Diva, a Case of AIDS and an Israeli Storm". The New York Times. Consultado o 23 de febreiro de 2010.
Véxase tamén
editarWikimedia Commons ten máis contidos multimedia na categoría: Ofra Haza  |
Outros artigos
editarLigazóns externas
editar- Información y discografía completa Arquivado 23 de novembro de 2016 en Wayback Machine.
- Biografía dividida en capítulos(en español)
- Ofra Haza Official Site (en hebreo e inglés)
- Ofra Haza Official Myspace (en inglés)
- Ofra Haza Free your emotions (en francés)
- Letra de su canción Jai (en hebreo e inglés)
- The One And Only Ofra Haza (en alemán)
- Ofra Haza Online (en inglés)
| Predecesor: "Hora" Avi Toledano |
 Israel no Festival de Eurovisión 1983 |
Sucesor: "Olé, Olé" Izhar Cohen |