Os Ánxeles, Brión

Os Ánxeles
	Igrexa de Santa María dos Ánxeles.
Concello	Brión
Provincia	A Coruña
Coordenadas	42°51′00″N 8°40′33″O / 42.8499, -8.6758
Área	7,5 km²
Poboación	3.300 hab. (2018)
Densidade	440 hab./km²
Entidades de poboación	21
	[ editar datos en Wikidata ]

Para outras páxinas con títulos homónimos véxase: Os Ánxeles (homónimos).

Santa María dos Ánxeles é unha parroquia que se localiza no leste do concello coruñés de Brión, na comarca de Santiago. Está situada na zona baixa do concello, no Val da Amaía, á beira do río Sar. A súa extensión é de 7,5 km² e conta cunha poboación de 3.300 habitantes (1.588 homes e 1.712 mulleres) distribuídos en 21 lugares e aldeas (ano 2018), o que supón un aumento respecto ó ano 2004, cando tiña 2.093 habitantes (1.071 mulleres e 1.022 homes).

Demografía

Dende os anos 1990 en adiante o concello de Brión incrementou de xeito notable a súa poboación, polo feito da súa privilexiada situación e a mellora das comunicacións por estrada. A parroquia dos Ánxeles, dentro deste fenómeno demográfico, é a que máis poboación atrae. En poucos anos pasou dos 1.621 habitantes de 1999, ós 2.093 do ano 2004, e ós 2.562 habitantes do 2007.

Historia

Antigamente a parroquia coñecíase por Santa María de Perros. A mediados do século XVI, na época de inicio da intromisión do castelán en Galicia, o arcebispo de Compostela Francisco Blanco Salcedo mandou mudar o nome para o actual^[2].

Xa existen referencias á parroquia en documentos medievais, e sábese que a a principios do século XVII se contabilizaban 83 lumes (casas habitadas) e no censo de 1826 a poboación era xa de 730 persoas.

A igrexa parroquial de Santa María dos Ánxeles é de estilo barroco, construída entre 1748 e 1789.

Galería de imaxes

Artigo principal: Galería de imaxes dos Ánxeles, Brión.

Lugares e parroquias

Lugares dos Ánxeles

Lugares da parroquia dos Ánxeles no concello de Brión (A Coruña)
Adoufe \| Alqueidón \| Os Ánxeles \| Buio \| Cabanas \| O Cabo \| Estrar \| Gontade \| Gosende \| Guisande \| Guitiande \| Gundín \| Lago \| O Outeiro \| Perros \| Piñeiro \| O Rial \| Sanín \| Soigrexa \| Souto \| O Tremo \| Vilanova

Parroquias de Brión

Galicia \| Provincia da Coruña \| Parroquias de Brión
Os Ánxeles (Santa María) \| Bastavales (San Xulián) \| Boullón (San Miguel) \| Brión (San Fins) \| Cornanda (Santa María) \| Luaña (San Xulián) \| Ons (Santa María) \| San Salvador de Bastavales (San Salvador) \| Viceso (Santa María)

Notas

↑ ^1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.
↑ Palacio Sánchez, Antón (2014). "Malos, Perros e Cas, topónimos interditos". Estudos de Lingüística Galega 6: 217–231. ISSN 1989-578X.

Véxase tamén

Outros artigos

Lugares de Brión

Ligazóns externas

Os Ánxeles Arquivado 15 de abril de 2009 en Wayback Machine. na web do concello de Brión.

[nomenclátor-1] 1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

[2] Palacio Sánchez, Antón (2014). "Malos, Perros e Cas, topónimos interditos". Estudos de Lingüística Galega 6: 217–231. ISSN 1989-578X.

[1]

[2]

Os Ánxeles
Igrexa de Santa María dos Ánxeles.
Concello	Brión^[1]
Provincia	A Coruña
Coordenadas	42°51′00″N 8°40′33″O / 42.8499, -8.6758
Área	7,5 km²
Poboación	3.300 hab. (2018)
Densidade	440 hab./km²
Entidades de poboación	21^[1]
[ editar datos en Wikidata ]