Casa da Braña
A casa da Braña é unha casa grande situada no lugar da Braña, na parroquia de Carballedo, no concello pontevedrés de Cerdedo-Cotobade.
| Pazo da Braña | |
|---|---|
 | |
| Concello | Cerdedo-Cotobade |
| Provincia | Pontevedra |
| Comunidade | Galicia |
| Coordenadas | 42°28′19″N 8°28′30″O / 42.471944444444, -8.475 |
| Estilo arquitectónico | |
| Estilo orixinal | Arquitectura barroca (1730) |
| Estado actual | Vivenda |
| [ editar datos en Wikidata ] | |
Características
editarConstruíuna cara a 1730 Gregorio Senra, párroco de Carballedo e arcipreste de Cotobade, como residencia propia e soar dunha capelanía. En 1856 vendeullo ao veterinario de San Xusto, Francisco Javier Garrido Cerviño, posiblemente no marco da desamortización de Mendizábal[1]. En 1885 mercouno o maxistrado José María Vidal González, pasou ao seu descendente o avogado José García Vidal e logo á súa filla, que en 1954 casou co médico ourensán Antonio Fernández Barja.[2]
A construción ten planta rectangular con baixo e piso. En cada fachada hai unha longa solaina con balaustrada de pedra e piares que sosteñen o teito, ás que se accede por medio de patíns. Baixo a solaina fórmase un soportal alintelado sostido por piares. Na esquina sueste hai un reloxo de sol.
A casa sitúase nunha terra lindante co río Almofrei e co rego de Chan das Latas. A propiedade rústica ten un hórreo e unha corte, así como diversas froiteiras (maceiras, abeleiras) e outras árbores. Tamén conta cun cruceiro e unha piscina. O recinto está pechado por balaustrada de pedra nalgúns tramos.
Galería de imaxes
editar-
Cruceiro xunto a un gran castiñeiro -
Reloxo de sol -
Imaxe relixiosa na esquina nordeste
Notas
editar- ↑ Fortes Bouzán, X. (2015): Terra de Cotobade. Ed. Guiverny, p. 200. ISBN 978-84-939449-9-5
- ↑ "Enlace Fernández Barja - García Sáenz-Díez". La Región (en castelán). 16 de outubro de 1954. p. 2.