Pazo de Cascaxide

O Pazo de Cascaxide é unha casa señorial localizada no lugar de Cascaxide, na parroquia de Escuadro (Silleda), construído a finais do século XVII con algunha parte de principios do XVIII.

Pazo de Cascaxide
Concello	Silleda
Provincia	Pontevedra
Comunidade	Galicia
Coordenadas	42°41′44″N 8°18′57″O
Estilo arquitectónico
[ editar datos en Wikidata ]

Para outras páxinas con títulos homónimos véxase: Cascaxide.

O edificio é de planta rectangular, baixo o piso e salvando o desnivel do terreo, ten un piso máis con arcadas nunha das frontes, torre de catro plantas e balcóns de balaustrada que sobresaen da fachada. A fachada principal ten porta adintelada, copete cun grande escudo e gárgolas. Noutra das frontes ten un piso faiado con balconada e dous escudos. Prolóngase cunha muralla na que se abre o portón de arco de medio punto.

Entre as dependencias anexas hai dous hórreos e unha capela.

Nel rodouse parte do filme Lobos de Arga.

É de propiedade privada, da familia Espinosa.

Véxase tamén

Outros artigos

• Pazos de Galicia

Ligazóns externas

• Pazo de Cascaxide na páxina web colaborativa Patrimonio Galego.