Pazo de Présaras

O Pazo de Présaras é un pazo situado na parroquia de Présaras, no concello de Vilasantar.

Pazo de Présaras
Concello	Vilasantar
Provincia	A Coruña
Comunidade	Galicia
Coordenadas	43°02′49″N 8°05′40″O
Estilo arquitectónico
Estilo orixinal	(galego)
Estilo actual	(?)
Estado actual	En bo estado
Véxase tamén
Pazos de Galicia
[ editar datos en Wikidata ]

Situación

Atópase no lugar de Eirixe, fronte á igrexa da parroquia de Présaras, da que tamén funciona como casa reitoral.

Características

Trátase dunha edificación do século XVIII con planta en forma de "L" e de dúas alturas. A estrutura está formada por muros de carga de cachotaría, agás nos esquinais e enmarcados dos vans que son de cantería de granito. Ten forxados e cuberta de madeira e tella do país, así como un grande escudo con helmo na fachada. Baixo o mesmo teito conviven a casa reitoral e unha vivenda. O terreo ten hortas e plantacións de froiteiros rodeadas de leiras e prados.

Historia

Foi construído por Valentín Sánchez de Boado tras regresar do Perú como indiano. Tamén construíu a igrexa, cuxo conxunto escultórico encargou a Xosé Gambino.

Bibliografía

López Calderón, Marica (2009). Linguaxe, estilo e modo na escultura de Francisco de Moure e José Gambino (Tese). 

Véxase tamén

Outros artigos

• Pazos de Galicia