Pazo dos Condes de Maceda
O Pazo dos Condes de Maceda, ou Casa do Barón en Pontevedra, é un pazo de orixe renacentista que data do século XVI. Actualmente é un hotel de catro estrelas pertencente á rede de Paradores.
| Pazo dos Condes de Maceda | |
|---|---|
 | |
| Concello | Pontevedra |
| Provincia | Pontevedra |
| Comunidade | Galicia |
| Coordenadas | 42°26′03″N 8°38′46″O / 42.434194444444, -8.6460833333333 |
| Estilo arquitectónico | |
| Estilo orixinal | (Renacemento, século XVI) |
| Estilo actual | Renacemento, Barroco, século XVIII (en bo estado) |
| Estado actual | Galicia |
| [ editar datos en Wikidata ] | |
Localización
editarEstá situado na rúa Barón, no corazón do casco antigo de Pontevedra, preto da ponte medieval do Burgo.
Historia
editarA construción ten a súa orixe nunha vila romana. No século XVI, o edificio transformouse nun pazo renacentista.[1] No século XVIII, o pazo foi reformado por completo por Pedro de Monteagudo[2] e pasou a ser propiedade dos ilustres condes de Maceda. Máis tarde, a propiedade pasou a mans do marqués de Figueroa e Atalaia (tamén conde de Maceda) que o encheu de antigüidades.
No século XIX, o pazo entrou en decadencia e as súas habitacións deshabitadas utilizáronse como almacén de sal mariño e escola para nenos pobres. Dise mesmo que o edificio se converteu nunha loxa masónica. Máis tarde, transformouse nun lugar onde vivían decenas de familias. O barón de Casa Goda, Eduardo de Vera e Navarro, puxo fin a esta decadencia, recuperando as súas posesións e restaurando gran parte do seu antigo esplendor.[3] Por iso é polo que o Parador de Turismo de Pontevedra chámase Casa do Barón.
No século XX, o primeiro andar do pazo converteuse na sede da Escola Graduada Álvarez Limeses e o segundo andar utilizouse como vivenda, sendo a residencia familiar dos directores desta escola ata 1950, cando o Concello de Pontevedra pasou a ser o propietario.[4][5]
O edificio foi rehabilitado como hotel de luxo xestionado polo Estado español, converténdose o 15 de xaneiro de 1955 no primeiro Parador Nacional de Turismo de Galicia.[6] En 1974 realizouse a primeira ampliación do hotel e en 2002 levouse a cabo unha importante mellora por valor de 2,34 millóns de euros.[7]
Descrición
editar
O pazo destaca polas súas impoñentes dimensións e a súa ornamentación señorial.[8]
No exterior, hai un pórtico neoclásico na entrada do edificio. A fachada do edificio, cuberta cun friso de formas ovaladas, está decorada con escudos de armas e rematada por unha columnata de catro columnas de granito.[9] O pazo ten unha torre con ameas engadida no século XVIII e unha gran solaina de pedra. Tamén ten un patio (orixinalmente deseñado para os cabalos) e un xardín.
No interior, hai unha grande escaleira de pedra, unha lareira de pedra e outros elementos barrocos. Hai numerosos salóns. O edificio está decorado con antigüidades, tapices, cadros antigos e mobiliario clásico e real.
Hotel
editarO palacio é agora o Parador de Pontevedra, un hotel de luxo de 47 habitacións. É un dos catro paradores máis populares de Galicia. En 2019, a súa ocupación media anual foi do 72,75%, só por detrás do parador de Santiago de Compostela, o Hospital dos Reis Católicos.[10][11]
O rei Filipe VI adoitaba pernoitar aquí durante a súa estancia na Escola Naval Militar.[12]
Galería
editar-
Fachada -
Fachada principal desde a solaina do pazo -
Vista parcial dos xardíns -
Xardíns -
Torre con ameas do século XVIII -
Patio e pequeno aparcadoiro -
Vista do pórtico de entrada -
Interior -
Unha fachada lateral do pazo -
Placa do Parador -
Pórtico desde o interior -
Xardíns do parador -
Estanque -
Escaleira de pedra do interior -
Xardíns
Referencias
editar- ↑ "El resurgir de Pontevedra". National Geographic (en castelán). 7 de setembro de 2019. Arquivado dende o orixinal o 23 de outubro de 2022. Consultado o 23 de outubro de 2022.
- ↑ "La cárcel vieja de Pontevedra, en la calle Galera". Faro (en castelán). 29 de outubro de 2012.
- ↑ "La Casa del Barón se abre al arte". La Voz de Galicia (en castelán). 21 de outubro de 2009.
- ↑ "«Espero no morirme sin ver la ría libre de las industrias contaminantes»". La Voz de Galicia (en castelán). 28 de novembro de 2009.
- ↑ "«Vivir en lo que hoy es el Parador era un cuento de hadas»". La Voz de Galicia (en castelán). 18 de xaneiro de 2005.
- ↑ "Nuevo Parador Nacional la "Casa del Barón" una realización de la Dirección General de Turismo en Pontevedra Galicia". RTVE (en castelán). 24 de xaneiro de 1955.
- ↑ "Luz verde a la reforma del Parador de Pontevedra". Diario de Pontevedra (en castelán). 26 de maio de 2022.
- ↑ "Los 11 edificios que reconoces si eres de Pontevedra". El Español (en castelán). 28 de xaneiro de 2021.
- ↑ "Parador de Pontevedra. La casa del barón". El Mundo (en castelán). 1 de xuño de 2010.
- ↑ "Pontevedra, entre los cuatro paradores gallegos más solicitados". La Voz de Galicia (en castelán). 3 de febreiro de 2020.
- ↑ "Cifras de oro para el parador de Pontevedra". La Voz de Galicia (en castelán). 8 de decembro de 2018.
- ↑ "Las felicitaciones navideñas especiales". La Voz de Galicia (en castelán). 26 de decembro de 2017.
Véxase tamén
editarWikimedia Commons ten máis contidos multimedia na categoría: Pazo dos Condes de Maceda  |
Bibliografía
editar- Aganzo, Carlos (2010). Pontevedra. Ciudades con encanto (en castelán). El País-Aguilar. pp. 81–82. ISBN 978-8403509344.
- Fontoira Surís, Rafael (2009). Pontevedra monumental. Deputación de Pontevedra. p. 291. ISBN 978-84-8457-327-2.
- Riveiro Tobío, Elvira (2008). Descubrir Pontevedra (en castelán). Edicións do Cumio. p. 25. ISBN 9788482890852.
Ligazóns externas
editar- Casa do Barón Arquivado 01 de xullo de 2020 en Wayback Machine.
- Paradores de España – Casa del Barón