Pazo dos Xil
pazo en Barcia, Lalín
(Redirección desde «Pazo dos Gil»)
O Pazo dos Gil ou Pazo dos Xil está situado na parroquia lalinense de Barcia, no camiño que une Barcia e Ribela. Foi construído no século XVII, sendo un edificio vinculado ás casas de Bergazos e Des. No seu escudo figuran armas dos Gil, Taboada, Varela, Camba e Deza.
| Pazo dos Xil | |
|---|---|
| Coordenadas | 42°37′43″N 8°11′32″O / 42.628539135989, -8.1923182889927 |
| Estilo arquitectónico | |
| [ editar datos en Wikidata ] | |
A planta do edificio é en ele. A solaina está sostida por columnas con capiteis decorados. A factura é de sólidos muros de perpiaño. As columnas do piso inferior están decoradas con diversos motivos. Incluída na construción atópase unha torre lateral rematada con floróns e gárgolas.
O conxunto está flanqueado por un muro de cantería, coa entrada principal de perpiaño en arco de medio punto rematado este por un frontón e escudo sobre a clave.