Portal de Bután 
Bután (en dzongkha: འབྲུག་ཡུལ་; Druk Yul), oficialmente o Reino de Bután (en dzongkha: འབྲུག་རྒྱལ་ཁབ་; Druk Gyal Khap), é unha nación pequena e montañosa do sur de Asia, localizada na cordilleira do Himalaia oriental, entre a India e a China. Fai fronteira coa Rexión Autónoma do Tíbet da China polo norte, co estado indio de Sikkim e o val de Chumbi do Tíbet polo oeste, co estado indio de Arunachal Pradesh polo leste, e cos estados de Assam e Bengala Occidental polo sur. Bután atópase xeopoliticamente no sur de Asia e é a segunda nación menos poboada do continente, despois das Maldivas. Thimphu é a capital e a meirande cidade, mentres que Phuntsholing é o centro financeiro.
A independencia de Bután mantívose durante séculos e non foi colonizado nunca ó longo da súa historia. No século XVII estabeleceuse en Bután unha teocracia budista. En 1865, Gran Bretaña e Bután asinaron o Tratado de Sinchulu, baixo o cal Bután recibiría un subsidio anual a cambio de ceder algo de fronteiras. Baixo a influencia británica, estabeleceuse unha monarquía en 1907; tres anos despois, asinouse un tratado onde os británicos acordaron non interferiren nos asuntos internos butaneses e Bután permitiu a Gran Bretaña dirixir os seus asuntos exteriores. Este rol foi asumido pola India independente logo de 1947. Dous anos despois, un acordo formal indo-butanés devolveu as áreas de Bután anexadas polos británicos, formalizou os subsidios anuais que recibira o país, e definiu as responsabilidades da India na defensa e relacións exteriores.
Artigo destacado
editar
Enténdese por arquitectura dzong (en tibetano: རྫོང་, en transliteración Wylie: rDzong) ó estilo no que se construíron unha serie de fortalezas-mosteiro nas rexións do sur do Himalaia, especialmente en Bután. Os espazos, patios e edificios, quedan definidos por unha construción masiva de muros pautados con torres. Estas fortificaciones construíronse con fins militares, relixiosos (servían de fogar a monxes budistas), e administrativos.
Os dzongs existen dende os primeiros séculos do segundo milenio, aínda que a súa época de esplendor foi o século XVII.
- Muros altos de ladrillo e pedra pintados de branco. Na súa base dispoñen de moi poucas ou ningunha xanela.
- Bandas avermelladas preto do tope dos muros, ás veces puntuadas por grandes círculos dourados.
- Chans dos templos de estilo chinés.
- Entradas masivas construídas de madeira e ferro.
- Patios interiores e templos profusamente decorados con motivos budistas.
Lugar de interese
editar
Thimphu (en dzongkha ཐིམ་ཕུ་), ou tamén Timbu, é a capital de Bután. Situada nun alto val do oeste do país, a 2.350 m.s.n.m., con 98.676 habitantes (2005) é a maior cidade do pequeno estado. É tamén a capital do distrito que leva o seu nome. Á parte de ser a residencia do goberno e do monarca, é tamén a sede estival do Je Khenpo, a autoridade relixiosa do país.
A urbanización da localidade comezou en 1961, cando Thimphu foi proclamada capital nacional, substituíndo a anterior capital, Punakha.
A cidade esténdese polos outeiros occidentais do val do río Wang Chhu, co barrio gobernamental centrado arredor de Tashichoedzong, unha fortaleza do século XIII. Está rodeada de fragas que lle outorgan un aspecto de cidade verde. A rápida expansión subseguinte ao éxodo rural levou a remodelar o centro urbano, mentres, por outra banda, proliferaron os arrabaldes.
Norzim Lam é a arteria principal e está bordeada de tendas, restaurantes, comercios de venda polo miúdo, acompañados de arquerías, soportais e edificios públicos. Outramente, hai unha mestura de edificacións, con casas e almacéns de tipo familiar, aínda que as ordenanzas fixan que todas as construcións deben estar deseñadas no estilo tradicional, con pinturas e motivos decorativos budistas. No fin de semana, un mercado que ten lugar preto do río, fornece de carne e legumes, xunto con artigos turísticos.
 Artigos de calidade (0)
 Artigos bos (0)
Imaxe destacada
editar
|
| Exemplares de takin, o animal nacional de Bután.
|
| Vexa o artigo de Takin.
|
- ...Arquivo
Biografía destacada
editar
Kunzang Choden, nada no distrito de Bumthang en 1952, é unha escritora de Bután. Foi a primeira muller do seu país en publicar unha novela en lingua inglesa.
Filla de terratenentes feudais, aos nove anos foi estudar á India, onde aprendeu inglés. Estudou Psicoloxía na Universidade de Delhi (Indraprastha College) e Socioloxía na Universidade de Nebraska-Lincoln. Traballou para o Programa de Desenvolvemento da Organización das Nacións Unidas en Bután.
Casada cun home suízo, vive en Thimphu. En 2005 publicou a súa primeira novela, The Circle of Karma. Está ambientada na década de 1950, logo da independencia de Bután. A protagonista, traballadora na construción de estradas, debe loitar cos tradicionais e restritivos roles de xénero previos á independencia do país, así como aos novos tipos de sexismo do liberalismo comercial.
Sabías que...?
- ...Arquivo
Portais relacionados
|
