Preeclampsia
A preeclampsia é unha complicación médica do embarazo, tamén chamada toxemia do embarazo, e asóciase a hipertensión inducida durante o embarazo e a elevados niveis de proteína nos ouriños (proteinuria).[1] Debido a que a preeclampsia se refire a un cadro clínico ou conxunto sintomático, no canto dun factor causal específico, estableceuse que pode haber varias etioloxías para o trastorno. É posible que exista un compoñente na placenta que cause disfunción endotelial nos vasos sanguíneos maternos de mulleres susceptibles.[2] Aínda que o signo máis notorio da enfermidade é unha elevada presión arterial, pode desembocar nunha eclampsia, con dano ó endotelio materno, riles e fígado. O único tratamento é o parto, sendo a indución do parto ou a cesárea os procedementos máis comúns. Pode aparecer até seis semanas posparto. É a complicación do embarazo máis común e perigosa, polo que debe diagnosticarse e tratarse axiña, xa que en casos graves pon en perigo a vida do feto e da nai. Caracterízase polo aumento da tensión arterial (hipertensión) xunto ó de proteínas nos ouriños (proteinuria), así como edemas nas extremidades.
| Preeclampsia | |
|---|---|
| Clasificación e recursos externos | |
 A microfotografía amosa unha vasculopatía decidual hipertrófica, un achado histolóxico durante a hipertensión xestacional - un compoñente da preeclampsia. Coloración H&E. | |
| DiseasesDB | 10494 |
| MedlinePlus | 000898 |
| eMedicine | ped/1885 |
 Se cre que pode requirir tratamento, por favor, consúltello ao médico. | |
Notas
editar- ↑ The University of Virginia Health System. "La Hipertensión Inducida por el Embarazo (HIE)". Arquivado dende o orixinal o 04 de xullo de 2008. Consultado o 20 de xullo de 2017.
- ↑ Drife JO, Magowan (eds).