Presión arterial
A presión (ou tensión) arterial (PA) é a presión exercida pola circulación do sangue nas paredes dos vasos sanguíneos, e é un dos principais sinais vitais. En cada latexo do corazón, a PA varía entre un máximo (presión sistólica) e un mínimo (presión diastólica) de presión. A PA media diminúe a medida que a circulación vai dende o corazón para as arterias, e ten a súa maior diminución nas pequenas arterias e arteriolas, e segue a diminuír a medida que o sangue se move a través dos vasos capilares e volve ó corazón polas veas. É un dos signos vitais, xunto coa frecuencia respiratoria, a frecuencia cardíaca, a oxixenación e a temperatura corporal. A presión arterial dun adulto en repouso é de arredor de 120 milímetros de mercurio (16 kPa) sistólicos, e 80 milímetros de mercurio (11 kPa) diastólicos, abreviado "120/80 mmHg".
O termo de presión arterial, xeralmente, refírese a presión medida no brazo dunha persoa, especialmente na arteria braquial, empregando un esfigmomanómetro.[1] Máis recentemente, empréganse outros métodos semiautomáticos por mor do potencial risco de intoxicación por mercurio,[2] aínda que o custo e a facilidade de uso tamén influíron nesta tendencia.[1] As alternativas anteriores ó esfigmomanómetro eran pouco exactas, pero os dispositivos modernos teñen un grao de exactitude semellante ós de mercurio.[1]
A presión do sangue está influída polo gasto cardíaco, a resistencia vascular e a rixidez arterial e varía dependendo da situación, do estado emocional, a actividade e os estado de saúde ou enfermidade. A curto prazo é regulada por barorreceptores que actúan a través do cerebro para influír nos sistemas nervioso e endócrino.
Notas
editar- ↑ 1,0 1,1 1,2 Ogedegbe, Gbenga; Pickering, Thomas (2010-11-01). "Principles and techniques of blood pressure measurement". Cardiology Clinics 28 (4): 571–586. ISSN 1558-2264. PMC 3639494. PMID 20937442. doi:10.1016/j.ccl.2010.07.006.
- ↑ O'brien, Eoin (2001-01-01). "Blood pressure measurement is changing!". Heart (en inglés) 85 (1): 3–5. ISSN 1468-201X. PMC 1729570. PMID 11119446. doi:10.1136/heart.85.1.3.
Véxase tamén
editar| Wikimedia Commons ten máis contidos multimedia na categoría: Presión arterial |
Bibliografía
editar- Pickering TG, Hall JE, Appel LJ, et al. (2005). Subcommittee of Professional Public Education of the American Heart Association Council on High Blood Pressure Research. "Recommendations for blood pressure measurement in humans and experimental animals: Part 1: blood pressure measurement in humans: a statement for professionals from the Subcommittee of Professional and Public Education of the American Heart Association Council on High Blood Pressure Research". Hypertension 45 (5): 142–61. PMID 15611362. doi:10.1161/01.HYP.0000150859.47929.8e. Arquivado dende o orixinal o 07 de xuño de 2011. Consultado o 2009-10-01.