Río Tinto

O Tinto é un pequeno río andaluz de España pertencente á vertente atlántica da Península Ibérica. A súa lonxitude é de aproximadamente 98 quilómetros.

Río Tinto

Tipo	río
Inicio
División administrativa	España
Final
División administrativa	mar a fóra
Localización	Océano Atlántico
37°42′11″N 6°33′10″O B 37°12′31″N 6°56′20″O
Afluentes	Corumbel (en) , Río Odiel
Características
Dimensións	100 () km
Superficie da cunca hidrográfica	739 km²

Ponte romana sobre o Tinto en Niebla

Percorrido

Circunscrito á provincia de Huelva, nace na Serra do Padre Caro, un dos cordais da Serra Morena, a 420 metros de altura, cerca de Nerva. Logo de atravesar as comarcas mineiras da provincia, desemboca entre a cidade de Huelva, na beira dereita, e Palos de la Frontera, na esquerda, onde se lle une o río Odiel, que vén pola dereita, conformando entre ambos os dous a denominada ría de Huelva. Próximo ao seu nacemento se sitúa o maior xacemento mineiro a ceo aberto de Europa, Corta Atalaya, que se vén explotando desde época romana.

Afluentes

O afluente máis importante do Tinto é o río Nicoba, que se lle une pola man dereita, no tramo inferior do curso, que baña a poboación de Valverde del Camino. Entre os tributarios menores do Tinto pódense citar: Jarrama, Domingo Rubio, Corumbel, Casa de Valverde e Candón.

Localidades ás beiras

Desde o nacemento á foz, localízanse ás beiras do Tinto as seguintes poboacións de certa importancia: Minas de Río Tinto, Nerva, Niebla, San Juan del Puerto, Moguer, Huelva e Palos de la Frontera. Cerca desta localidade érguese o famoso mosteiro de La Rábida, xunto co inmediatamente anterior, un dos lugares emblemáticos na vida de Cristovo Colón.

A área da conca do Tinto atinxe 793 km².

Particularidades hídricas

As súas augas vermellas (que xustifican o nome de tinto) caracterízanse por un pH de 2.2 ^{[Cómpre referencia]}, que evidencia unha elevada acidez, o que unido ao alto contido en metais e á escaseza de osíxeno, indican un medio nada favorábel para o desenvolvemento da vida. Porén, tense descuberto que desde antes da aparición do ser humano, nas súas augas especiais vivían microorganismos que se alimentaban tan só de minerais, adaptándose a condicións tan extremas. Por iso a NASA elixiu o río como un hábitat a investigar polas posíbeis similitudes co ambiente do planeta Marte.^{[Cómpre referencia]}

Galería

• 
  Rocas piríticas que tinxen o río
• 
  As augas vermellas do Tinto
• 
  Nacemento do río Tinto