Reinhold Gerstetter
Reinhold Gerstetter, nado en Leonberg, no estado de Baden-Württemberg, o 18 de outubro de 1945, é un artista, litógrafo e deseñador gráfico alemán. É coñecido particularmente polos seus deseños de billetes de banco e selos para diversas institucións emisoras e, neste ámbito, destaca por ser o responsable do redeseño da segunda tiraxe dos billetes de euro, coñecida como serie "Europa".[1]
| Biografía | |
|---|---|
| Nacemento | 18 de outubro de 1945  (79 anos)Leonberg, Alemaña |
| Educación | State Academy of Fine Arts Stuttgart (en)  - deseño gráfico |
| Actividade | |
| Lugar de traballo | Londres Haifa (pt) Berlín |
| Ocupación | deseñador de selos, deseñador gráfico |
| Empregador | Bundesdruckerei (1979–2002) |
| Familia | |
| Fillos | Avitall Gerstetter |
Traxectoria
editarReinhold Gerstetter estudou deseño gráfico na Academia Estatal de Belas Artes de Stuttgart e nos anos posteriores desenvolveu o seu traballo no ámbito da gráfica publicitaria en Londres, Haifa e Berlín. Entre 1979 e 2002 traballou para a Imprenta Federal Alemá (Bundesdruckerei), onde exerceu como deseñador de selos de correos de Alemaña e tamén doutros países, como Israel, Bolivia e o Perú.
En 1987 elixiuse a súa proposta de deseño para a cuarta e derradeira serie de billetes con valor en marcos alemáns, que permaneceu en circulación entre 1990 e 2002, antes da introdución do euro como moeda europea. Pouco tempo despois foi proclamado vencedor do concurso convocado polo Banco de España para os deseños dos billetes de 1.000 e 5.000 pesetas, que se emitiron en 1992 e circularon ata a súa desaparición en 2002.[2]
Gerstetter tamén presentou unha proposta para o deseño da primeira serie dos billetes de euro a principios da década de 2000, aínda que esta non resultou elixida, xa que finalmente se optou pola do deseñador austríaco Robert Kalina.[3]
No entanto, Reinhold Gerstetteren foi seleccionado en maio de 2013 polo Banco Central Europeo para o deseño da segunda edición de billetes de euro, coñecida como "serie Europa". Neste caso, tratábase dun redeseño que tomaba como base e inspiración o orixinal de Kalina.[4][5]
Dáse a circunstancia de que a súa filla, Avitall Gerstetter (nada en 1972) é coñecida por ser a primeira muller "cantora", encargada de dirixir os cantos nunha sinagoga en Alemaña, como membro do movemento Renovación Xudaica.[6]
Galería de deseños de Reinhold Gerstetter
editarBilletes en marcos alemáns
editarBilletes en pesetas
editar-
-
Billete de 2.000 pesetas de 1992. -
Billete de 5.000 pesetas de 1992. -
Billete de 10.000 pesetas de 1992.
Segunda serie de billetes en euros
editar
Selos de correos de Alemaña
editar-
Selo de 0,60 marcos. 100 anos da Orquestra Filharmónica de Berlín. 1982 -
Bombas de auga históricas de Berlín. 1983. -
Outros documentos
editar-
Permiso de residencia en Alemaña para cidadáns da Unión Europea.
Notas
editar- ↑ Maak, Benjamin. "Der schönere Schein". En Spiegel Online. 30 de decembro de 2001.
- ↑ "Billetes y monedas en pesetas: los últimos billetes emitidos". Banco de España.
- ↑ "Robert Kalina – Schöpfer der Euro Banknoten". En http://www.geldschein.at.
- ↑ Gerstetter, Reinhold. "Trajes nuevos para el euro Arquivado 10 de agosto de 2018 en Wayback Machine.". En Billetería. Nº 10. Banco de España. Páxina 21.
- ↑ "Reinhold Gerstetter – Designer der zweiten Euro Serie (Europa-Serie)". En www.geldschein.at.
- ↑ "Cantors: Avitall Gerstetter". En Jewish Community of Berlin.
Véxase tamén
editarOutros artigos
editarWikimedia Commons ten máis contidos multimedia na categoría: Reinhold Gerstetter  |
Ligazóns externas
editar- "Neue Euro, alte D-Mark - der Banknoten-Designer Reinhold Gerstetter im Gespräch "Die Köpfe kommen wieder Arquivado 13 de marzo de 2016 en Wayback Machine.". En Berliner Zeitung. 9 de abril de 2001