Selección de fútbol de Irlanda

A Selección de fútbol de Irlanda, oficialmente Selección de fútbol da República de Irlanda, (en inglés: Republic of Ireland national football team, en irlandés: Foireann peile náisiúnta Phoblacht na hÉireann), é o equipo que representa ao país en competicións internacionais deste deporte. A selección dependende da Asociación de fútbol de Irlanda (Football Association of Ireland / Cumann Peile na hÉireann, FAI), afiliada á UEFA.

Irlanda
Na casa Fóra
Asociación	Football Association of Ireland
Confederación	UEFA (Europa)
Código FIFA	IRL
Alcume	The Boys in Green (Os rapaces de verde)
Clasificación FIFA	34 (11 de xuño de 2020)
Clasificación ConIFA	{{{Ranking ConIFA}}}
Seleccionador	Stephen Kenny
Máis encontros	Robbie Keane (146)
Máximo goleador	Robbie Keane (68)
Estrea internacional Irlandés 1 − 0 Bulgaria Colombes, Francia; 28 de maio de 1924
Maior vitoria Irlanda 8 − 0 Malta Dublín, Irlanda; 16 de novembro de 1983
Maior derrota Brasil 7 − 0 Irlanda Uberlândia, Brasil; 27 de maio de 1982
Copa do Mundo
Participacións	3 (primeira en 1990)
Mellor resultado	Cuartos de final (1990)
Eurocopa
Participacións	3 (primeira en 1988)
Mellor resultado	Oitavos de final (2016)

Historia

Ata o final dos anos '80, estivo á sombra dos seus veciños e rivais de Irlanda do Norte, cuxa selección xa disputara tres Copas do Mundo (1958, 1982 e 1986). Ámbalas dúas seleccións teñen un uniforme similar: camisolas e medias verdes e pantalón branco, cores nacionais da Illa de Irlanda, e tamén empregadas pola Selección Irlandesa que existiu entre 1882 e 1950, ano no que deixou de empregar xogadores de toda a illa, práctica que continuou a ser usada mesmo coa existencia da Selección do Estado Libre Irlandés en 1924, cando disputou os Xogos Olímpicos de Verán dese ano. Ámbalas dúas seleccións denominábanse "Irlanda" entre 1936 e 1953, cando a FIFA decidiu que a Irlanda independente pasaría a ser chamada polo seu nome oficial, "República de Irlanda", mentres que a outra sería chamada "Irlanda do Norte". A partir dos anos '90, ao incluír en boa medida a xogadores nacidos no Reino Unido (principalmente Inglaterra) de ascendencia irlandesa, a situación mudou e a selección de Irlanda conseguiu disputar o seu primeiro Mundial (Italia 1990), clasificándose tamén en 1994 e 2002. Antes diso, xa conseguira clasificarse para a Eurocopa 1988.

A súa mellor participación nas Copas do Mundo tivo lugar en 1990, cando se clasificou na primeira fase, caendo nos cuartos de final fronte a anfitrioa Italia, rematando no 8º posto ao final da competición (curiosamente, foi a única selección en chegar aos cuartos de final dunha edición da Copa do Mundo sen ter gañado ningún partido). Nos mundiais que seguiron realizou un bo papel, pasando sempre de fase e caendo nos oitavos de final. Irlanda non puido clasificarse para o Mundial 2010 ao perder na repesca contra Francia logo dun polémico pase de gol]] de Thierry Henry coa man. Logo da derrota ante Francia, Irlanda solicitou a repetición do partido, non obstante esta petición foi oficialmente denegada pola FIFA o 20 de novembro de 2009.

Uniforme

Uniformes históricos

Local

Clásico	1978–83	1983–84	1984–85	1985	1990
1994 Home	1998	2002	2004	2006	Actual

Visitante

1994

2010

Actual

Xogadores

O xogador de fútbol máis coñecido da illa é Roy Keane. Sen ningún parentesco con Roy, Robbie Keane foi o xogador máis destacado da selección no principio do século XXI. Outros xogadores e ex xogadores destacados son Johnny Giles, John Aldridge, Paul McGrath, Packie Bonner, Tony Cascarino, Denis Irwin, Steve Staunton, Jason McAteer, Shay Given e Damien Duff, entre outros.

Adestradores

Entre 1921 e 1969 un comité de selectores elixiu o equipo, en ocasións era designado un adestrador ou director de equipo; Mick Meagan foi o primeiro xestor de seleccionar o equipo. Os adestradores dos períodos nos que o equipo nacional era coñecido como o Estado Libre Irlandés ou, simplemente, Irlanda, son escuros e moitos non son coñecidos actualmente. Non obstante, coñécese que Val Harris e Bill Lacey dirixiron o combinado irlandés na década de 1930. A continuación móstrase unha lista dos adestradores da selección irlandesa, de 1951 en diante, dende que se converteu na Selección da República de Irlanda:

Adestrador	Carreira	Partidos	Gañados	Empatados	Perdidos	Porcentaxe de vitorias (%)
Doug Livingstone	1951 - 1953
Alex Stevenson
Johnny Carey	1955 - 1967
Noel Cantwell	1967
Charlie Hurley	1967 - 1969
Mick Meagan	1969 - 1971	12	0	3	9	0.00
Liam Tuohy	1971 - 1973	10	3	1	6	30.00
Seán Thomas (provisional)	1973	1	0	1	0	0.00
Johnny Giles	1973 - 1980	37	14	9	14	37.84
Alan Kelly Sr. (provisional)	1980	1	1	0	0	100.00
Eoin Hand	1980 - 1985	40	11	9	20	27.50
Jack Charlton	1986 - 1995	94	47	30	17	50.00
Mick McCarthy	1996 - 2002	68	29	19	20	42.65
Don Givens (provisional)	2002	1	0	1	0	0
Brian Kerr	2003 - 2005	32	17	11	4	53.13
Steve Staunton	2006 - 2007	17	6	5	6	35.29
Don Givens (provisional)	2007 - 2008	2	0	1	1	0
Giovanni Trapattoni	2008 - 2013	64	26	22	16	40.60
Noel King	2013	2	1	0	1	50.00
Martin O'Neill	2013 - presente	14	5	5	4	35.70

Véxase tamén

Ligazóns externas

• Sitio oficial da FAI (en inglés)