Serramoura

Serramoura é unha serie de televisión galega de suspense producida por Voz Audiovisual e emitida na Televisión de Galicia entre o 5 de outubro de 2014 e o 25 de outubro de 2020 en horario de máxima audiencia. Está protagonizada por Lucía Regueiro, Miguel Ángel Blanco, Antonio Mourelos, Isabel Naveira e Uxía Blanco, entre outros.

Serramoura
Formato	Suspense
Creado por	Alberto Guntín, Víctor Sierra, Xosé Morais
Dirixido por	Miguel Conde
Intérpretes	Lucía Regueiro Miguel Ángel Blanco Antonio Mourelos Chechu Salgado Sabela Arán Fran Paredes Isabel Naveira Uxía Blanco Alfonso Agra Miguel Canalejo Miguel Borines Xabier Deive Sheyla Fariña Mariana Expósito Tito Asorey Xosé Barato
País de orixe	Galicia
Episodios	173
Produción
Produtor(es) executivo(s)	Carlos Carballo
Emisión orixinal
Canle de orixe	TVG
Formato de imaxe	16:9
Primeiro episodio	5 de outubro de 2014
Derradeiro episodio	25 de outubro de 2020
Na rede
http://serramoura.com/
[ editar datos en Wikidata ]

Do final de Serramoura xorde unha serie derivada, A lei de Santos, protagonizada por Santos, personaxe interpretado por Monti Castiñeiras.

Sinopse

En Serramoura, unha pequena aldea ficticia que vive da explotación madeireira, Mónica Triáns (Sara Casasnovas) aparece morta no medio do monte con claros signos de se tratar dun asasinato violento. Perante o homicidio, é enviado á vila Diego Bazán (Miguel Ángel Blanco), que xunto coa sarxento local Marga Neira (Lucía Regueiro), tentarán dar coa solución do caso.

Porén, a idiosincrasia da aldea, o conflito de intereses entre as dúas principais familias, os Soutelo e os Fiúza, que pelexarán polo control do serradoiro, e os segredos que todos os habitantes da aldea gardan, farán da resolución do caso unha tarefa complicada.

Elenco

Personaxes principais

• Marga Neira (Lucía Regueiro). Sarxento da Garda Civil.
• Diego Bazán (Miguel Ángel Blanco). Sarxento da Garda Civil que chega á vila para resolver o caso de Mónica Triáns.
• Tomás Penedo (Alfonso Agra). Tenente do cuartel.
• Enrique "Quique" Parcero (Miguel Canalejo), cabo da Gardia Civil.
• Raquel Neira (Isabel Naveira). Irmá da inspectora Marga Neira e administrativa do serradoiro dos Soutelo. Estivo casada con Pancho e ten un fillo de Gonzalo Soutelo.
• Dona Teresa (Uxía Blanco). Nai de Gonzalo Soutelo.
• Evaristo Fiúza (Antonio Mourelos). Pai de Román e cacique de Serramoura, dono da meirande parte dos terreos, empresas e propiedades do pobo.
• Román Fiúza (Chechu Salgado). Fillo dos Fiúza. É socio dun invernadoiro e mantén unha relación con Álex.
• Gloria Fiúza/Moscoso (Sabela Arán). Muller de Evaristo Fiúza e madrasta de Román Fiúza.
• Hugo Aradas (Tito Asorey). Avogado da familia Fiúza.
• Mario Piñeiro alias Santos (Monti Castiñeiras). Delincuente habitual de Serramoura
• Francisco "Pancho" Suárez (Xabier Deive). Traballa no empresa de madeira de Evaristo Fiúza, marido Raquel Neira e pai de Álex.
• Ramón "Moncho" Neira (Miguel Borines). Pai de Marga e Raquel Neira.
• Luz (Mariana Expósito). Camareira da taberna de Evaristo Fiúza.
• Peixe (Andrés Giráldez).
• Roi Quiroga (Xúlio Abonjo). Sarxento da Garda Civil que substitúe a Diego Bazán.
• Patri (Sonia Méndez). Cabo da Garda Civil.

Personaxes secundarios

Igrexa de San Román das Encrobas (Cerceda), usada na ficción como igrexa parroquial de Serramoura.

• Mónica Triáns/Márquez (Sara Casasnovas). Asasinada no primeiro capítulo, con aparicións esporádicas ata o capítulo 13. Asasinada por Gonzalo Soutelo.
• Emilio de la Cruz (Xosé Barato). O médico de Serramoura. Asasinado no capítulo 10 por Gonzalo Soutelo.
• Gonzalo Soutelo (Fran Paredes). Ex-propietario do serradoiro de Serramoura. Suicidouse no capítulo 17.
• Don Amancio (Xavier Estévez). O cura de Serramoura.
• Kiko (Kiko Carracedo). Traballador e matón de Evaristo Fiúza.
• Rogelio (César Cambeiro). O alcalde de Serramoura.
• Merche (Ánix Vidal). A muller do exalcalde.
• Raúl Salzar (Xosé Manuel Esperante)
• Tito (Sergio Zearreta). Traballador do serradoiro.
• Andrés (Suso Cortegoso). Pirómano.
• Víctor (Marcos Correa)
• Félix (Pepe Penabade). Dono do club Bolboreta.
• Chisco (Vicente Mohedano). Sicario.
• Sara (Estíbaliz Veiga). Irmá de Luz. (Capítulos 12-17)
• Xuíz Xoaquín (Chencho Campos)
• Xoán (Artur Trillo). Membro da cuadrilla de Evaristo.
• Pablo (Rubén Castro). Irmán de Xoán.
• Inés Carro (Mónica García). Sarxento enviada para levar o caso do secuestrador de rapazas. . (Capítulos 20-23)
• Anxo Rincón (Fernando Dacosta). O secuestrador de rapazas. Morre asasinado por Inés Carro. (Capítulos 20-23)
• Candi (Paulo Serantes) (Capítulos 26-27) Irmán de Iago.
• Iago (Alberto Rolán) (Capítulos 26-28) Irmán de Candi.
• María (María Salgueiro). (Capítulo 14-29)
• Roque (Toño Casais). (Capítulo 14-29)
• Carmen Varela (Iria Pinheiro). A nai de Marga e Raquel.
• Vigairo (Marcos Viéitez).
• Claudio Noriega (Marcos Orsi).
• Lourdes (Carmen Blanco).
• Pepe (Xan Casas).
• Helena (Paula Pier). Filla de María e Roque. (Capítulo 17-29)
• Silvia (Mariña Sampedro). Filla de María e Roque. (Capítulo 17-29)
• Tino Moreira (Ando Caravajal). Un madeirista de Serramoura.
• Marisa (Mariana Carballal). Muller de Tino.
• Álex Suárez Neira (Sheyla Fariña). Filla de Raquel e Pancho. (Capítulos 1-30)
• Ramiro (Iñaqui Rosado). Violador de Luz.
• Martín (Denís Gómez). (Temporada 1,2,3) Novo médico de Serramoura e sobriño carnal de Teresa.
• Solokov (César Aldea). Un dos xefes rusos.
• Mari Carmen «Maca» (Arantxa Treus). A secretaria do alcalde, de Rogelio e Evaristo.
• Olaia Piñeiro (Leire Rodríguez). Olaia é a filla máis vella dos Piñeiro e a única que se salvou do crime tan espantoso que aconteceu na súa familia na cal morreron os seus pais e o seu irmán.
• Martín Piñeiro (Fernando Torres). Pai de Olaia brutalmente asasinado xunto á súa muller e o seu fillo no Capítulo 39 "Contar ata Cen".
• Aurora Garrido (Almudena Ripamonti). A profesora de inglés de Olaia Piñeiro.
• Camilo Currás (Tacho González). O director do colexio.
• Marcial Cesures (Santi Prego)
• Fatmir (José Luis López Sacha)
• Micaela Morais (Melania Cruz). Unha xefa galega da banda dos rusos.
• Clara Durán (Paula Sanmartín). Unha garda civil infiltrada na banda dos rusos.
• África (Cristina Iglesias).
• Abel (Mateo González). Un psicólogo que colabora coa Garda Civil, que volveu corrupto para salvar ó seu irmán Elías.
• Elías (Javier Varela). Un louco que estaba tiña unha relación coa súa irmá, a cal se suicidou porque Abel os separara. E secuestrou varias rapazas para substituíla.
• Alicia (Laura Míguez). A rapaza secuestrada por Elías para substituír a súa irmá Alicia.
• Cabo Beatriz Vara (Marta Lado).
• Daniel Bolaño (Manuel Regueiro). Un dos criminais máis perigosos que pasaron por Serramoura.
• Capitán Sandra Cerqueiro (Mónica Caamaño). Unha capitán da Garda Civil corrupta que emprega métodos ilegais para acabar cos delincuentes.
• Tenente Dolores Rivas (Susana Sampedro). Foi tenente no cuartel de Serramoura. Mantivo unha relación sentimental con Santos. Acaba secuestrada e asasinada por Antía Rey.
• Isabel (Miriam Rodríguez Gallego)
• Aurora (Ledicia Sola)
• Brais (Alejandro Jato)
• Tania Márquez (Magdalena Barro)
• Carla (Raquel Espada). Veterinaria.
• Álvaro (Lino Braxe). Pai de Carla.
• Berta (Carmen Méndez). Propietaria dunha explotación gandeira.
• Rebeca (Ana Conca). Representante dunha multinacional madeireira.
• Matías (Manuel Lorenzo). Abade do mosteiro de Santa Catarina.
• Xerardo (Lucho Penabade). Abade do mosteiro de Santa Catarina.
• Ezequiel (Fran Lareu). Monxe da congregación de Santa Catarina.
• Sabela (Catuxa Leira)
• Darío (Xaquín Domínguez)
• Eduardo (Manuel Sanmartín). Perigoso criminal.
• Emilia (Iris Darriba)
• Kiko (Kiko Carracedo). Cuadrilátero de Evaristo.

Episodios e audiencias

Artigo principal: Lista de episodios de Serramoura.

Tempada		Nº Episodios	Estrea	Final	Audiencia media
					Espectadores	Cota
	1	24	5 de outubro de 2014	22 de marzo de 2015	181 000	15,0%
	2	15	4 de outubro de 2015	17 de xaneiro de 2016	167 000	15,2%
	3	9	8 de maio de 2016	10 de xullo de 2016	132 000	12,3%
	4	18	2 de outubro de 2016	29 de xaneiro de 2017	181 000	17,4%
	5	21	5 de febreiro de 2017	25 de xuño de 2017
	6	20	22 de outubro de 2017	28 de febreiro de 2018	122 000	12,4%
	7	15	11 de marzo de 2018	17 de xuño de 2018	124 000	12,2%
	8	16	7 de outubro de 2018	20 de xaneiro de 2019	112 000	11,5%
	9	18	27 de xaneiro de 2019	9 de xuño de 2019
	10	10	3 de maio de 2020	5 de xullo de 2020
	11	7	13 de setembro de 2020	25 de outubro de 2020	89 000	10,6%
Total		173	2014	2020	133 890	12,9%

Galardóns e nomeamentos

Premios Mestre Mateo

Nos Premios Mestre Mateo de 2014, Serramoura estivo nomeado a 9 premios en 8 categorías, resultando gañador no premio á mellor serie de televisión. Nos Premios Mestre Mateo de 2015, Serramoura volve estar nomeada a 9 premios en 9 categorías.

Ano	Categoría	Receptor	Resultado
2014	Mellor serie de televisión	Voz Audiovisual para TVG	Gañadora
	Mellor director	Miguel Conde e Jorge Saavedra	Nomeados
	Mellor actriz protagonista	Lucía Regueiro	Nomeada
	Mellor actor secundario	Antonio Mourelos	Nomeado
		Monti Castiñeiras	Nomeado
	Mellor guión	Alberto Guntín, Víctor Sierra e Xosé Morais	Nomeados
	Mellor música orixinal	Manu Conde	Nomeado
	Mellor son	Alfonso Couceiro e Víctor Seixo	Nomeados
	Mellor fotografía	Xosé Manuel Neira	Nomeado
2015	Mellor serie de televisión	Voz Audiovisual para TVG	Gañadora
	Mellor director	Miguel Conde, Jorge Saavedra e Manuel A. Espiñeira	Nomeados
	Mellor actor secundario	Monti Castiñeiras	Nomeado
	Mellor guión	Alberto Guntín, Víctor Sierra e Xosé Morais	Nomeados
	Mellor dirección de arte	Ángel Amaro	Nomeado
	Mellor dirección de produción	Paula Fernández	Nomeada
	Mellor montaxe	Marisol Torreiro, Dani Castro, Óscar González, Lu Rodríguez, Pablo Muñoz e Pablo Paz	Nomeados
	Mellor música orixinal	Manu Conde	Nomeado
	Mellor son	Alfonso Couceiro e Víctor Seixo	Nomeados

Celtic Media Festival

Ano	Categoría	Receptor	Resultado
2015	Mellor serie de drama	Voz Audiovisual para TVG	Nomeado

Emisión noutros países

Desde o 25 de outubro de 2016 a canle rusa AXN Sci-Fi emite a serie co título de Черный лес.

Tamén se emitiu nos Estados Unidos baixo o nome de Black Forest.

Véxase tamén

Ligazóns externas

• Serramoura, na web da CRTVG