Stay (filme de 2005)

Stay é un filme estadounidense de 2005 dirixido por Marc Forster e escrito por David Benioff. Está protagonizado por Ewan McGregor, Naomi Watts, Ryan Gosling e Bob Hoskins, cunha produción de Regency e distrubución de 20th Century Fox. O filme representa intensas relacións centradas na realidade, o amor, a morte, o suicidio e o Alén.

Stay
Ficha técnica
Título orixinal	Stay
Director	Marc Forster
Produtor	Arnon Milchan
Guión	David Benioff
Intérpretes	Ewan McGregor Naomi Watts Ryan Gosling
Música	Asche & Spencer
Fotografía	Roberto Schaefer
Montaxe	Matt Chessé
Estudio	Regency Enterprises New Regency
Distribuidora	20th Century Fox
Estrea	24 de setembro de 2005
Duración	99 minutos
Orixe	Estados Unidos
Xénero	Suspense psicolóxico
Orzamento	50 millóns de dólares
Recadación	8,48 millóns de dólares
Na rede
http://www.staythemovie.com/

Sinopse

Henry (Ryan Gosling) é un mozo atípico, que lle di ao seu psiquiatra, Sam Foster (Ewan McGregor), que se vai suicidar. O psiquiatra, desesperado, tenta impedir que o faga, atopándose cada vez máis atrapado na vida de Henry, e máis tarde no labirinto do seu subconsciente. Ao principio, simplemente tensa e altera a relación de Sam coa súa noiva Lila (Naomi Watts), unha pintora e antiga paciente, pero axiña a comprensión firmemente arraigada de Sam do mundo racional comeza a esvaecerse. Sometido a encontros cada vez máis surrealistas e a unha cidade que se transforma nunha paisaxe tremendamente cambiante, Sam xa non pode distinguir o que é realidade do que só pasa na súa cabeza, nin onde comeza e onde remata Henry.

Personaxes

• Ewan McGregor como Dr. Sam Foster
• Naomi Watts como Lila Culpepper
• Ryan Gosling como Henry Letham
• Bob Hoskins como Dr. Leon Patterson
• Janeane Garofalo como Dr. Beth Levy
• Elizabeth Reaser como Athena
• B.D. Wong como Dr. Bradley Ren
• Kate Burton como Maureen Letham
• Amy Sedaris como Toni
• Isaach de Bankolé como o profesor
• Michael Gaston como Sheriff Kennelly
• Mark Margolis como dono da tenda de libros
• Michael Devine como garda de seguridade
• Riley G Matthews Jr como oficial #1
• Vito Violante como oficial #2