Sud Aviation Caravelle

O Sud Aviation Caravelle é un reactor francés de pasaxeiros de alcance curto/medio. Ten a distinción de ser o primeiros avión de pasaxeiros a reacción desenvolvido para o mercado do curto e medio alcance.

Sud Aviation Caravelle
Tipo	avión de pasaxeiros de fuselaxe estreita
Fabricante	Sud Aviation
Primeiro voo	27 de maio de 1955
Introducido	26 de abril de 1959
Produción	1958-1972
Unidades construídas	282

O desenvolvemento do Caravelle polo fabricante francés SNCASE, unha compañía que tiña gañas de producir un avión de pasaxeiros que utilizase a nova tecnoloxía da propulsión a reacción, comezou a principios dos anos 50. Co obxectivo de conseguilo, SNCASE asociouse con compañías británicas como de Havilland (que proporcionou deseño e compoñentes que desenvolvera para o seu propio reactor de pasaxeiros, o de Havilland Comet) e Rolls-Royce Limited (o provedor do motor do Caravelle, o Rolls-Royce Avon). A meirande parte do desenvolvemento do avión, incluído o seu voo de estrea o 27 de maio de 1955, foi realizado por SNCASE. Na época na que o Caravelle entrou en servizo o 26 de abril de 1959 a firma fusionárase no conglomerado Sud Aviation.

Aos poucos anos de entrar en servizo o Caravelle converteuse nun dos reactores de pasaxeiros de primeira xeración máis exitoso de Europa. O avión logrou importantes vendas para operadores en toda Europa e ata logrou penetrar no mercado dos Estados Unidos, pedindo United Airlines 20 unidades. O Caravelle estableceu o motor montado a popa e a configuración de á limpa que aínda é usado no presente en avións de pasaxeiros pequenos.

Variantes

Variantes

Variante	Lonxitude	Motores	Pasaxeiros
Caravelle I	32,01 m	RA-29 Mk.522	80
Caravelle IA	32,01 m	RA-29 Mk.522A	80
Caravelle III	32,01 m	RA-29 Mk.527 and 527B	80
Caravelle VI-N	32,01 m	RA-29 Mk.531 and 531B	80
Caravelle VI-R	32,01 m	RA-29 Mk.533R	80
Caravelle 10R	32,01 m	P&W JT8D-7	80
Caravelle 11R	32,71 m	P&W JT8D-7	89-99
Caravelle 10B	33,01 m	P&W JT8D-7	105
Caravelle 12	36,24 m	P&W JT8D-9	140