Suplemento ao título
O suplemento ao título é unha ferramenta que se desenvolveu no marco do proceso de Boloña, destinada a facilitar a comprensión dos estudos realizados. Non contén xuízos de valor e está emitido por institucións nacionais consonte un modelo desenvolvido conxuntamente por un grupo de traballo da Comisión Europea, o Consello de Europa e a UNESCO.[1]
O suplemento europeo ao título consta de oito partes:[2]
- Información sobre a persoa titular.
- Información sobre o título.
- Información sobre o nivel de cualificación.
- Información sobre o contido e os resultados obtidos.
- Información sobre a función da titulación.
- Información adicional.
- Certificación do suplemento.
- Información sobre o sistema nacional de ensino superior.
En xaneiro de 2005, o suplemento ao diploma adheriuse ao dispositivo Europass, "marco comunitario único para a transparencia das cualificacións e das competencias" en Europa.[3]
Notas
editar- ↑ "Final report of the joint European Commission, Council of Europe, UNESCO/CEPES diploma supplement working party Arquivado 30 de outubro de 2016 en Wayback Machine.". (En inglés)
- ↑ "Diploma Supplement. What is it? Arquivado 06 de abril de 2017 en Wayback Machine.". (En inglés)
- ↑ "Europass. Davantage de mobilité pour étudier et travailler en Europe". (En francés)