Volver

Volver
	Penélope Cruz e Pedro Almodóvar no Festival de Cannes de 2006.
Ficha técnica
Título orixinal	Volver
Director	Pedro Almodóvar
Produtor	Esther García ; (produtora); Agustín Almodóvar ; (executivo)
Guión	Pedro Almodóvar
Intérpretes	Penélope Cruz; Carmen Maura; Lola Dueñas; Blanca Portillo; Yohana Cobo; Chus Lampreave
Música	Alberto Iglesias
Fotografía	José Luis Alcaine
Montaxe	José Salcedo
Distribuidora	Sony Pictures Classics
Estrea	17 de marzo de 2006
Duración	121 minutos
Orixe	España
Xénero	Drama
Orzamento	9,4 millóns de dólares
Recadación	87,2 millóns de dólares
Na rede
	http://www.clubcultura.com/clubcine/clubcineastas/almodovar/volverlapelicula/index.html

Volver é un filme español de 2006 dirixida por Pedro Almodóvar.

Sinopse

Segundo as propias palabras de Almodóvar, a película fálanos de "tres xeracións de mulleres sobreviven ó vento solano, ó lume, á tolemia, á superstición e ata á morte a base de bondade, mentiras e unha vitalidade sen límites".

Elas son Raimunda (Penélope Cruz) casada cun obreiro en paro e unha filla adolescente (Yohana Cobo); Sole (Lola Dueñas), a súa irmá, gaña a vida como peiteadora, e a nai de ambas, Irene (Carmen Maura), morta nun incendio xunto ó seu marido. Este personaxe aparécese primeiro á súa irmá (Chus Lampreave) e despois a Sole, aínda que con quen deixou importantes asuntos pendentes foi con Raimunda e coa súa veciña do pobo, Agustina (Blanca Portillo).

"Volver" non é unha comedia surrealista, aínda que en ocasións o pareza. Vivos e mortos conviven sen estridencias, provocando situacións hilarantes ou dunha emoción intensa e xenuína. É unha película sobre a cultura da morte na miña Mancha natal. Os meus paisanos vívena cunha naturalidade admirable. O modo en que os mortos continúan presentes nas súas vidas, a riqueza e humanidade dos seus ritos fai que os mortos non morran nunca. "Volver" destrúe os tópicos da España negra e propón unha España tan real como oposta. Unha España branca, espontánea, divertida, intrépida, solidaria e xusta.

Comentarios

A estrea mundial produciuse en Puertollano (Cidade Real) o 10 de marzo de 2006. A oficial foi o 16 de marzo de 2006 no Palacio da Música da Gran Vía madrileña. Giorgio Armani patrocinou o evento.

En Volver prodúcese o reencontro coa súa «musa» por excelencia, Carmen Maura, a cal encarna o papel dunha «avoa pantasma». No seu anterior filme, La mala educación, aparece a modo de chiscadela-pista o cartel dunha suposta película que o personaxe de Enrique Goded rodaría: La abuela fantasma. Ademais, no despacho do director das oficinas de «El Azar S.A.», aparece o cartel doutra das películas de Goded (Fele Martínez), o cal mostra, na parte inferior esquerda, o nome da principal protagonista: Carmen Maura. Todos estas chiscadelas daban moitas pistas do encontro que levaría a cabo na próxima película almodovariana, Volver. Xa en La flor de mi secreto Amanda Gris escribe un libro, que a editorial rexeita por ser demasiado negro, no que unha muller esconde o cadáver do seu marido nun arcón conxelador.

Volver rende homenaxe ó perseverante e asfixiante loito que incitou ó director manchego a plasmar un universo de cor cuxas raíces están intimamente ligadas ó movemento Pop Art promovido por Andy Warhol. Sobrexpoñer a cotidianeidade de personaxes marxinados e desprazados por mor das fortes estruturas de poder da sociedade, é unha das características que, en esencia, resume a éxtase que Pedro Almodóvar transmite a través dos seus personaxes.

Almodóvar dirixe Volver de xeito máis fluído que nunca. Notamos a súa esencia en cada un dos planos do filme: reflexos en autobuses, tricolor na entrada do bar, primeirísimos primeiros planos arrepiantes (papel de cociña empapándose de sangue). Almodóvar volve a un aspecto xa homenaxeado en Todo sobre mi madre: mulleres ó bordo do abismo cuxas mellores armas son as mentiras e a estratexias que usan para ocultar (Volver é unha película na que se oculta moito); de feito, todas as actrices ocultan, nun momento ou outro, converténdose deste xeito en excelentísimas actrices vítimas da cotidianeidade social na que se atopan mergulladas. Ademais, a soidade (elemento clave en Hable con ella) convértese nunha «pantasma» que sobrevoa a película dun xeito moi sutil pero profunda. Frases como «Estou soa, coma sempre», «imaxino as soidades que pasarías», «non me fagas chorar, que as pantasmas non choran» deixan constancia dun selo almodovariano por excelencia. Capaz de mostrar unha suposta pantasma de xeito cómico pero envolvido nun contexto dramático, é unha habilidade cinematográfica que Almodóvar aborda mellor que ninguén. Bágoas, sorrisos, gargalladas, pantasmas, rusas, peiteadoras, clientas maruxas, bicos e rituais manchegos, acoso sexual, porros, prostitución, televisión lixo, mentiras, contas pendentes, soidade, mortes, nacementos, xoias de plástico, estampados floreados e unha infinidade de voltas, son os elementos que flúen, de xeito totalmente libre e diluído, por cada un dos minutos de metraxe de Volver.

Fai unha crítica ós programas de televisión que denominan telelixo, é unha homenaxe e referencia a Bellissima (Bellísima) de Luchino Visconti e ata o aspecto de Penélope Cruz é idéntico ó de Anna Magnani en Bellissima. Así como Magnani leva a súa filla a un concurso de talento, en Volver Irene leva á súa filla a un concurso televisivo de talento. Os personaxes teñen o acento da Mancha e na súa maioría son mulleres.

Elenco de actores

Penélope Cruz (Raimunda)
Carmen Maura (Irene)
Lola Dueñas (Sole)
Blanca Portillo (Agustina)
Yohana Cobo (Paula)
Chus Lampreave (Tía Paula)
Antonio de la Torre (Paco)
Carlos Blanco Vila (Emilio)
María Isabel Díaz (Regina)
Neus Sanz (Inés)
Leandro Rivera (Auxiliar Produción)
Yolanda Ramos (Presentadora TV)
Carlos García Cambero (Carlos)
Pepa Aniorte (Veciña)
Elvira Cuadrupani (Veciña)
María Alfonsa Rosso (Veciña)
Fany de Castro (Veciña)
Eli Iranzo (Veciña)
Magdalena Brotto (Veciña)
Isabel Ayúcar (Veciña)
Concha Galán (Veciña)
Marie Franç Torres (Veciña)
Natalia Roig (Veciña)
Pilar Castro (Axudante da presentadora, escenas eliminadas)
Carmen Machi (escenas eliminadas)
Raimunda Sánchez Expósito (anciá que queda durmida no funeral)
Agustín Almodóvar (empregado da froitaría)

Premios e candidaturas

Oscar

Categoría	Acode	Resultado
Mellor actriz	Penélope Cruz	Candidata

Goya 2006

Categoría	Acode	Resultado
Mellor película		Gañadora
Mellor director	Pedro Almodóvar	Gañador
Mellor actriz	Penélope Cruz	Gañadora
Mellor actriz secundaria	Carmen Maura	Gañadora
Mellor actriz secundaria	Lola Dueñas	Candidata
Mellor actriz secundaria	Blanca Portillo	Candidata
Mellor guión orixinal	Pedro Almodóvar	Candidato
Mellor dirección de produción	Antonio Norella	Candidato
Mellor música orixinal	Alberto Iglesias	Gañador
Mellor dirección artística	Salvador Parra	Candidato
Mellor deseño de vestiario	Gina Daigeler	Candidata
Mellor fotografía	José Luís Alcaine	Candidato
Mellor maquillaxe e peiteado	Gina Daigeler	Candidata
Mellor deseño de vestiario	Ana Lozano, Massimo Gattabrus	Candidatos
Mellor son	Miguel Reixas	Candidato

Premios César

Categoría	Resultado
Mellor película estranxeira	Candidata

Festival de Cannes

Categoría	Acode	Resultado
Mellor interpretación feminina (ó conxunto de actrices)	Penélope Cruz, Carmen Maura, Blanca Portillo, Lola Dueñas, Chus Lampreave e Yohana Cobo	Gañadoras
Mellor guión orixinal	Pedro Almodóvar	Gañador
Premio FIPRESCI da Federación Internacional da Crítica de Cine á mellor película do ano		Gañador

Nota: É a segunda vez que FIPRESCI elixe un filme de Almodóvar como o mellor do ano, xa que en 1999 o Gran Premio foi para Todo sobre mi madre.

Premios do cine europeo

Categoría	Persoa	Resultado
Mellor película europea		Candidata
Mellor director	Pedro Almodóvar	Gañador
Mellor actriz	Penélope Cruz	Gañadora
Mellor guión orixinal	Pedro Almodóvar	Candidato
Mellor compositor	Alberto Iglesias	Gañador
Mellor fotografía	José Luís Alcaine	Candidato
Premio do público á mellor película europea do ano	Gañador

Medallas do Círculo de Escritores Cinematográficos 2006

Categoría	Persoa	Resultado
Mellor película		Gañadora
Mellor director	Pedro Almodóvar	Gañador
Mellor actriz	Penélope Cruz	Gañadora
Mellor actriz secundaria	Carmen Maura	Gañadora
Mellor guión orixinal	Pedro Almodóvar	Gañador
Mellor música	Alberto Iglesias	Gañador

Outros premios

Premio do Público e Especial do Xurado no 13º Festival Internacional de Cine de Valdivia (Chile).
Mellor actriz do ano (Penélope Cruz) na décima edición do Festival de Cine de Hollywood.
O 28 de setembro de 2006, a Academia das Artes e as Ciencias Cinematográficas de España elixiu Volver como representante española nos Oscar.