Vyšehrad

Vyšehrad é un castelo situado na cidade de Praga, capital da República Checa. Foi probablemente erguido durante século X, nun outeiro sobre o río Moldava. Situado dentro do castelo está a Basílica de San Pedro e San Paulo, así como o cemiterio de Vyšehrad, onde están o restos de moitos checos famosos como Antonín Dvořák, Bedřich Smetana, Jaroslav Heyrovský ou Alphonse Mucha.

Vyšehrad
monumento nacional da República Checa e monumento cultural da República Checa
Coordenadas	50°03′52″N 14°25′04″L
Estilo arquitectónico
[ editar datos en Wikidata ]

Vyšehrad visto dende o río Moldava.

Unha lenda local sostén que Vyšehrad foi o lugar onde houbo o primeiro asentamento do que logo se convertería en Praga, aínda que até o momento non hai ningunha proba que sosteña a teoría. En 2001 o Distrito de Vyšehrad tiña 1.731 habitantes.

Historia

Cando a dinastía premislida se asentou na actual zona do Castelo de Praga, os dous castelos mantiveron esferas de influencia opostas durante ao redor de dous séculos. Este segundo asento dos soberanos bohemios foi erixido sobre unha rocha escarpada directamente sobre a marxe dereita do río Moldava no século XX. O cumio de Vyšehrad foi durante a segunda metade do século XI, cando Ladislau II trasladou a súa sede dende o Castelo de Praga, e a fortaleza orixinal foi remodelada como un complexo que comprendía residencia palaciana do soberano e unha igrexa. O período de crecemento rematou ao redor do ano 1140, cando o príncipe Sobeslao trasladou de novo a corte cara ao Castelo de Praga.

Cando o emperador Carlos IV comezou a reformar o Castelo de Praga para medrar até ás súas dimensións actuais século XIV, o castelo de Vyšehrad deteriorouse e foi abandonado como residencia real. Con todo, o complexo foi posteriormente renovado polo propio Carlos IV, construíndose novas fortificacións, con dúas novas portas e un Palacio Real mentres que a Basílica de Padro e San Paulo foi reparada. A principios da guerras husitas, Vyšehrad foi conquistado e saqueado polos husitas en 1420 e novamente en 1448 polas tropas do rei Xurxo de Podiebrad. O castelo foi abandonado e converteuse en ruínas. Someteuse a unha renovación no século XVII, cando a dinastía dos Habsburgo se fixo cargo das Terras Checas despois da Guerra dos Trinta Anos e foi remodelado en 1654 como fortaleza barroca, converténdoo nun centro de formación para o Exército de Austria, para ser posteriormente incorporado como parte da muralla barroca de Praga.

A forma actual de Vyšehrad como residencia fortificada, coas grandes murallas de ladrillo, bastións e o Tábor e as Portas de Leopoldo, é resultado da remodelación barroca. O Cihelná brána (do checo: porta de ladrillo) é unha estrutura de estilo imperial de 1841. A parte principal da Porta de Špička, partes da ponte románica e o miradoiro gótico en ruínas de Libušina lázeň son os únicos fragmentos que se conservan da Idade Media. A rotonda románica de San Martiño data da segunda metade do século XI. Do século XI é tamén a Basílica dos Santos Pedro e Paulo que domina Vyšehrad, posteriormente remodelada na segunda metade do século XIV, e novamente entre 1885 e 1887 con estilo neogótico. Vyšehrad e a súa área circundante convertéronse en parte da cidade en 1883. Hoxe a zona é un dos distritos catastrais de Praga.

Galería

• 
  Vista xeral de Vyšehrad
• 
  Basílica de San Pedro e San Paulo
• 
  Basílica de San Pedro e San Paulo
• 
  Cemiterio de Vyšehrad
• 
  Rotonda de San Martiño (século XI)
• 
  Porta de Leopoldo

Véxase tamén

Ligazóns externas

• Sitio web oficial (en inglés)
• Galería de fotos de Vyšehrad (en inglés)