Xbox 360
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde decembro de 2014.) |
A Xbox 360 é unha videoconsola producida por Microsoft en colaboración con IBM, ATI, Samsung e SiS, é a sucesora da Xbox. Compite coa PlayStation 3 de Sony e a Wii de Nintendo como parte da sétima xeración de videoconsolas.
Características
editarA Xbox 360 intégrase co servizo Xbox Live que lles permite os xogadores competir en liña e descargar contidos tales como videoxogos, demos, trailers, programas de televisión e películas. Tamén é compatible co Windows Media Center con soporte para alta definición en todos os xogos, alugueiro de películas e descarga de xogos no seu servizo en liña, así como tamén a habilidade para HD DVD en alta definición. As súas principais características técnicas, é o CPU baseado no PowerPC de IBM e o seu GPU que soporta a tecnoloxía Unified Shader. O sistema incorpora portos USB 2.0 e un porto especial para engadirlle un disco duro externo. A Xbox 360 é parcialmente compatible cos xogos da Xbox, pero necesita obrigatoriamente un disco duro para almacenar os parches que posibilitan que funcionen.
Deuse a coñecer por primeira vez na MTV o 12 de maio de 2005. Saíu ó mercado o 22 de novembro de 2005 nos Estados Unidos e o Canadá e en decembro na Unión Europea e o Xapón, segundo Microsoft ata o 31 de marzo de 2009 vendéranse máis de 30 millóns de unidades en todo o mundo. Actualmente a Xbox 360 está dispoñible en tres configuracións, Arcade, Pro e Elite, esta última é a máis avanzada dispoñible desde o 28 de marzo de 2007 nos Estados Unidos, dispón dun disco duro de 120 Gb e High-Definition Multimedia Interface