Xenebra, Suíza

Xenebra, Suíza
	Genève (fr)
Localización
	46°12′N 6°09′L / 46.2, 6.15
Estado federado	Suíza
Cantóns	Cantón de Xenebra
Capital de	Cantón de Xenebra (1815–)
Poboación
Poboación	203.840 (2022) (12.804,02 hab./km²)
Lingua oficial	lingua francesa
Xeografía
Superficie	15,92 km²
Bañado por	Río Ródano, Rio Arve (pt) e Lago Léman
Altitude	396 m
Comparte fronteira con	Carouge (pt) ; Pregny-Chambésy (pt) ; Vernier ; Grand-Saconnex ; Lancy (pt) ; Chêne-Bougeries ; Cologny (pt) ; Veyrier (pt)
Organización política
• Alcalde	Alfonso Gómez Cruz (2023–2024)
Membro de	Liga de Cidades Históricas
Identificador descritivo
Código postal	1201, 1202, 1203, 1204, 1205, 1206, 1207, 1208, 1209, 1211 e 1200
Fuso horario	UTC+01:00
Prefixo telefónico	22
Código de municipio suízo	6621
Lugar do Patrimonio suízo
Identificador	ISOS 1840
Sitio web	geneve.ch

Para outras páxinas con títulos homónimos véxase: Xenebra.

Xenebra^[1] (en francés Genève [ʒəˈnɛv], en italiano Ginevra, en alemá Genf, en romanche: Genevra) é a segunda cidade máis grande de Suíza e a capital do cantón de Xenebra. En total, 203.856 persoas habitan no concello de Xenebra (2020). A lingua oficial é o francés.

Xeografía

Centro comercial, bancario, industrial, intelectual e universitario, a cidade foi construída no lugar onde o Ródano deixa o lago Léman, ou lago Xenebra, e conflúe co río Arve, concretamente na beira suroeste do lago. Atópase nun fondo rodeada polo Salève e o Xura e a tan só unha hora en coche do mítico Mont Blanc, visible dende a cidade.

Na rada de Xenebra atópanse as pedras de Niton, unha das cales é o punto de referencia de todas as altitudes de Suíza. Trátase de dúas grandes rochas que emerxen do propio lago e que datan da última Idade do xeo.

Historia

Panorama da cidade en 1860.

A cidade aparece mencionada por primeira vez tras a súa toma por parte dos romanos no ano 121 a.C., facendo dela un posto fortificado na fronteira do Imperio Romano coas tribos celtas e xermánicas helvéticas. Logo da caída do Imperio, pasou sucesivamente a mans de burgundios e francos ata a súa incorporación ao Sacro Imperio Romano Xermánico en 1033.

Sen dúbida, un dos momentos históricos máis importantes vividos pola urbe é o que tivo como protagonista a Xoán Calvino e que fixo dela un punto vital da Reforma protestante. En 1532 o bispo católico da cidade foi obrigado a deixar a súa residencia. Catro anos despois, os seus habitantes xa se declaraban protestantes e proclamaron unha república propia, baixo o liderado espiritual do propio Calvino, quen viviu na cidade ata o seu pasamento en 1564.

Xenebra é considerada desde hai tempo como cidade de acollida, xa desde que acolleu aos protestantes que seguiron á Reforma. Co acollemento de numerosos reformadores, ademais do xa citado Clavino, coma Guillaume Farel ou Théodore de Brèze, gañou o sobrenome de Roma protestante ou de cidade de Calvino. Numerosos persoeiros internacionais igualmente atoparon aquí refuxio, coma o célebre Lenin.

É grazas a esta tradición de acollida e á neutralidade de Suíza polo que numerosas organizacións internacionais decidiron instalar a súa sede en Xenebra:

A Organización das Nacións Unidas (ONU) - Sede europea
- O Alto Comisariado das Nacións Unidas para os Refuxiados (HCR)
- O Alto Comisariado das Nacións Unidas dos Dereitos Humanos (HCDH)
A Organización Mundial do Comercio (OMC)
A Organización Mundial da Saúde (OMS)
A Unión Internacional de Telecomunicacións (UIT)
A Organización Meteorolóxica Mundial (OMM)
A Organización Mundial da Propiedade Intelectual (OMPI)
A Organización Internacional do Traballo (OIT)
A Organización Europea para o Desenvolvemento Nuclear (antigo CERN)
A Comité Internacional da Cruz Vermella (CICR)

Poboación

Transportes

Xenebra ten un aeroporto internacional accesible en autobús ou en tren, a menos de 10 minutos do centro. Grandes compañías como Swiss, British Airways, Air France, Lufthansa ou EasyJet teñen liñas con destinos a toda Europa e ao resto do mundo. No seo da cidade os transportes públicos xenebrinos explotan unha densa rede de autobuses e trolebuses, así como unha liña de tranvías en pleno renacemento.

Cultura

Anverso dunha moeda conmemorativa do festival de tiro de Xenebra de 1851

Xenebra acolle numerosas festas e manifestacións ao longo do ano, tales como o Salón internacional do automóbil de Xenebra no mes de marzo, a Festa da música no mes de xuño, a Lake Parade no mes de xullo e a celebración da Escalada en decembro. As festas da cidade desenvólvense entre xullo e agosto.

Lugares de interese

O Jet de Genève (o Chorro de Xenebra) que é o símbolo da cidade. Localizado ao longo do Quai des Eaux-Vives é máis que centenario. Instalado orixinalmente preto do Bâtiment des Forces Motrices (Edificio das Forzas Motrices), servía en principio para diminuír a presión nas canalizacións da cidade. Foi despois desprazado á rada e conservado polo seu atractivo turístico.
A Catedral de San Pedro. Do século XII, foi o templo relixioso adoptado por Calvino dende o cal irradiar o seu reformismo relixioso. No seu interior consérvase a cadeira de madeira empregada por este. Existen evidencias da existencia de templos anteriores ao edificio actual, polo menos do século VIII, así como restos de actividade en época romana.
Alberga, por outro lado, numerosos museos entre os cales salientan:
- O Musée d'Art et d'Histoire é o museo principal da cidade. Acolle pinturas dende a Idade Media ata o século XX, iconas, armas, instrumentos musicais e pezas téxtiles. Tamén ten un espazo adicado á arqueoloxía, incluíndo obxectos da Europa prehistórica, así como das culturas clásicas grega e romana e do Antigo Exipto, entre as que destaca unha momia do século IX a. C.
- O Museo de historia natural.
- O Museo etnográfico.
- O Museo de arte moderna e contemporánea.
- O Museo internacional do automóbil.
- O Xardín e o Conservatorio botánicos.
- O Museo da Cruz Vermella e da Media Lúa Vermella.
- O Museo Patek Philippe.

Organización Mundial da Propiedade Intelectual

Notas

↑ Definicións no Dicionario da Real Academia Galega e no Portal das Palabras para xenebrino.

Véxase tamén

Ligazóns externas

Turismo de Xenebra Arquivado 18 de marzo de 2005 en Wayback Machine.
Actualidade local (Tribune de Genève)
Vista en directo do centro da cidade

[1] Definicións no Dicionario da Real Academia Galega e no Portal das Palabras para xenebrino.

[1]