banda

Galego

• Pronuncia: [ˈban.dɐ] (AFI)

banda¹

Substantivo feminino

banda (sg: banda; pl: bandas)

1. (Crime) Conxunto de persoas que cometen un delito de maneira organizada.
   • Exemplo: A banda atracou a pasada noite a sede do banco nacional, en Madrid.
     
     
   • Sinónimos: grupo.
2. (Música) Conxunto de instrumentistas que tocan e actúan xuntos.
   • Exemplo: De mozo tocaba nunha banda de rock.
     
     
   • Sinónimos: conxunto, grupo.
   • Termos relacionados: orquestra.
3. (Música) Banda de música.

Traducións

• Castelán: banda ^(es), grupo ^(es).
• Francés: groupe ^(fr).

banda²

Substantivo feminino

banda (sg: banda; pl: bandas)

1. Cada parte lateral de certas cousas, paralela a unha liña central imaxinaria, cun bordo externo.
2. Bordo do terreo que limita ambos os dous lados dun río.
   • Sinónimos: beira, marxe, orela, ourela, ribeira.
3. Zona do interior dun terreo de xogo próxima aos seus límites laterais.
4. (Mariña) Cada metade simétrica dunha embarcación.
5. (Pesca) Peza de rede dalgúns aparellos.
6. Lugar indeterminado que se atopa próximo a un lugar que se expresa.
   • Sinónimos: lado, parte, zona.

Traducións

• Castelán: margen ^(es)
• Latín: ripa ^(la).

Termos relacionados

• a dúas bandas, a tres bandas, ...
• de banda a banda
• falar en banda
• liña de banda
• pecharse en banda
• pola miña banda, pola súa banda, ...
• por unha banda, por outra banda
• xogar a dúas bandas

banda³

Substantivo feminino

banda (sg: banda; pl: bandas)

1. Fita que pode ser de diversos materiais, de bordos paralelos, máis longa que ancha, que destaca onde vai colocada.
2. Tea en forma de tira, que atravesa o peito, desde o ombreiro até o costado oposto, como insignia dalgunha honra ou cargo.
3. Aquilo que ocupa un espazo longo e estreito.
4. Liña ou debuxo longo e estreito.
5. (Heráldica) Fita dun escudo, que vai desde a parte superior dereita até a inferior esquerda.
6. (Anatomía) Formación anatómica longa e estreita.
7. (Arquitectura) Moldura longa e estreita.
8. (Física) Intervalo de valores dunha dunha magnitude física.
9. (Bioloxía) Zona escura que hai no sarcómero.
10. (Pesca) Peza da rede dunha arte de arrastre de fondo.
11. Bordo que rodea unha táboa de billar.
12. (Medicina) Tecido adhesivo cun pouco de gasa e en ocasións algún medicamento, para poñer sobre pequenas feridas.

Termos relacionados

• amplitude de banda
• banda ancha
• banda cromosómica
• banda de enerxía
• banda de frecuencias
• banda de rodamento
• banda deseñada
• banda larga
• banda magnética
• banda sonora
• espectro de bandas

banda⁴

Substantivo masculino

banda (sg: banda; pl: bandas)

1. Pobo da República Centroafricana.
2. (Xentilicio) Individuo deste pobo.
3. (Linguas do mundo) Lingua níxer-congo deste pobo.

Adxectivo

banda

1. Relativo ou pertencente a este pobo.