deseño

Galego

Cubertos deseñados pola arquitecta e deseñadora Zaha Hadid (2007). A parte final lixeiramente oblicua do garfo e das culleres, así como o mango do coitelo, son exemplos de deseño tanto para a forma estética como para a función práctica

• Etimoloxía: do italiano disegno.

• Pronuncia: /de.se.ˈɲo̯/ (AFI)

Substantivo masculino

deseño(sg: deseño; pl: deseños)

1. Representación gráfica dun obxecto mediante liñas, debuxos ou fotografías cun fin artístico ou para a súa venda.
   • Exemplo: O arquitecto rematou o deseño do edificio. O moidisto realizou uns deseños moi elegantes.
     
     
2. Concepción orixinal dun obxecto ou obra destinados á produción en serie.
   • Exemplo: Deseño de modas. Deseño industrial. Presentou á directiva os deseños dos automóbiles.
     
     
3. Proxecto ou plan que configura algo.
   • Exemplo: O arquitecto municipal presentou ao alcalde o deseño urbanístico do novo barrio.
     
     
4. Forma dun obxeto deseñado.
   • Exemplo: O deseño desta cadeira é de inspiración modernista.
     
     
5. Disposición de tachas, cores ou debuxos que caracterizan no exterior a diversos animais e plantas.
   • Exemplo: O deseño raiado das cebras e do tigre
     
     .
6. Descrición ou bosquexo verbal de algo.
   • Exemplo: O Goberno autonómico aínda non ten preparado o deseño da súa nova política forestal.
     
     

Termos relacionados

deseño curricular, deseño industrial, deseño de moda, deseño de programas, deseño gráfico, deseño web